الجزء الثامن♥️
سارة... حسيت الصبح واحد ديكعدني فتحت عيني شفته الولد الصغير
علاوي... هلو منو انتي
سارة... اني سارة انت شسمك
علاوي... اسمي علي بيبي كالت انتي كرايبنا
سارة... اي صح انت بيا صف
علاوي...اني صف اول كومي صار الريوك بيبي كالت كعدها
سارة... اوك ووليد موجود هم
علاوي... لا خالو وليد طلع من الصبح
سارة... ديله خل نروح ناكل اني كلش جوعانة... رحنا للمطبخ ركزت على تفاصيل البيت حيل بسيط ومرتب الميز ماليته اكل من كلشي شوية مبين على امه حيل طيبه ما اعرف هيج دسوي حتى ما ابلغ عليهم ولو اني شبلغ كلشي ما اعرف عنهم ولا اندل اني وين
ام وليد... صباح الخير شون نمتي
سارة... الحمد لله بس جسمي حيل دياذيني
ام وليد... اذا تردين عندي مسكن تريكي واخذي
سارة... خالة عفية كلشي ماريد بس ارجع لابوية
ام وليد... اليوم اني وعدتج واذا مرجعج بنفسي اوديج
سارة... دوديني هسه عفية هو مو مموجود
ام وليد... صح اني ماريد اكسب خطيتج بس هو هم ابني وعانه بحياته ماريد ااذيه خل يرجع بلكي عنده خطة شي بحيث ترجعين بدون محد يعرف هو خطفج
سارة.... حيل ضجت منها.. بس هيج دشجعيه ع الغلط انتي لازم يتعاقب
ام وليد... تعاقب بما فيه الكفاية صدكيني وبعدين هذا اليتيم ماعنده احد غيره اخاف لا اموت منو اله اكعدي اكلي هسه وربج يفرجها
سارة... كعدنا تريكنا ومشى الوكت واني على نار اريد ارجع خايفة لا يغيرون كلامهم صار العصر واجه وليد جنا كاعدين بالهول كلنا
وليد...السلام عليكم
علاوي... هلو خالو شوف منو جا عدنا سارة الحلوة
وليد... باوعت عليها شون وجها ازرك وشعرها شايلته يخبل عليها... اي خالو اعرف
علاوي... دسلم عليها عيب
وليد.... هلو سارة
سارة....هلو
وليد....يوم كومي نطيها عباية منج دوصلها لبيتها
سارة... كمت وكفت... والله
وليد... كيفج تردين تظلين براحتج
علاوي... اي ظلي حبابه
ام وليد... لا حبيبي لازم ترجع لبيتها هسه اجيب عباتي
سارة.. لبست العباية وطلعنا بلكراج مال بيت نطاني خمار لبسنياه وشد عيني وايدي
وليد... هاي بس علما نبتعد عن البيت شوية واخاف احد يشوفج بطريق ميعرف مشدودة عينج
سارة...عفية صدك حترجعني الله يخليك ماريد ارجع للسرداب
وليد... لتخافين اليوم تباتين بيتج.. صعدتها بسيارة تعمدت العصريات اوديها ويا هوسة سوك حتى لحد ينتبه علية..
ابتعدنا عن بيتنا هواية وكفت السيارة نزعتها الخمار وفتحت عينها...
شوفي هسه شوية ونوصل حذبج بعيد شويه وانتي تمشين لبيتج واذا حجيتي اي شي عني حرجع اوصلج وهلمرة مو بسرداب لا بمكان ثاني ميعرف بيه بس ربج
سارة...هو يحجي واني مو يمه بس اريد انزل من سيارة ويهدني
وليد... مو دا احجي وياج ماااااشي
سارة... اي اي افتهمت... شوية ونزلني بنص الهوسة مصدكت ظليت جامدة معقولة حينتهي الكابوس وارجع
وليد... شبيج متردين ترجعين
سارة... نزلت ركض امشي بكل سرعتي ولا باوعت وراية علما وصلت لبيتنا
وليد... نزلت ومحجت حرف نقهرت عليها حيل شسويت بيها اني ياربي سامحني ما اعرف شون كدرت هيج اسوي
