حياة جديدة

البارت 1

اسمي ليا عمرية 18 سنة ناجحة لسادس  عيوني زرك طوخ شعري اصفر طويل يوصل لركبة رجلي خشمي صغير كلش و عندي غمازات بيضة ثلج وزني 49 رشيقة طولي 160 جسمي حلو كانثى عايشة بالمانية بس اصلي من العراق بابا من العراق و ماما المانية بس احنا ابد مرايحين للعراق بابا متعارك وية اهلة و ميحجي وياهم و من هو شاب استقر بالمانية وتعرف على ماما و حبهة و هي هم حبتة و تزوجو بس بابا  مسلم و ماما مسيحية و متخالفو بقة كل واحد على دينة 

اني اشبه ماما بالشكل هي هم بيضة و شعرها اصفر و عيونهة زرك و بابا جان ابيض و عيونة عسلية و شعره جوزي فاتح هم ثنينهم حلوين 

جنت كل ما اكول لبابا خلي نروح للعراق يكلي عوفي العراق مترتاحين بي و ماما تكول اهل ابوج ناس عشاير ميقبلون على لبسج هذا لان اني لبسي كلش قصير و احنا نحجي كلة الماني بس اعرف شوي عراقي يعني مو كل الكلمات و بالكوة اكتب عربي .... بابا جان ينطيني حرية كلش جبيرة يعني شسوي ميحاسبني حتى عندي حبيب و بابا يدري و يعرفة و يكلي الله يحفضكم لبعض طبعا مجان عندي اخوان جنت وحيدة ماما و بابا جانو مدلليني كلش و ميقبلون احد يحجي وياية او يضوجني و كلش اريدة يجيبليا 

بيتنة بالمانية جبير كلش و عندي غرفة وحدي و بعيد ميلادي اسوي حفلة جبيرة بالقاعة و حالتنة ممتازة يعني اغنياء عندي بس خال واحد و عندي اصدقاء تلاثة بنية وحدة و ثنين ولد ( اوديت بنية و بيتر ولد و ارثر الي هو حبيبي ) احنة من صغار سوة و دائما نروح لبيت واحد نشتمع ونبات يمة و نسهر وكذا 

جنت ناجحة من الخامس للسادس بالعطلة ماما جانت حامل بالشهر الخامس و اخيرا اريد اخ لان مليت من الوحدة و هو بعدة مجاي و اني كلش احبة هههه

البداية 

جنت نايمة و دك الفون مالتي شفت ارثر شلتة و اني مغمضة عيني من النعاس كلت 

ليا : هلو حبي ( طبعا كلشي بالماني ماكو داعي اكرر ) 

ارثر : هلو كلبي اليوم راح نطلع خو ما عندج شغلة 

ليا : لا اصلا اني ردت اكلكم 

ارثر : اي شلونج 

ليا : صرت زينة بشوفتك 

بقينة نسولف و هو بس يتغازل بعدين ودعتة و كتلة بالحديقة اشوفك .......... نزلت و شفت ماما و بابا يتريكون جانت ساعة 7 لان احنا الالمان هناك لازم نكعد من وكت ......... المهم نزلت و كلت 

ليا : هلو حبايب 

ابو ليا : يلة حبيبتي تعالي اكلي 

ام ليا : يلة كلبي تعالي 

ليا : جاية رحت غسلت وجهي و غسلت اسناني ورجعت يم هم بست راسهم تثنينهم و كعدت اكل و كلت 

ليا : بابا  اني اليوم رايحة وية اصدقائي للحديقة 

ابو ليا : روحي حبيبتي