الجزء العاشر♥️
سارة....ظل بابا يدور على الي خطفوني مستفاد شي شك بهواية من اعدائه بس ابد مخطر باله وليد واني الى هسه بدوامة ويا نفسي وما اعرف شريد وجا يوم السفر تحضرنا احنا وبيت عمي ورحنا بالمطار واني بس افكر بامي شون حسافر وهي مراضية عني شون حروح وماشوفها بعد وجان ببالي شغلة بس جنت حيل مترددة اسويها خليت جنطة الي بايدي بيها كل اوراقي ومستمسكاتي وذهبي لان هواية جان عندي واهم شي جان سند البيت الي باسمي لان بابا جان عنده هواية بيوت وكل واحد من عدنا اكو بيت باسمه ببغداد بس البيت الي باسمي هو اول بيت سكنا بيه من توفى جدي جنا كاعدين بصالة الانتظار الي هي قبل الطيارة مباشرة والي يطلع ميرجع بعد باوعت بابا ملتهي ديسولف ويا عمي وديمشون للطيارة اني رجعت كبل الي واكف بالباب كلي بعد متطبين ترا مظل وكت حتقلع الطيارة مرديت عليه
ابو سارة... صعدت بالطيارة وكعدنا انتبهت سارة ماكو تخبلت وين راحت وما اكدر اطلع بعد العالم دتفوت للطيارة وازدحام واحجي ويا المضيفة متقبل تطلعني ماشوف اله دك تلفوني رقم سارة رديت راسا
سارة... هلو بابا
ابو سارة... وينج سارة يله سدو الباب
سارة... بابا سافر انت الله وياك اني ما اكدر
ابو سارة...حياتي لتجنين وين ترحين تعاي صعدي
سارة... اني قبل اختاريتك بابا بس هسه ما اكدر بعد لازم ارجع لامي
ابو سارة... لتخبليني ياااااا امج تعاي صعدي
سارة... اسفة بابا روح انت الله وياك احبك حيل حجيت هيج ومكدرت اكمل دموعي بس تجري الفراق صعب حيل شيصير يعني لو جنا عايشين كلنا سوا سبحانك ربي
ابو عصام... ها شكالت وينها
ابو سارة... سدت التلفون خليها تروح لامها عبالها خوالها حيستقبلوها من الباب يطردوها هي يومين وحتخابرني وتجي
سارة... كعدت بالصاله افكر وين اروح مستحيل اروح لامي وحدي خوالي محيرحموني ولا حيخلوني اشوفها اعرفهم اني فتحت الجنطة دا اطلع كلينس امسح دموعي ولكيت ورقة فتحتها لكيت المعلومات الي جابتها مها عن وليد من ضمنها عنوان بيتهم اخذت تكسي ورحت ما اعرف بشنو جنت افكر بس ملكيت غيرهم التجأ اله..........،
ام وليد... وليد حبيبي
وليد... نعم يمة امريني
ام وليد... حبيبي مو كافي الي فات مات وهسه الحمد لله انت رجعت وكفت على رجلك ودا شوف نفسيتك تحسنت ماشاء الله رجعت لاصدقائك وحياتك وراتبك ماشاء الله واني راتب علاوي مكفينا الحمد لله
وليد...يمة من الاخير شتردين
ام وليد... شوف اذن العشا ربك حيبارك بلي حكوله
وليد... يوووم شنو
ام وليد... اريد اخطبلك والله بنت عمتك تخبل وورده مال الله
وليد... الي تشوفيه يمة
ام وليد... الحمد لله يمة الله يتمم على خير
وليد... يكون هي توافق
ام وليد... ليش وين تلكه مثلك اصلا عمتك كاتله روحها وبس تسمعني حجي
وليد... هاهية يمة بكيفج.... وافقت لان تعبت وحدي اريد اكون اسره اغير حياتي وبلكي انسى سارة شويه والي سويته بيها الله يعلم نفسيتها شونها بعد عيشتها بالسرداب شوية ودك جرس الباب
ام وليد... خير ان شاء الله منو يجي هلوكت
وليد... ممكن تبطلين تفزين كل ميدك الجرس ماكو شي يجوز واحد من الولد دنطلع للكافيه... طلعت فتحت الباب ومصدكت الي شفته سارة مقابيلي لا ومتغيرة جذريا لابسة بنطرون عريض وقميص طويل وحجاب... سارة معقولة
سارة... اي سارة ممكن ادخل
وليد... ليش اشتاقيتي للسرداب وشون عرفتي مكاني
سارة... لتنسى اني بنت ابوية
وليد... شون انسى شنو ابوج وراج لو حيله حتى تاخذوني
سارة... حظل تحجي ويايه بالباب بعدين ماكو احد بس اني بابا سافر
وليد... شنو هلخريط هذا شدتحجين انتي
ام وليد... منو وليد
سارة... اني خالة شونج
ام وليد... سارة
سارة... لتخافون والله جاية وحدي ومحد يعرف اصلا اني وين بابا سافر بيش احلفلكم وصدكوني
وليد... اولا اني مخايف لا منج ولا من ابوج وانتي تعرفين فوتي
ام وليد.. بس يمة
وليد... خل تفوت دنفتهم منها شكو
سارة.... دخلت وياهم وحجيتلهم كلشي صار من طلعت من بيتهم الى اليوم
ام وليد... يعني تردين ترجعين لامج
سارة... اي اريد اخذها ونشتري بيت صغير على كدنا ونكعد بعيد عن خوالي
وليد... هاي احلام ورديه خوالج ميقبلون وبعدين وين حظلين بين متحظرين البيت اذا دتكلين خوالج ميستقبلوج
سارة... عدكم هنا
وليد... شنوووو ههههههه جديات ضحكتيني
ام وليد...بنتي شون تكعدين عدنا ميصير
سارة... خالة اذا علمود وليد فاني جنت جوا ايده وماذاني واذا ع العالم تكدرون تكولون اي شي واصلا هنا محد عليه باحد البيوت كبار ومنطقة هادئة وهي بس فترة مؤقته الدلال راسا حيرهم بيت
وليد... واذا امج مرادتج اصلا وين حتروحين مفكرتي
سارة... بلي فكرت حرجع لوالدي اسمي حاولت وياها واشوفها اخر مرة وخلص
ام وليد... ماشي بنتي ظلي
سارة... اشكرج خالة
وليد... يوم شدتحجين وين تظل نسيتي هاي بنت منو
ام وليد... لا منسيت ولا تزر وازرة وزر اخرى وبعدين نسيت اانت شسويت بيها اعتقد لازم نردلها موقفها ويانه لان مبلغت عليك جان هسه انت بس ربك يعرف وين من ورا انتقامك
وليد... ومنو يكول هاي مو حيلة منها حتى ترجع تنتقم مني
سارة... ليش وين عايشين احنا شنو هلمسلسل الهندي ناس تنتقم من ناس مو كافي
وليد... استغفر الله يارب... ضربت ايدي ع الميز حيل وطلعت من البيت
ام وليد... معليج منه هو عيبه عصبي حيل هسه من يرجع يهدئ
سارة... لعد علاوي وينه
ام وليد... نايم بالغرفة باجر عنده امتحان خطية وجان حيل خايف تدرين من رحتي بس يسأل عنج كومي يمة بدلي وارتاحي
سارة... ان شاء الله... طبعا حسيت براحة مو طبيعيه بيتهم ما اعرف شون والفروض همة اكثر ناس اكرهم بس مدا اكدر احس صدك مظلومين لازم اعرف شون فات للسجن
