الحب مو كلام ويعجب اليقره
ولا شاعر يكول ويبدع بشعره
الحب من تحب محبوبك شما جان
مو حسبة قميص بكيفك تكصره
والحب من احبك يعني كلشي البيك
حلو عندي واقبله بحلوته ومره
الحب يعني اريدك مااكولن لا
ولا اعاند كليبك ابد بالمره
والحب من اسمعك افهم الكلمات
واعرف غايتك من اول النضره
والحب يعني اعشكك وابقه اذوبن بيك
واتحسر عليك واكتم الحسره
والحب يعني ابقه احتاجلك للموت
مو حسبة سنه وسنتين لو عشره
والحب يعني دين وشرع بي دستور
والماحفظ دينه الوادم تكفره
#
