الهام {باللهجة الجزائرية}.(قيد التعديل)

يتجول بقلبي

الكاتبة:
خرج امين وخلاها تريح وهو هبطتلو دمعة من عينو صح واش صرا كاااامل مزال ماراه فاهم والو
امين:
سلام دك نعرفكم بروحي انا امين عمري 24 سنة رئيس مجموعة من اكبر الفنادق في الجزائر وعندي فالخارج بزاف استثمارات وعندي بزاف عفايس وحدوخرين يعني ماللخر ماني طالق والو 😂 المهم انا والهام نعرفها ملي كنا صغار كانت واعرة كانت صوفة طايرة خخخ كنا ديما نضاربوا مانحبش نجرحها ولا نضربها ضربة توجع مي الله غالب ديفوا ونغلط 😂😂 كبرنا وحبيتها لا ماشي حبيتها خلاااص انا عشقتها😍 و رحت خطبتها من عد باباها وقبل وكي كنا مخطوبين وحد المرة قالتلي بلي راهي رايحة لدار جداتها قلتلها ايه وش عليه قالتلي بلي مكاش الشو والكونيكسيون قلتلها امالا ماتروحيش نتوحشك هي قالتلي بلي لازم تروح تشوف جداها راهي مريضة المهم انا قبلت هي راحت وانت هذيك السمانة كاملة وانا نعيطلها خخخ نقول ممكن تريبوندي والنهار الدوزيام خرجت كي العادة صباح ربي نروح نخدم مي هاد المرة بييزار واش راه كاين قدام طوموبيلتي
Flash back
~~~~~~
●07:00●
خرجت مالدار كي العادة رحت لطونوبيلتي لقيت قدام الباب كرطونة مغلفة رحت رفدتها وبديت نحوس بعينيا باللك تاع كاش واحد طاحتلو كي كونفارميت بلي مكان حتى واحد هنا يعني هادي ليا!!..من عند شكون!؟ .. فتحتها وقلبي مقبوض حسيت بلي حاجة مش مليحة رح تصرى .. المهم فتحتها وهنا عينيا خرجوا واش هذا هاذي صح الهام اااا نووون موحااال معا شكون راهي شكون هذا ربهااااااااا ليوم نقتلها ركبت طونوبيلتي وقلعت....
The and ..
قاطع التفكير تاع امين صوت التيليفون يصوني رفدت التيليفون شفت بلي عيطلي عبدو رفدت عليه
المحادثة:
ام:واش الهايشة غير الخير صباح ربي تعيط لعريس جديد
عب:ياخويا ياخويا وقتاش نتزوج كرهت يا الربي نولي مانوضش بكري كيفك 😂😂
ام:ياو غير خرط راك امنت حكاية بيبيش وبيبيشة بزاف والله والو راني نايض مبكر ليوم درت كارثة 😖
عب:علاش نتا كاش نهار درت حاجة من غير الكارثة جيب الجديد بب 😐😒 ..وايه واش من هم درتو ليوم!؟
ام:ماشي تاع تليفون دك نجي استناني نتا فالحومة اني جاي
عب:يا خو اخر مرة قتلي ماشي تاع تيليفون كنت رميت الموطو تاع انيس مالقنطرة 😐 يادرا
ام:ياو كتر من هك 😵
عب:ارواح ليوم نقتلك اني فهمت راك كشما درت لالهام 😡😬
ام:كيفاه عرفت😨
عب:ارواح ارواح ليوم تشبع حطبة 😡
ام:ني جاي نلبس برك😆

نهاية المحادثة.

طلعت للبيت وكانت جوايه الثمنية فتحت الباب بلاعقل لقيتها راقدة كي الملايكة رحت قعدت قدامها كانو شواربها حموورا يهبلوووا حطبت صباعتيا غير بلاعقل عليهم صايي هنا ماقدرتش نحيت يدي ودنيت ليها وبستها بكل ما اوتيت 😂 وقعدت نلعبلها بشعرها وبديت نهدر وفي قلبي وجع يقتل لانو حب حياتي قدامي مي محرمة عليا ..

امين:عمري علاه راكي ديري فيا هكا !؟ واش درتلك انا !؟ والله والو سمحيلي والله نحبك فوق كلللش فهذ الدنيا نحبك تكوني تاعي تعيشي ماتزعفيش مني بيسك علابالك بلي خفيف ونتقلق تم تم وكي نتقلق مانوليش نشوف هيا سمحيلي عمري والله ماخنتك والله وربي شاهد عليا مي ماعليش ربي خلق ومايضيع ...