ابابيل- كملنا تحضيرات المهر اليوم بليل مهره شتريت فستان تاب لان النهر بيت البنيه مو مال البس مشلح طلعت وي خاله وشهد وشتريت فستان مستر ومكسم كلش حلو وخاله دفعت اكيد من فلوس غسان وشهوده اشترت وخاله هم رجعنا مكيفين وركض لبسنه دنروح لتن مضل وكت حرت بشعري ماعدي مجال اسشور لان طويل فليت من الضفيره الهنديه جانت مسرته مرتبه حيل وعلى طوله مكيجت خفيف وبدلت بتي ونزلت بعد ملبست حجاب جوه
خاله
هايمه
لعد شو شهد مجتي
لا احنا نروح وهي رجلها يجيبها
ها اوك
ايمن- يووم
ها يمه ياصلوات عالنبي
نرجس- طلع ايمن يخبل بالقاط وخاله طكته بهلهوله دمعت عينه باسها من راسها عمي هم طلع طب غسان من الباب يضحك جان بالمزين باوعله بوسه وصعد ديبدل جنت كاويه هدومه شيريد يلبس شعليه منه موزين كويت هدومه شوي ونزل لابس قاط عسلي وعدل الرباط نزل كال يله يله تاخرنا صعدت بالسياره ونرجس بحضني بنتي وعمي بالصدر وبهاء وراهم ووراه اني وخاله جكساره عاليه بيها كم خانه صعدنا ننتضر يطلع عمي كال يله يابه
اوكف يابه نرجس ويانه تجي
ها لعد مو وي اهلها
لا شعدها وي اهلها غير مرتي
ابابيل- اني سمعت جنت وراه بلعت ريك باوعت عالشباك احسه ديباوعلي بالمرايه العاكسه بنتي بحضني تلعب بالكلاده مال ابتسمتلها خالتي كالت يمه حتكطعها
خليها هي اول وتالي الها بقيت اضحكلها وهي تلعب وتبتسم درت وجهي عالشباك شفت نرجس جتي بوست عمي وصعدت
نرجس- السلام عليكم
ابو غسان- هله ياب
غسان- لعد بهاء ومرته ميجون
لا راحو قبلنا وي محمود
غسان- باوعتلها بالمرايه كعدت بصف ابابيل ابابيل تضحك وي بنتها ابتسمت لنرجس غمزتلها وطلعنه
نرجس- صارتركعدتي بصفها اباوعها لازمه بنتها وتهمس باذنها جانت بنتها طالعه تخبل شعرها مي يخبل مديت ايدي على راس نرجس بحركه لا اراديه اتلمس شعرها وكفت ايدي شفت ابابيل مسوت شي حتى مبتسمه بعدها بس متباوعلي
همست يرادلها طاك ابو الورد
طلعت ابابيل من جنطتها طاك نازك ابو الوردات بس متباوع بوجهي خلته على راس بنتها نرجس راسن ذبته
ههه متقبل مترد ولا تباوعلي بس مبتسمه درت وجهي على غسان شفته يباوعلي مبتسم
غسان- سالفه انها مسووله مني مخليتني طاير وابابيل الحمد الله كافيتني شرها الله يهديها وصلنا ونزلو اهلي وامي خبصت الدنيا بالهلاهل
ابابيل- شهد هناك تلاكيت وياه واخيرا شفت مرت غسان تعارفنا كلش بسيطه وحبوبه ونرجس احسها بس تريد تحسك روحها بنصنا بكد مااني احاول ابتعد كمل المهر ورجعنا صدفه دترجع شهد ونرجس تنحست ضلت بس تبجي
شهد- هاي شبيها
تعبت تريد تنام اريد ارجع
امشي ويايه اني حرجع
ماشي خاله اني حروح وي شهد نرجس راسن باوعتلنا اني مداشوفها كانما
يمه هسه يجي غسان
لا خاله مو هاي تنحست فدوه
يله براحتج المفتاح عدج
اي طبعا
