ذروة عشق

بارت 11

مساء الخير

ذروة عشق
البارت 11
الكاتبة....تبارك حسن

البيت ونضفته
ساعدتني بنت خالي
لارا كلش
قريبه عليه احجيلهه
وتحجيلي
كملنه وفرشنه اني وياهه
وتمددني ونسولف
باوعتلهه تدرين اني خايفه
ع زينب
من شنوو خايفه
اليوم شفتي صار بلحنه
لا جنت بره
ماسمعت صار كعدت
ع حيلي معقوله
يي ليش شكوو صاير
اليوم الشمعه
مال الحنه وكعت وانكسرت
وحدهه
وقبل عرسهه حلمت حلم
بيهه صورتهه معلكه خاليهه
بااطار ولبسه
بدله بيضه وكعت ونكسرت
كلش خايفه ع اختي
لا حبيبتي لتخلين
هيج افكار براسج
ان شاء الله كل الخير وتتهنه
ومشوف شي مكروه
بحياتهه
امين
تعبنه من الحجي ونمنه
ثاني يوم سولفت
الامي ع صار شغله
عمتي
شلون صيح علينه
بشارع كلش
ضاجت ومقبلت نوصل
الحجي الابويه
متريد المشاكل
مرينه
باايام عاديه خلال
هذا الاسبوع نخابر زينب
تكول كلشي ماكوو
ماعدهه شي بس جابت
طاري الحذاء كالت
امي ضاعت وياا الهوسه
ماكوو شي
لتخافين سدت الموضوع
زينب ابويه كام
شنو يجيبلنه بلبيت
يجيب الزينب حدمااا
كاعدين العصر
دك الموبايل
رحت جبته وانطيته
الامي اباوع
ع امي تحجي وملامحهه
تغيرت بس تكول
شبيج صاير جايه جايه
شمرت الموبايل
وصارت صيح جيبوو
العبايه اريد
العبايه وكفت يمهه
يمه صارر
شكوو شبيهه زينب
يمه اختج
تبجي طاردهه رجلهه
جابت اختي
العبايه ركضت جبت عبايتي
ولحكت امي
رحت وياهه عماتي
واخواني واختي ضلوو بلبيت
امي اخذت الطريق
كله فايره بس تريد توصل
الشقه موكلش
بعيده عنه متنه حدما
وصلنه دكينه الباب
وطبينه مفتوح
رحنه كبل ع زينب حضناهه
كاعده تبجي
شبيج حبيبتي صاير
وياج
حجتلنه السالفه
كلهه كامت امي دك ع راسهه
انتي شلون متحجيلي
هيج شي شلون
متخبريني
اني امج ضمين عليه
زينب بس تبجي كمت اهدي بيهه
بيت عمتي كلهه
جايه والجواء صاخبه
هوسه بهوسه
وكلهه تحجي
وين طردج وين جنتي
جنت بيت عمتي
كاعده وهسه جابوني
لئن دزوو ع سيد
يقره بلبيت
جابوو سيد معروف
وقره ع بيت
كال ذوله مسوالهم سحر
ومن طرفكم
وتعرفو 
سوو سحر حته
مياخذهه
ويطلكهه رابطي
من طرفكم
ويحجي ويااا
عمتي
كال خلي يدخلون
للغرفه
دخلت بغرفتهم قره
ايات وقره
ع راسهم  ودخلوو
للغرفه
من دخلنه للغرفه
كال سيد
تقرب المرتك بعد ماكوو
شي 
طلعوو ضلينه
بس احنه وسيد واكف
بره الباب
يقره ايات 
ويكول لا تاخف
فارس لاتخافين زينب
خلصت
شغله
صلى ع محمد
اني متت بدمي ونسيت
كل وجع
من الخوف والخجل
والبجي
فرغت الشقه
والكل راح استمرت
حياتي الاشهر
الاولى
كلش حلووه
ومتخله من الحب والغزل
.................
من رجعنه من زينب
جنت خايفه
عليهه كلش والكل
يفكر سحر مين اجه
وليش يسوله
ومنوو المنعدنه
هووه مسوي البيت
كله دخل
انذار
وابويه ضايج ع زينب
وامي صارت
دائمن تخابر زينب
وتسئل
عليهه واني
من ارجع من المدرسه
رجلهه يشتغل
بمطعم تبقه وحدهه
اوو مرايحه
للدوام مالتهه ابقه يمهه
وارجع للبيت
تكول ماعندي شي
وحياتنه هادئه
وكضيتهه دراسه بدراسه
بسيطه حياتنه
التهيت اكثر شي بدراستي
خاطر اخلص
.............

جنت راجعه من
الكليه وتعبانه ونفسي تلعب
من الطريق
والهوسه دخل فارس
يصيح بااسمي
فارس.... زينب وينج زينب
رحتله ها حبيبي
الله يساعدك
وين جنتي
صفنت بوجهه
شجاي شوف جنت بلدوام
وهسه اجيت
لا ماجنتي بلدوام
كول ياالله يمعوده
شنووو سالفه يعني وين جنت
ماادري
سئلي نفسج
فارس كافي بطل حجي
اهلك ولضل تسمع
منهم وذيج الكليه وروح
اسئل عفته
ورحت نفسي لعبت
ركضت للحمام
احس بطني كامت تشلع
غسلت وطلعت
شبيج
مارديت عليه
عفته ورحت ارتاحيت
نص ساعه وكمت سويت
اكل تغدينه ورجعت
نمت من كعدت لكيته
ماموجود طالع
نضفت البيت
زاد لعبان النفس
خابرت ع امي سولفت
ع لعبان نفس
كالت راح اجي اخذت
لبوو تحليل
حضرت نفسي
علماا
اجتي وطلعنه
سوينه تحليل وبقيت
منتظره
واني افكر بكلام
فارس وبكلام ابويه من
خطبوني غميت
نفسي لئن ماسمعت
الكلمه فززني صوت يصيح
بااسمي
 رحت جبت تحليل
طلعت حامل
بين الفرحانه وضايجه
امي باركتني
فرحانه لئن راح يصير
بيبي اللمعه
بعيونهه رجعتني
للبيت بقت شويه يمي
وراحت انتظرت
فارس مااجه
شغلت التلفزيون
وكعدت اباووع حدماا
سمعت فتحت
باب عدلت كعدتي
دخل للبيت
ماحجيت ويااا شايله
بخاطري ع حجايته
شنوو ماكوو الله يساعدك
سكتت عنه
شرب مي واجه كعد
كبالي
شبيج كالبه الخلقه
مارديت عليه
شاف تحليل كباله
وشاله باوع بي
شنوو هذا
تحليل
مال شنووو
حمل
وشطلع
ايجابي
يعني حامل
يي
كمز من الفرحه وكام يصيح
راح اصير ابوو
مارديت عليه
اجه يمي كام يبوس
بي وخرت عنه
شبيج زينب كالبه الخلقه
فرديهه شويه
وحجايه البارحه تريدني
اضحك
اسف حبيبتي من غيرتي
عليج
لا مووغيره هاي
شك اليغار موهيج
اووو كافي حبيبتي متنعاد
ضل يتوددلي
حدما رضيت وسكتت عنه
صادف وقتهه ثاني
يوم

.
يتبع
سوري ع تأخير الاشتراك خلص
وماراجعت البارت خاف بي اغلاط 😍😍😍