#حياة_امرأه
#بقلمي شمعة امل
#الجزء الأول
ورجعنه وياكم بقصه جديده
أحداث القصه حقيقيه 100/100 واقعيه تبدأ من سنة ...🤔🤔🤔
ماادري بس هيه من زمان كلش كلش كلش
بطلة القصه اسمهه حياة
راح نتعرف على الشخصيات بحسب ظهورهم بالقصه
مرحبه ....اسمي حياة .....
مواصفاتي حلوه كلش كلش كلش ...
ههههههه
لا موغرور
بس احنه ماعدنه واحد بالعائله مو حلو
اني بيضه عيوني عسلي يميل للاخضر شعري اشقر على خضار همين
وتوصل ظفيرتي تحت خصري
رشيقه جدا
طولي 160 تقريبا ....
أحب الضحك كلش كلش ... هههههه
اني أكبر البنات احنه حتى الفرق بيناتنه الولد والبنات لو بالاشهر لو سنه ..أو سنتين
اذا امي هو طلع الاربعين وحبلت مدري شبيه كالتله روحهه على الخلفه
احنه عددنه خمسة ولد
وخمسه بنات ....
هااا نسيت .. .عمري الآن 17 سنه
بيوم واني راجعه من المدرسه ....شفت ولد كلش حلو واكف يم باب المدرسه ....كلت يمكن دينتظر اخته من تطلع
مهتميت للموضوع بس انتبهت لشكله
..موبس اني كل البنات كانوا منتبهين عليه ...
بس اني حيل استحيت شفته يباوع عليه
كلت بكَلبي هذا شكد ميستحي صوج اهله ماربوا عدل ...
اني درت وجهي واستمريت امشي ويه صديقاتي
احنه بالطريق كل وحده تروح لفرعهه وبنفس المنطقه ساكنات ....
راحن البنات ...بقيت بس اني ...
وصلت لبيتنه ......
بابنه بيهه قفل من فوك ....
هذا بس يتوخر
تنفتح الباب ....ندفعهه وندخل للبيت ...
فتحت الباب واني داادخل ..لفت انتباهي نفس الشاب
كان ديتمشى بالفرع مالتنه ....
كلت ...شوف شكد عيب ..واني حجيت على الولد طلع يمكن هنا بيتهم ...ووصل اخته ..وهسه
راح يجيب مسواك
هههههههه كنت كلش بريئه وكلشي ماافتهم
وعدنه هاي السوالف عيب انه الولد يباوع على بنت
وماكو شغلة علاقات
احنه تربيتنه صارمه قبل
ماكو بنيه تحجي ويه ولد هيج
عادي
تقاليدنه اشوفهه صحيحه جانت
وحياتنه بسيطه وحلوه
يعني اني اكلكم ....المره اسمهه بس تكبر تتزوج وتضل تحبل وتجيب
والرجال عليه بس ياكل ويطلع لشغله
ههههه ادري بزونه والنسوان بهذاك الوقت
عدهن الحباله أهم شي ...
وكانه عدهن مسابقات ....
يتغالبن بعدد الجهال ...
فاتشوفون إعداد خلفتهم كلش هوايه ....
نرجع لسالفتنه .. .......
مرت ايام واني كل يوم اشوف نفس الشاب يم باب المدرسه
ومن ارجع هم اشوفه بشارعنه ...يفتر ...
طبعا عندي اخويه الجبير كاظم خاطب
وزواجه عن قريب
اخويه الي ازغر منه سجاد هم دنخطبله بنت خالي
بيوم ...اندكت الباب ....
ام كاظم ....ولج عواطف روحي افتحي
عواطف ....يمه مااكدر دااخسل هدوم بالحمام ورجلي خدرانه
..ام كاظم ....بتول وينج افتحي الباب ..