دياه الله وياج علكي السبالت حتى من نرجع بارد البيت
اوكي طلعت وي شهد ومحمود رغم فشلانه من محمود عالسويته. وميحجي ويايه واني محمود احترمه مو مال اخسره وعدي ميانه وياه صعدت سلمت
هلاو يابه حنتعبكم
شهد- لا يابه شنو السالفه
محمود- بقيت ساكت حركت السياره
شونك محمود
الحمد لله هزيت راسي باوعتلها بعتب رغم كلشي البنيه جانت ورده. وخطيه من نجي تحير شتنزل من فوك. علمود جيتنا ودائما وي شهد تعاونها لازم انسى الصار احنا اهل سكتت كالت
اني معتذرت منك عالسويته بس والله جنت بغيبوبه وصحيت
محمود- هههه الحمد الله عالسلامه لعد
شكرا هههه وصلنا ونزلت شهد كالت انزل وياج خاف وحدج
لا ياب عادي نزلت فكيت الباب وطبيت وسديتها ورايه
شهد- خطيه بس شنو من جايه راجعه مثل قبل وعبالك غسان موموجود
الله يهديهم جريت نفس الصوج مننا حقه تغار
اني هم اغار عليك اليوم طلعت تخبل
هههه انتي الكمر ولو خشمج صاير طوبه
اي غير منفوخ مال حمل محمود شكد خبيث
هههه شون متكونين احبج ولو محروم
يامحروم البارحه دخلتنا انذار شو تاكل وتنكر
يابه غير مااشبع منج
كضت حبيبي كلها 3شهور ونخلص
الله يسهل ويجي جواد
اييي هههه
غسان- صعدو اهلي دنرجع باوعت لامي لعد وين ابابيل ونرجس
يمه رجعو وي محمود
ليش يابه هاي شون شغللله بله سكتت شفت ابويه اجه نرجس باوعتلي بالرايه يعني عدها سوالف وادايات تلعب الروح
يمه بتها خبصتها بس تتنحس كالت حرجع تعبت هاي
مممم وصلنا للبيت ابويه وامي نزلو نرجس دتنزل اباوع الدنيا ضلمه والفروع فارغه بعدها السياره بالباب ممفوتها صحت تعاي وين
داروحطلابه باوعتله بدلع
صعدي دناخذ فره
وين
بالسياره شبيج
غسان روح
لتكولين غسان صعدي يله
صعدت بصفه ابتسم فتح اي ه خليت ايدي بيده عصرها وطلع
جريت نفس وين انهزم بيج
قسان
عمري
حباب خل نرجع
والله نبره صوتج تكول لترجعني
لا فدوه خاف ابويه يحس
اوووف هم يحسون اهلنا وكفت السياره بفرع اضلم باوعتلها وكلي لهفه من صدك حسيت كلبي راح يوكف
شدسوي همست شتريد
رجيت راسي على تجوه السياره الوره السايق همست حنان
غسان احنا بالشارع
باوعت عالشارع ورجعت باوعتلها كلبي يدك الف دكه بال قيقه تنهدت كل احد مامو باوعت لشفافها بلعت ريك نصت راسها بلعت ريك نشف ريكي تقربت مبتعدت كبل غمضت عينها ايدها بيدي حسبت برجفته جذب عمي لامتزوجه ولا كايسها احد بعدها برجفه قبل باوعت بعينها غمضت بقيت بهالقرب اريد اموت باحساسي بعد تقربت اكثر بستها بهدوء رجعت رجت راسها على تجوتها رجعت وي رجعتها
شبيج همست
مبيه شي راح صوتي من كلته
وين صوتج حبيبي بقيت اباوع على شفافها بقرب سانتيمات
مادري همست فتحت عيني باوعت بعينه حمر التاثير دمرني بلعت ريك دمعت عيني
شبيج
اريد ارجع الوكت نزلت دمعتي
كل العمر الج فدوه لتكولين هيج تاذيني
