((نيهان أتعبها الحب))
$أحاسيس مغناة$
2014
نيهان: صباح الخير ماما
أم نيهان: صباح الخير حبيبتي تعالي اتريگي
نيهان: كعدت تريگت كملت سمعت صوت السياره يالله ماما بااااي قبل ماطلع عدلت الحجاب وطلعت رگض ركبت بالسياره صباح الخير كركر
راكان: صباح النور لج لاتصيحيني كركر رجال اشطولني اشعرضي
نيهان: هههه والله متعوده شسوي حرك اتأخرنا لانترزل من المدير
راكان: ابتيلت بيج بلوه
نيهان: مشينا بالسياره وازدحامات كركر
راكان: أووووف هاااا شنينه
نيهان: وجع لاتصيحني شنينه
راكان: احترمي أكبر منج بسنه
نيهان: اهوووو شخبصتني
راكان:هسى شرايده
نيهان: بلعت ريگي كينان طلع للدوام
راكان: البارحه ماجاي للبيت أصلا
نيهان: ليش
راكان: ماتعرفين سهراته
نيهان: سكتت أنقهرت أشغيرك كينان ماجنت هيجي
................
1999
نيهان: ااااااالله شنوو هاااي أتخبل انطينيها كركر
راكان: لج هاي مالتي
نيهان: شنووو هايه
راكان: هذا يسموه عقد
نيهان: يعني شنو عقد
راكان: من واحد يخطب ويگطع مهر يوزع للناس منها هوايا اشكال وبداخلها چكليت
نيهان: اااريد منهاااا
راكان: هسى كينان يجيبلكم وحده
نيهان: وليش كينان اني اريد وحده الوحدي
راكان: أشكد غبيه مو هذا عقد كينان اليوم عقد بالمحكمه
نيهان: يعني شنو
راكان: يعني يتزوج وهسى العروسه عدنا اليوم
نيهان: جذاااااب كنوني مايتزوج دخلت البيتهم وعيوني مدمعه وكفت باب الهول أنصدمت
ظليت واكفه ماتحركت عضيت شفافي مااريد أبجي
كينان: هلوووو بزونتي تعالي وياشر أكعد جنبه
نيهان: رحت گوه لازمه نفسي مااريد أبچي كعدت يمه حضنت أيده كنوني هاي منو وأشر بيدي
كينان: نينه مايصير أتأشرين عيب هاي خطيبتي
نيهان: اباوع لابسه حلو وطويله وفاتحه شعرها عيونها كبار وحلگها صغير
علا: فدوووه منو هالحلوه حبيبي
كينان: هذه نيهان بنت جيرانا
علا: حياتي تبين متعلقه بيك تعالي يمي شوفيني شعرج شكد حلو ودبدوبه اشكد عمرج
نيهان: تسالني ومارد بس احصر بيد كينان من أحجي ابچي
كينان: الظاهر مستغربه منج وله هيا السان هههه عمرها 10سنوات
علا: اوووي مايبين لانو ناعمه وطبوشه هههه
نيهان: بهاي اللحظه ماتحملت اسكت حسيتها تقلد عليا كمت رحت وكفت كدامها وصحت أني ماااااحبج اكررررهچ روحي أطلعي من هناااا كنوني مالتي اني من أكبر اتزوج كنوني وضربتها برجلي ع رجلها كنت لابسه حذاء
كينان: نيهاااااااان عيبببب شالتصرف روحي ع بيتكم يااااالله صايره وكحه
علا : حبيبي طفله ماتفهم
نيهان: أباوع لاول مره كينان هيجي يرزلني ماتحملت نزلت دموعي وركضت يم باب الكراج وكعت وركبتي طلع منها الدم زاد بچيي
راكان: الله الله نينه رجلج دم
نيهان: أهى أهى كركر رزلني كنوني وطردني راكان: بس لاتبچين الا اشكيه الماما اترزله أمشي روحي للبيت اجيب الاتاري نلعب بيتكم
نيهان: هزيت راسي ورحت للبيت أعرج
................
