الهام {باللهجة الجزائرية}.(قيد التعديل)

العرس

كمل العرس وهذاك الخاين تاع امين مزال يسيي يحكي معايا هه نحكي مع لخرا ماشي😒 جات ليا ماما وخالتي وخياتي  هدى ومروى دارتلي خالتي البرنوس وعنقتني وباستني من خدي وجات ماما تسقملي فيه وتهدر
ماما:ياعمري على بنيتي كبرت وتزوجت وليوم راهي قدامي عروسة  ايااه راكي شافيا كي كنت نجري موراك وانا نقولك يا البغلة كولي فالكوزنة ماشي فالبيت اييه كربتي ارواحي بوسيني 😢
الهام:ماما..😢
ورحت ترميت في صدرها وقلتلها :نتوحشك😭😭
وحطت خالتي يدها على ضهري وقالتلي :يابنتي ماراكيش رايحة بعيد بزاف كل سمانة ولا سمانتين ارواحي وحنا نجوا ليك تاني 😢
انا درت ليها وعنقتها بكل ما املك من قوى وبعدت عليها شفت فيها وقلت:مآه ماتخلوهش يديني نجي معاكم 😢😭😭 ماااااه نجي معاكم ماما اديني معاكم عيشك عمري عيشك ماماتي😢😢
ماما تضحك:هههه يابنتي وين نديك راجلك سبع الله يبارك قدامك امشي امشي عيشك بنيتي هيا روحي معاه
انا:مامااااا مانيش نضحك اديني معااك😢😭
خالتي شدتني يدي وقالتلي :يابنتي هيا معايا استغفري مولاك امين هاهي مرتك وحافض عليها ولدي حطها بين عينيك وماديرش في.بالك بلي ماعندهاش.خيانها بمعنى ماعندها عليمن تسند ضهرها عندها باباها وولاد خالتها وولاد عمومها يكرفصووك لوكان تعيط تشكي نجي انا نقتلك  .. هيا بنتي الهام سلمي على خواتاتك وهيا 😊😢
عنقتها وقلتلها :خااالتي 😢😭
انا صح مانيش حابة نروح معاه يلي دارو فيا ماشي قليل نكرهوووو مانحبوش خرااا هو صح يحبني وراه ندمان كنت رح نسيي نسمحلو مي باش يروح عند بابا ويهددو ويزيد يضارب معا وليد عمي هاذي مانسمحلوش فيها ويزيد يسيف عليا نحبس قرايتي والله حمار خرية خانني فالفراش معا وحدة عاهرة يتسما انا الهااام بنت عبد العزيز يبدلني بالزبل والله مانسمحلوووو رخيس ممبعد يجي يحلل فيا ويقولي غرتني هه تغرك الموت يا البغل اذا عاد وحدة كيفها تجبدك وداتك يعني اي وحدة رح جي رح تديك مني نووورمال طحان (رانا سبيناه شوية بزاف ا الهام😐)
سلمت علا خياتي وهوما يبكيو ويقولولي رحتي يا المافيا تاعنا خخخخ بيسك انا من بكري يلي يخلط في خواتاتي نذبحوا كنا صغار ديما نضارب برا مام امين كان جارنا ديما نرجع للدار مجروحة مسكين مالغري كان يخاف يضربني بالقاوي مي هكاك ملي كان كان صحيح وقوي عليا😂 المهم ..جا ليا شاف فيا بيان قعد يخزر في عينيا ديراكت وقالي في وذني: مليوم وليتي تاعي ..تاعي وحدي نحبك نحبك موووت ..