قسان ليش انحرمنا من بعضنا
الله رايد هيج بس الحمد لله رجعنا
ماريد اضلم ابابيل
مانضلمها لتخافين انتي عاقله واني احاول الزم اعصابي بس لتفكرين هيج انت انتي عقليني بقيت اباوع على شفافها انتي اهديني وخليني اعدل
مراح اخلي ذنب يصير بذمتك
جريت نفس اي حبيبي هيج اريدج
بس اغار عليك حموت الله يساعدها
شسوي يعني اقسم روحي ثنين
لا همست ضغطت على ايده باوعت بعينه مسح دموعي يباوعلي يرجف وعيونه ميته لهفه تقربت بسته من خده غمض عينه ذبل كله
حبيبي خل نرجع
لا ماريد جريت نفس بعد بوسيني انتي مرتي
لا اخاف من الشارع ولتخلي بابا يباوعلك بعين الصغيره
بقيت سامت شالت ايدي باستها ومشتها على خدها غمضت عيني ارتجيت عالمخده مال سياره
حبيبي كلها سبوع
احجز وي ايمن بالفندق يومين
براحتك مشيت اصابعه على شفافي التفت عليه
تلعبين بالنار
لا اعرفها نيران صديقه غمزتله
طلعت ورجعتها للبيت من طلعت من السياره طلعت روحي طبيت لبيتي جانت ضلمه وصوت ابابيل تلولي لنرجس بنتي تمددت بهدومي نزعت الساعه صافن شصار بيه من تقربت منها كلما اتذكر كلبي يروح دزيت رساله الها
بعدني مبنج
اني هم بعدها الرجفه بيه
احبج همست مغمض
موت عليك حبيبي روح نام باجر عدك شغل
اممم بقيت مغمض وبقت ساكته غفيت واني بهدوم المهر حتى جواريبي منازعها مثل الحلم الوردي حسيت الصبح على بجي نرجس فكيت عيني وكفت كوه نزعت سترتي والبنطرون والقميص فتت اشرب مي من المطبخ ابابيل شفتها تبجي باوعتلها فكيت عيني زين تهزها على رجلها بقيت اباوعلها كعدت عالقنفه وهي بالكع تهز نرجس على رجلها.
شبيج شكو
بقيت ساكته ماريد اباوعله وارد اريد اضل وحدي
احجي شبيج جريت نفس تثاوبت شكو
مرديت
كيفج لتردين واصيج ابقي هيج عفتها وطلعت رجعت نمت باجر عطله خل اشبع نوم
ابابيل- حرك كلبي عمار منزل صوره ابويه للصبح ابجي هلكد مشتاقتله طب غسان ضل يسال اني ماريد احجي وياه ولا اريد ارجع اميل لان حرجع اغار حبه بعد ميفيدني رجعت نمت وكعدت ب10 خليت الجدر عالنار وكمت عالبيت طبيت للغرفه اباوع عالفراش غسان نايم بعده وهدومه مطشره لملمت البيت ونضفت وسويت الاكل ونزلت وي خاله جتي شهد لج هااا
هلاو اوف يمه
شكو
لج عيني مابيه حيل مصدكت كملت تلملم البيت وجيت هنا
اكولج وين وصلتي
البارحه طبيت للسابع
ها فضت مضل شي انشاء الله
الله يسهل تعبت
ميخالف تصير سوالف خشمج صاير طوبه
ادري بي هاي شنو سويتي دولمه
اي هسه من تصير انزلج
اي حبابه ماما مسويه تمن برغل علمود ببابا
ماشي هههه --- ساعدتهم بالشغل وبدينا تعزيل العرس مبقه كلها اسبوع وصعدت فوك بليل غسلت نرجس وسبحت وطلعت شفت غسان كاعد عالجربايه متمدد مباوعتله. مشطت نرجس وكمزت من ايدي راحتله تركتها مشطت شعري كال
جوعان صبيلي
مرديت ولا باوعتله
