*أحاسيس مغناة*
السلام عليكم دخلت للاستقبال كعدت وامي تأشرلي ابتسم واني طالعه روحي وهذا يباوع فگس انشاءالله ااااااوف
الخطابه: مشاءالله بنتچ گمر
الله يحفظج حبيبه
جريت نفس وزفرته وكفت بالاذن منكم طلعت رحت للمطبخ صبيتلي مي من البراد شويه وراحت الخطابه وابنها وجتي اأمي
وتالي ويااااااج نيهان وتالي ولج صار عمرج 25 شمنتظره گوليلي دراسه واتخرجتي واخذتي ماستر بعلوم حاسبات شمنتظره تعبتيني
نيهان: خلصتي من الموشح منتبه ع نفسج كل خطابه تجي تعيدين نفس الكلام
أم نيهان: ماما حبيبتي العمر يركض تالي تصفين الوحدچ
نيهان: الله يطولي بعمرج ماما حبي
أم نيهان: بنتي اني ماديمتلج أريد أطمأن عليج قبل ماموت وكعدت ع كرسي تبچي
نيهان: گعدت بالگاع وخليت راسي بحضنها ماما گولي يالله أنتي مودائما اتكولين ماحد ياخذ قسمة غيره دموعچ تغسلني
أم نيهان : تمسد ع شعرها أسم الله عليج فكري بنتي والله خوش شاب ومتمكن وخريج شرايده بعد
نيهان: ماما افهميني الله يخليج شسوي مادخل گلبي دمعت عيوني تحز بنفسي شحجي وشگول بلعت ريگي مامالاتغثين نفسج حجيت بنفسي شگلج أحس حتى عيوني ماتشوف غيره
رفعت راسي أحم
ماما أدعيلي
وكفت ورحت الغرفتي دموعي نزلت يالله ساعدني أنساه تمددت ع فراشي غمضت عيوني
....
.........
نيهان: ما ما كنوني عفيه أحبك والله
كينان: حبيبي نينه أني هم أحبج ياعمري
نيهان: فدوووه عاااا كنوني من أكبر نتزوج مووووو
كينان: هههههههههه فدوه للبنات بابا أنتي گتكوته گله عمرج 10سنوات أكبري واتزوجي البعمرج وشغله ثانيه عيب تفكرين بهالامور
نيهان: ما ما ما اريدك انته عود أكبر ليش أشكد عمرك
كينان: ههههه اني عمري 23
نيهان: وتحسب باصابيعها اي اي أيصير عمري 20 وانته33 مايصير
كينان: بسسسس نيهان كاااااافي
نيهان: أهى أهى أحبك حباب
كينان: گرفصت يمها وحضنتها بزونتي لاتبچين أنتي بعدچ طفله والعمر كدامج تدرسين وتتخرجين من تكبرين تضحكين ع سوالفج روحي العبي هسى ويا راكان
نيهان: دفعته لاااااا كنون والله أحبك وأمسح دموعي وخشمي مالعب ويا كركر
راكان: نينه وووووين تعااااالي نلعب شكلت الاتاري
نيهان: ووووولي مااحبك ولا العب وياك ركضت ورجعت للبيت أبجي
راكان: كنون شبيها عابتلها خبله
...................
فزيت ع صوت الاذان المغرب تعدلت ومسحت دموعي
$أحاسيس مغناة$