انا :يا ماشي تحبني موت ..تحبك لموت ان شاء الله
رديتهالوا في وذونو
امين:مزالكي زعفانة عليا عمري؟! ماتخافيش ليوم تسمحيلي 😊😆
انا:هه تحلم مانسمحلكش 😠😡
امين باسني من راسي وركبنا فالطوموبيل هو يسيي يخليني نهدر معاه مي انا وااااو غير امم ايه ولا نحرك راسي. هه ستندم انا تخوني يا الخرا اناااا دك نوريلك مالغري نحبووووو نتنفسو مي باش يخوني نعفس على قلبي بالطالون ومانتخانش  😈
لحقنا للوتال هه هبل واقيل انا ماندخلش
انا:ايييي اسمع غير مكلاه ادينا للدار ديراكت مانرقدش هنا
امين:مي راني ريزارفيت وخلاص مكاش كيفاش نولوا للدار
انا:دبر راسك .. ولا نقولك اذا رح نباتوا هنا انا نقعد فالطوموبيل ونتا روح ربي يسهل عليك سمعت .
ودورت وجهي
امين:امري لله ..
انا:زعما تعرف ربي ههههه😏
قلتها باستهزاء
امين:الهام مااخلطيش فيا بزاف تعرفيني خفيف 😡
انا:ههه تبانلي مانعرفكش 😑😒
امين :يااربي 😬😠😡
وقلع رحنا للدار كي لحقنا هبطنا كانت الدار شاابة بزا وكانوا وحد الجماعة تاع دراري جايزين كامل يشوفوا فينا 😂😂
امين:ايا ادخلي للدار اجري
انا:بعقلك شبي جدك تعيط هاني داخلة ديجا راني لابسا الطالون ونخاف نطيح نمشي بعقلي ولاغوب تقلق هه بعقليييي😒
امين:شوفي كيفاش راهم يشوفوا فيك
انا:ماعجبكش الحال لوكان جبتلي ليغولوغ في بلاصة هذا الهم 😒
وانا نهدر ماسمعتوش رجعلي حتى بووم نحس روحي طااايرة ياااه رفدني خخخ رفدني ودخل يجري وانا خفت عنقتو هه خفت لانطيح برك وهو زاد زير عليا وكي دخلنا للدار زاد كمل يمشي بيا حتى للدروج وطلعني حتى للبيت اااه هنا السيد واقيل هبل
انا:ايييي وين وين هبطني تشو هبطني
امين:وين نهبطك هانا لحقنا للشومبرا تاعنا دك نفتح الباب ونحطك تما
انا:شونبرا تاع ناناك ماشي تاعنا انا نسحق البيت تاعي وحدي سمعت .مانرقدش معاك في بيت وحدة
امين:ايااه قالك ترقدي وحدك ترقدي معايا ومعنقتني
اناطبعتو وهبطت علا رجليا:واااش سي محمد اك قرعتها حبيبنا تزوجتني بالسيف حبستلي لقراية حطمتلي مستقبلي وآمالي واحلامي كااامل لي كنت راسمتهم في مخي ملي كنت صغيرة زيد بعدتني علا ماما وبابا ودارنا كامل بالسيف عليا وراك تتحكم فيا كيشغل لعبة فيدك خنتني وحنا مخطوبين اك شافي بلي ضربتني بكف نهار كنت رح نشنشف هاذيك العاهرة اك شافي بلي حاميت عليها وانا حسستني بلي رخيسة اسمع انا غاليك عليك واشرف مالشرف تاعك واش مزال تاني تزيد تفرض عليا نرقد معاك اخطي جدي اصلا نقولك عفسة انا نرقد هنا فالكولواغ ولا فالجنينة برا فالبرد ومانرقدش معاك والله الشتا يلي راهي برا خير من وجهك الف مرة
وقعدت فاللرض ومزال قلبي يغلي ومزالت الف هدرة على طرف لساني حابة انوض نقتلو
هو قالي :نوضي ريحي مجياحتك ارقدي فالبيت وانا راني رايح للصالون
