#عشقي لكي ممنوع
البارت الخامس عشر
ل وردالعامري
ام لوجين: مخلاك ترتاح علي كتله اني ادرسها
ليث: لايابه شعدي اتسله وياهم اي لوجين يعني هاي لقاعده لازم تنحفظ
ام لوجين: اني كتله اندز ع محمد ابن حارث هم يفتهم لتعب ليث
ليث: اريد اشرح حته تسكت بس لا اليوم ناويه لاليش ماعندي شي اني
لوجين: اوووف لحمدلله بابا مقبل
ام لوجين: وليش بله ست لوجين
لوجين: مكروه البنيه ميصير تطلع عليمن ادرسوها هيه اخرها للمطبخ
ام لوجين: لتعبين ع ولد ومحمد من عمرج بالعكس لازم تندمجين وياه
ليث: ليش يعني تندمج وياه شهل حجي
ام لوجين: ياااا يمعود اسكت
ليث: غمزتلي عود لوجين كاعده لجون جيبيلي مي حبابه اريد اعرف شكو مااتحمل بعد
مفهمت ام سامر
ام لوجين: هههه والله ياليث ما اضم عليك انت تعتبر خالهن وعمهن محمد ابن حارث راد لوجين
ليث: شششششنووو
ام لوجين: شبيك ليث
ليث: احم احم لابس تفاجأت وينه محمد وين لزواج
ام لوجين: لايمعود علي بعمره ازوجني جنك ابن عمك هم يكولي وينهم وين لزواج
ليث: افترت بيه الصاله فره سريعه بس هل شي مستحيل يصير
ام لوجين :يااااا شنو لمستحيل
ليث: مستحيل لان اني…
لوجين: هذا لمي عمو
ليث: بلعت ريك بس ساد ايدي اريد اتحكم بعصابي مده اكدر اهز برجلي بطريقه تبين اني ممرتاح
ام لوجين: شبيك ليث دوختني سامع شي ع محمد بعتبار انت بعيد عنهم يمكن شايف شي اني مشايفته وبعدين هوه راد بت..
ليث: ام سامر استغفرالله لوجين روحي شويه اني اصيحج
يعني انتو حاجين ويه لبنيه ع هل موضوع
ام لوجين: لا ابوها كال سدي هسه لان هوه ميقبل يزوجها يكول بعدها طفله ويكول ماازوجها اذا ماازوج ليان وسامر
ليث: لعد انتي هسه لوماا اوكفج اني جان حجيتي
ام لوجين: اولها وتاليها تعرف اني مقتنعه بمحمد ويكفي ان فرق موجبير بينهم
ليث: شنو لفرق بنضرج اريد افهم شنو الي موجبير بينهم
ام لوجين: قصدي لعمر ع قليل بينهم 4سنين بس مو..
ليث: وقستي لموضوع ع عمر بس ليش حتعيش ويه عمره لوياه
ام لوجين: يااا لعد خوما ازوجها لواحد كد اب…
ليث: ليش متكشفين اوراقج بت عمي صار فتره كل متشوفيني نفس لجمله قصدج شنو
ام لوجين: لا موقصدي شي بس افكر بمصلحه بنتي
ليث: ومصلحتها تختاريلها عمر فقط ليش متختارين انسان مستعد يضحي بروحه علمودها يحميها اكثر مايحمي عيونه
ام لوجين: ماكو رجال ميخاف ع مرته كل رجال يحمي مرته
ليث: لا اكوفرق بين ان واجبه يحمي مرته وبين من خوفه وحبه الها يخاف عليها حته من نسمه لهوه
ام لوجين: ليث الي يسمعك يفكر غير تفكير
ليث: شلون يعني غير تفكير
ام لوجين: لابس توترك وعصبيتك قلقتني
ليث: هههههههه موبعيده ليش لا
ام لوجين: لا ع كولتك مستحيل
ليث: ليش مستحيل عدج 1%غلط عليه
ام لوجين: قصدك ليث
ليث: قصدي واضح وانتي كل متشوفيني تدورين حول لموضوع ماتوقع صدفه
ام لوجين: ابوها يكلب لدنيه
ليث: وممكن ايرحب بالفكره
ام لوجين: كتلك مستحيل اذا هوه رضه اني مارضه اطي طفله لواحد جان مخلف اكبر منها
ليث: ماتوقع اول واحد حارث قبلي سواها
ام لوجين: لالا لوضع يختلف
ليث: لان اخوج فالوضع اختلف
ام لوجين: راح اعتبر مسمعت هل حجي ابن عمي فمراح اوصله لعلي لان ماريد اسوي مشاكل بس رجاءلهنا وانت بدرب واحنه بدرب
ليث: كمت وكفت ع حيلي عدلت قميصي جنت رافع لردن نزلتهن واحجي وياها
ان كلتيله اوضميتي يابت عمي موبعيد هل موضوع ناطي فرصه حته تخلص امتحانات بعدها لكل حادث حديث
ام لوجين: الله وياك ليث وماانصحك تفتح هل موضوع
ليث: لللوووجين
لوجين: نعم
ليث: تعالي
ام لوجين: ليث كتلك ماريد مشاكل رجاء اطلع
ليث: مواني الي اسوي مشاكل ام سامر جتي لوجين تصدكين ام سامر سهلتي لموضوع عليه هاي طرف عرف الاطراف الباقيه الها يوم تعرف
ام لوجين: الله وياك ليث
ليث: لوجين واكفه تقربت بستها من راسها وانداريت ع ام سامر ووياج بت عمي
لوجين: راح تروح
ليث: كرصت خدها اروح بس الي جيه عن قريب حجيتها واني عيني بعين ام لوجين فتحت لباب وطلعت
بااااارت مفاجئ لعيونكم 😘😘😘
