حكايات أناناس🍍

يوم جات عمتي بيتنا متنكدة وزعلانة عشان أسنانها تعورها وحاسه إنهم يتحركوا ،جلسنا نحاول نغير جوها ماعرفنا.
أخدت موعد مع الدكتور اللي متعودة تكشف ع أسنانها عنده ..
روحت معاها العيادة ودخلنا عند الدكتور هاشم جلس يكشف ع أسنانها وشايفها قلقاانه  .
قالتله :يادكتور هاشم قلي أسوء الحالات وكيف ممكن تعالجها بأقل ضرر ممكن ؟؟
قالها:مبدئيا لازم ناخد أشعه عشان لو في تسوس نعمل حشوات عند دكتور فلان ويوم تاني سوي تنظيف أسنان وبعديين حيركب لك عمادة دكتور فلان2 .
أذن العشا قال لنا : نصلب وأعرفك عالدكاترة وكل واحد يشرحلك شغله ويطمنك ..
ظلت عمتي قلقانه وتقول لي فإحتمالات وخايفة ما يزبط شي وتضطر تقلع أسنانها وتعمل تركيبة وظلت تفكر حزنت عليها .
قلتلها :إن شاء الله خير ودحين حيطمنوكي وهما دكاترة كويسين وأخصائيين يعرفوا شغلهم لاتشغلي بالك .
دخلنا تاني ..وجا دكتور تبع الجسر او العمادة والله مش فاكرة ايش هوا
ودخل دكتور هاشم وقال:  ها اتعرفتوا ع دكتور كمال بس ي هند أصلا مو عجزتي وصرتي جدة خلاص نشيل أسنانك ونحط تركيب (بمزح).
طبعا انا ضحكت والدكاترة وعمتي حسيت إنه خفف من توترها وقلقها شوية.
وبعدين جلس دكتور كمال يشرح ايش حيسوي ،بس قلها دا كله بعدما يخلص دكتور محسن أخصائي عصب ،وسابونا كلهم .
وبعد دقايق دخل دكتور محسن بابتسامة تشرح الصدر وأسلوب ذوق ..
قال: أعتذر تأخرت عليكم بس دقايق أخلص شي وراجع اخد نظرة ع ملف عمتي
وبأسلوب يجنن قالها : نورتينا يا هند وريني أسنانك هيا تلقائيا أصلا أبتسمت من جمال أسلوبه قالها : أبتسامتك حلوة ووجهك منور من أهل المدينة قالوا لي ،
قالت :لا من الشرقية ، قال: أحلا ناس طيبين وسمحين وأسنانك في يد أمينه إن شاء الله ..وخرج
وانا وعمتي كدا 😃 فمنا من الابتسامه ماوقف من كتر ما أسعدنا بدخلته وجد غير نفسيتي أنا شخصيا مو بس عمتي حسيتها ماعاد عرفت ترجع التكشيرة انفرد وجهها ونور بابتساامة حلوة .
ورجع اخيرا😍 بصراحه خقيت
ودخل دكتور هاشم وقال ها كيف هند يادكتور محسن قالوا سيبني انا وهند نتفاهم سوا
محد يغازل مرضاي غيري وجلس يضحك وقالها لاتضايقي من أسلوبي ما أقصد شي بس أنا كدا .
ونا متفرجه بصمت ولا عرفت اشيل ابتسامتي لدرجة احس فكي عضل 😂😂😍
قام سوا اشعه لاسنانها ونظفها وسوا حشوة ،وهو يشتغل أنا جلست أتفرج عالأجهزة .
قالي :اسحبي الكرسي وقربي جنبي عشان تشوفي إيش جالس أسوي وماصدقت على الله وجلست جنبه اتفرج ايش يسوي وكيف وخااااااااااقة معاه وهوا يشرح ايش بيسوي .
قالي : تبغي تخشي طب قلت إن شاء الله بس ماعندي إمكانيات ف ممكن أخش إدارة أو علم نفس لسا ماقررت .
قالي :موفقه .وللحين مو عارف أسمي ..
وبعدما خلص شغله قالتله عمتي إنه في حشوة حاستها غلط سوتها عند دكتور تاني ،
قام قالها : لو دحين ..وطالع فيني يسألني ايش اسمك ؟ 😶😶🙈
قلت :أناناس🍍😻
كمل لو دحين اناناس سوت طبخه وخربتها وقالتلك عمتي الحقيني حيمديكي تصلحي شي في الطبخة ولاتسوي طبخه جديدة .
قالت :اسوي شي تاني قالها نفس الشي مقدر اعيد على شغل زميلي لانه ممكن مايتحمل السن وينكسر . واخر شي اعطى عمتي رقمه وانهبلت احس كأنه قصده يرقمني😍😍😶🙈 لأنه ماله داعي تاخد رقمه😹😹🙊