نضت خزرت فيه خزرة تقتل ودرت فتحت الباب وغلقتو بكل ما املك من قوة في وجهو هه حسباتلو رح يغيضتي ونقولو لالا خلاص ارواح نرقدوا كيف كيف ماشاف والو مليوم كلمتي لي جوز دك نوريلو شكون انا يندم الدقيقة يلي عرفني فيها ..توحشت ماما كي تفكرت بلي راني بعيدة عليها بكيلوميترات 😢
ممبعد نضت نحيت الخرية تاع لاغوب ونضت دوشت انتيك وكنت نغني ونشطح لداخل خخخ سمحولي فالدوش نولي مغنية وراقصة ههه انا اصلا ديما زاهيا😎 نسيت الزبل تاع حوايجي خرجت مالدوش وانا دايرة غير سربيتة وشعري مشمخ يتقاطر  وطويليلحق حتى تحت ضهري  والسربيتة هاذيك مغطية غير الازم😂 كي خرجت مارفدتش راصي رحت ديراكت للخزانة فتحت الباب لقيت غير خواج تاع امين نسيت بلي حوايجي راهم فطوموبيل ماعليش نجبد حواج تاعو تريكو ولا كاش عفسة المهم لقيت تريكو عريييض ولوكان نلبسو يجيني نص لفخاذ خخ بينازة الله غالب😆  المهم لبستو فوق السربيتة ونحيتها درت باش نحطها وبووووم ماهذا واش راه يدير هذا هنا ياااه راه لاسق فيا اواااه ماتقولوليش شافني كي كنت نبدل😱😱😱 نندب ماايحشمش انا طبعتو وبدون سابق انذاب
انا:يااااا ماتحشمش واش راك ادير هنا براااا برااا اخرررج
امين ماتزعزعش انا تنخلعت كي زاد قدم ليا هنا قلبي بدا يخبط اوااه عفسة مش مليحة رح تصرا قلبي مش مريح
امين:علابالك بلي نتي مرتي ومن حقي 😏
انا:ا ..ايه ..بع..بعد اخطيني 😨
امين زاد قرب ليا وقعد يقول ويعاود
امين:من حقي وربي مايحبش لوكان مانديه وربي مايحبش كي ماطيعيش راجلك ورح يعتابرك عاصية ليه ..رح تقبلي تعصي ربي ☺
انا:اا ا لالا باينة مانعصيش ربي
بدا يقرب ليا خلاص راه وجهي و وجهو لاسقين
امين : خلاص امالا ماتتحركيش
قرب ليا وتوشاني انا فاللول سييت نبعد مي تفكرت ربي وهذا حقو مي تاني ماشي من حقو يديرلي هكا وكل ما نحس بيدو يزيدو يطيحوا دموعي كثر وكثر ماكنتش حابة يمسني بالسيف عليا حماااار نكرهك رخيس 😢😢 كي لحق وقت الصح عيطت عيطة وحدة عيطت لربي لي خلقني هنا دخلت مرحلة جديدة مالدنيا جزت لستاج اصعب 😭 هو مي سمعني عيطت بعد وجا عنقني وانا نبكي عنقني وقعد يمسح على شعري طبعتو وقتلو بلهجة باردة مالغري دموعي كي للويدان على خدي
انا:اك ديت واش حبيت دكا برا عليا
امين:الهام..اسمعيني دقي....
انا:ياااو برااا ياك قتلي ترقد فالصالون اياا برااا
امين خرج وخلاني ومعا خرج ماحملتش بديت نبكي ونعيط لربي لي خلقني
انا:اااااااه يااربي علااش علااااش ياربي راه يصرالي هكا مزالني صغيرة على هذا العذاب راه في عمري18(وزعما ربي ماعلابالوش شحال عمرك😂😂شوية سيريو لقجة مؤثرة😐) ااااه ياااربي
قعدت نبكي حتى الصباح حتى طلت الشمس داتني عيني جوايه ال7 تاع صباح ....
Stoooooooooooooooooooop
هذا البارت اللول قولولي واش عجبكم فيه😆
حبكم بوجغللواتي🐌
وقتما كانت عندي كونيكسيون راح نبارطاجي 😆