جريت نفس مالي خلكها كملت تمشيط وراحت للمطبخ سمعت دتشتغل ورجعت طلعت كمت للمطبخ شفتها صابه كعدت اكل دولمه حيل صارلي شكد مماكل الدولمه كملت اكل وطلعت تمددت تعبان حيل بس مرتاح راسي طفت ضوه الهول وسدت الباب باوعت عليها متباوعلي سدت الباب وراحت دك تلفونها دكتين وسكت اني غادي درنگه بس كمت ردت اشوف منو باوعت هم سلسبيل وراها دزت رساله
الدولمه الناشرتها تشهي الله عليج سوي فد مره واجي لبيت خالتي عزميني عفت التلفون ورجعت نمت غفيت ماعرف شوكت نمت محسيت على روحي كعدت الصبح رحت للشغل مطولت وراها اخذت الحارث ومريت لصيدليه نرجس اخذتها ورحنا شترينا غرفه حبيبتي طايره جانت اخذت غرفه فخمه. ورجعنا للبيت دخلناها للغرفه مال ايمن القديمه وغرفه ايمن هم جانو ديشدون بيها بعدهم وامي تهلهل ممصدكه. واحس بعينه فرحه وي فرحتنا. جنت اخف من الريشه. من الفرحه
نرجس- باوعتله كملت شد
اي هههه باوعت بعينها فرحانه ?
كلش ههه يصير اجيب هدومي وابات اليوم
والله هو يصير بس شكول لاهلج هههه بعد يومين نعقد سيد والخميس ووي زفه ايمن يزفونا
عززه هليت ايدي على وجهي باوعتله بخجل شحلبس
لبسي شي ابيض جريت نفس اريد احسج عروس
اي اوك تنهدت ماشي حبيبي باوعتله عيني مدمعه تقربت بستها من راسها باوعت بعينها متدرين الفرحه اللي بكلبي شنو
شنو احجي
شايفه فرحه طفل رجعتله حياته هاي الكدامج هيج ديحس نرجس اني تره جنت ميت والله العضيم
ادري حبيبي واني هم هيج جنت احس لزمت وجهه بيدي غمض عينه ونص راسه لمستوايه خله كصته على كصتي يتنفس براحه ابتعدت خفت ليطب احد همست حبيبي خل نطلع عيب شيكولون علينا
اوك يله طلعت وهي ورايه يووم
ها يمه
لتسسون غده حجيب سمج
ايمن- ها يعني ماجيب كباب
لا ولك ضم فلوسك وراك سفره شهر العسل باوعت مرته وراه نصت راسها شونج خويه
نور- هلاو هلو نرجس مو
اي اي ههه شفتج بالمهر هله بيج بوستها وطلعنا يم خاله اسراء شوي ونزلت ابابيل منزله جدر وياها صاح ايمن
بالك وخر سوو درب لام الجدر
ابابيل- ههههه شكد مكروه هلاو نور بوستها ووجهي يضحك مباوعت لغسان والحوبه اليمه
هلا حبيبتي ايمن مخبوص باكلج راح اكابلج واكعد اتعلم
ببطن عيني هاي وهاي تونسيني ونكعد نقشب عليه هههه
ايمن- لالا بلبل هاي المرجيه لعد النساتل والبباسي مغزرت
ابابيل- لا شنو هالحجي وانه اختك
ايمن- شمسويه بالجدر
مقلوبه ركصت بحاجبي
غسان- مو وصينا سمج
ابابيل - مباوعت ودرت وجهي على نور شاورتها وين وصلتي بغراض العرس محتاجه شي
نور- كملنا كلشي
تردين شي صالون هاي اني حاضره انتي هم مثلي ماعدج خوات وشهد مبيها حيل
لا تسلمين مامه ويايه
الله يحفضها الج متصبغين شعرج
ايمن - سمعتها تهمس ممنوع تلعب بشعرها
العفو استاذ عفتهم وكمت التفتت على خالتي
خاله شهد مجتي
