#عشقي لكي ممنوع
البارت الاول
ل وردالعامري
كلنا نعيش تجارب حب
لماذا تجارب الحب هل تختلف تجربت الحب عن الحب والعشق
سميت تجربه لانها قدتكون اعجاب اوتعود نسميه نحن الحب لكن
الحب هوه يطرق باب قلبك من غير زمان ولامكان ولاسبب ولامعرفه قدنحب من نضره اوقدنحب من كنا نعتبرهم اصدقاء مااقصده ان…..
للحب موعد يرن فيه جرس انذار القلب
قصه اليوم عن حب يمنعه فارق العمر لنسافر مع ابطالنا في طيات حكايتهم… .
ورد العامري 😘
السلام عليكم ورحمه الله وبركاته ..
اني لوجين م92من عائله متكونه من بابا اسمه علي استاذ رياضيات
وامي خريجه بايلوجي لكن ربه بيت
اخويه الاكبر سامر م 88
وبعده اختي ليان م89
واخويه حسن م91
وبعده اني واخر العنقود مثل ميكولون
بدت قصتي بعمر12سنه كلنه انولدنه بكركوك بابا من تخرج طلع توضيفه بكركوك وهوه حب الجو هناك فما طلب نقل استقرينه هناك من اول مصار السقوط جابنه لبغداد وهاي اول سنه اداوم بيهه ببغداد
جنت صف سادس رجعت من المدرسه اني واخوتي جان يمنه خطار لاول مره اشوفهم مره ورجال عرفت انهم ولد عم بابا وماما لان امي وابويه ولد عم وولد خاله
الاب: تعالو سلمو هذا عمكم ليث وعمتكم ثريا ولد عمي
الرجل: الله يحفضهم بس شنو هاي علي الصغيره مغطيه عليكم كلكم
علي :هههههه لجونه اي هاي لمدلله مالتي
ثريا: بس عليمن عيني شو لاانت ولاامها عيونكم ملونه
علي: والله بت عمي بيبيتي الله يرحمها لحكت عليها لوجين تكول جان جدها ابو ابو ابوها عرفتي يعني موجدها ابو ابوها لا ابو جدها جان مزوج وحده عدها اصول تركيه وهيه جدا جميله فضاهر لوجين عليها
ثريا: زين ورباط لسالفه وين هههه شعليها بنتك بيها
علي: عرق هذا الرسول ايكول العرق دساس حته 40ضهر وهيه موبعيده بعتبارها 4ضهر الها وهيه بيبيت امها وابوها موبعيده جينات يعني
ليث: صحيح همه الله يحفضهم كلهم حلوين بس هيه ماخذه الشكار ولعيون بعدين ليش تبعديها ام اخلاص شكره اذكرها الله يرحمها
ام لوجين: يرحم والديك اي امي شكره بس عيونها مثل عيون ليان عسليات
علي :لاليش تبعدها خالي سلوان اخو امي شايفه انت عيونه ملونه
ليث: اي صح لمهم الله يحفضها ويفرحك بيهم
-امين يارب
لوجين: اكو حزازيه جانت بين امي وبت عمها ثنينهن مو عله بعضهن امي تحجي بالمثاقيل وذيج اتبسمر اول مره كالتلها كبرانه شصاير بيج مع العلم امي محد ايصدك احنا جهالها ناعمه كلش واحنه بعتبار كبرنه وياها هيه ازوجت بابا عمرها18سنه كملت دراستها وهيه مزوجه وتفوقت رغم بابا جان ايعاند وخلانه انجي واحد وره الاخ تسولف النه انها حامل وتدرس
وبثانيه ع شكلي تكولها متشبهكم شوانتي عيونج سود وعلي جوزيات
واخر شي قبل متطلع كالتلها عيني علاوي بعد ممبين عليه كبر
علاوي شنو هل ميانه حسيت امي ع اعصابها كاعده اول مراحو كبت امي
شنو هل اسلوب شنو علاوي ماعدك جهال متستحي
-شبيج ياعيني شسويلها
-علي مااحبهم مثل ما ولد عمك ولد عمي بس مااريدهم لاتكثر ميانتك وياهم تره والله اعوفك وارجع لكركوك جنت مرتاحه محد منهم يمي
-شبيج متكوليلي جتي ده تشكرني ع مساعده ابنها شيحتاجله هل حجي
-علي اترجاك لاتقربنبه منهم وخلص
-