لا يمه هسه على جيه
ها لعد اسوي زلاطه
ااسوت نور سوي لبن يمه
صار سويت اللبن اباوع بالبوفيه غسان كاعد يم مرته بس ببعد شبر عالقنفه يتهامس وياها مبتسم وهي منصيه وترد بهمس ليهزوج ابابيل صيري قويه البسي البسي عرفت جابو الغرفه وخالتي هلهلت لايمن وادري بيها فرحانه لغسان حقها ابنها وادري بيها تحبني
اجتي شهوده صاح غسان
هلاو شباب مجموعين عد النبي
ايمن- خاف بالمستشفى هاي شبي وجهج مزورك مكتوبه لو انتي من الله هيج ولك محمود شون دتباوع بوجهه
محمود- اكولك اسكت وخليها
شهد- ها محمود شكد خبيث
اتشاقى والله هههه يله جوعااان صبو الاكل وكعدت نرجس اختي يمي وغسان يم ابو وبلبل يم شهد الحمد لله ارتاحيت الوجوه زينه وابابيل تقبلت واخيرا رغم احسها مدتشوف لا اختي ولا رجلها تلفوني دك باوعت وسويت صامت وقفلته باوعتلي شهد مستغربه
منو دك
ولد صاحبي مو وكته هسه بعدين احاجي جريت نفس درت وجهي عنها كملنا غده ورجعنه لبيتنا
ابابيل- خلصنا غده ووكفت وي خاله عالسنك والخربه ترجع بالمو اعين تتمضحك بوجهي كانما مداشوفها كملت المواعين وصبو الجاي كعدنا بالهول كلنا الولد يصنفون سوه واحنا النسوان خاله كالت لشهد
هسه تجيبين ونخلص لعبتي نفسي من الحباله هاي مو وياج حبلت وجابت والله ولا فد يوم. بومت وانتي تطبين وتطلعين مالج خلك اووي
هههه خاله. بعدها صغيره خطيه
باعي يوم ابابيل تفتهمني
دك مي مبيج خير اكلج حشو مصران مبي فايده
نرجس- دتاخذين مقويات
لا بس النطتنياها الدكتوره
هسه ادز بيد غسان حبوب بلعيها تتقوين الطفل يقوه والرئه تكتمل
ها عادي يعني
اي عادي
ابابيل- انتي هم اخذتي
اني اي حبوب مااخذت بس داريت روحي كله عصاير وحليب ومي احجي وماباوع على نرجس
نرجس- اي وياها فيتامينات طبعا هالشي ميسد حاجه الجسم للفاكهه الفريش
ابابيل- اندارت عليه وتحجي مباوعت بوجهه نرجس ضلت تبجي شالها ابوها ضلت تتطعج كمت عليها فتتني. تقربت عليه اخذها
عوفيها يمي
مرديت لزمتها من كتفها نتر بيه
عوفيها شبيج مو وياج بقيت اباوع بعينها خازرها وهي متباوع انتبهت صارت صنطه غثتني مستحقرتني شايفه روحها شوفه بقت واكفه ابتعدت ورجعت لمكانها تضحك كلها كامت تباوعلي وتباوعلها اني نار وشبت بيه ردت اني ادري هسه ازهك والزمها اكطعها كعدت يم نور اللي تدنت من جتي ناحيتهم حتى تكعد يمها وضلو يسولفون بقيت اباوعلها مخنزر عليها وهي تحجي وتضحك شوي وترخصو بيت شهد ومحمود راحو وراها ايمن اخذ مرته وفات للغرفه بقينا اني وياها وامي وابويه ونرجس
ام غسان- يمه بلبل باجر انشاء الله ننزل البردات
اي خاله بعيني
نوديها مكوي
لا خاله ميحتاج اذبها بالغساله وتنغسل وانشفها واعلكها تنزل
نرجس- خاله اني هم اجي اساعدكم باجر الصبح اني يمكم
ابابيل- نصيت راسي العب باضافري مبتسمه خاله كالت لايمه عدج صيدليه انتي هم حتى تحضرين غراضج وسكتت احس كلبي انقبض وحسيت روحي عيني حتدمع وخفت ليبين عليه وكفت خاله كالت
يمه بلبل لتسوين غده باجر نجيب شوي ونخلص
اي خاله صار همست اختنكت صعدت اول درجه عيني على بنتي عفتها وصعدت فوك سمعتها تبجي جوه نزلت درجايتين مداسيطر مداسيطر نزلت دموعي رجعت صعدت بغرفتي كعدت بالحمام شعدي بجي ودموع وذكريات ذبيتها ببلوعه المغسله وغسلت وجهي اباوع كام يلمع وجهي جريت النفس براحه طلعت شفت غسان ونرجس بنتي عالجربايه يلعبها ويدغدغ بيها وهي خربانه ضحك بدلت الدشداشه الثكيله اختنكت دك تلفوني سلسبيل محاجيتها اليوم كملت تبديل بالحمام وطلعت رديت
هلو حب
هلو بلبل
هلو كلبي شونج
زينه الحمد لله
شكو ماكو التفتت على نرجس سكتت متمدده كامت تغفي غسان ديكلب بالتلفون وايده وره راسه من التفتت على بنتي باوعلي اني مباوعتله كلت خل تثكل نومتها واشيلها رحت للهول اكمل حجي ضلينا نسولف ونضحك حجيتلها عن كلشي صار كالت انتي صح وابجي لتخليها بكلبج بس وحدج خبلي لج هذا مغثوث شون مستحقرته ابقي هيج خلي يولي سديته منها خليت التلفون عالشحن وشلت نرجس جان الجرجف مجلب بتراجيها صاح
اوكفي اوكفي اوكفي
وكفت رجعتها نصيت على اذنها ابعد الخيوط مال جرجف صار قريب مني دايره وجهي على نرجس مركزه عالتراجي
همس ديربالج لتنخبصين
بلعت ريك بعدت الخيط حسيت شال ضفيرتي خلاها على كتفي جمدت وخرت الخيط الاخير رفعتها من السرير لحضني ونزلت من السرير وديتها للهول بسريرها احس نضراته ورايه عفيه بشر تحير الميحير نمت راسن من التعب باجر عدنا تعزيله لعرس ايمن متشوقه لجيه نور للبيت حبابه كلش مثل ايمن كعدت الصبح غسان طالع ماكو نزلت راسن وبدينا تعزيله من الصبح كراب للضهر البيت كام يلمع من البردات للفرفوري صعدت اوكل نرجس واسبح سمعت هلاهل خاله استغربت.شنو السالفه بدلت ونزلت مديت راسي خاله منو اجه
ها يمه اا غسان
باوعتلها نرجس خاتون ويمها غسان وابوها صاح ابوها شونج يابه نصيت راسي بخجل هله عمي تقربت باسني من راسي يباوعلي مقهور بقيت منصيه وحجايه كرار تدك براسي عرفت عقد عليها كلبي معصور من سمعت الهلاهل كمت ارجف خالتي خطيه متعرف شون تلغمط السالفه تخاف لا انقهر طبت شهد صرت بوجهه تقربت بثكل بوست اخوها ونرجس باركتلهم همس تباوعلي بقلق ابتسمتلها ردت اصعد ايد جرتني التفتت عمي ابو غسان باوعلي مبتسم برضا دمعت عيني مكدرت بعد جرني للغرفه مالته اول ماطب بوفيه عاليمنه افوت وره البوفيه ممر وراها الغرفه يصير بيها عرض جرني عمي باوع بعيني كال
عمي لتخنكين روحج اخاف عليج والله شاهد اني ميت قهر
لا عمي عادي بقيت منصيه اهرب من عينه رفع راسي كال ارفعي راسج يبت الاصول الله يرحم ابوج على هالتربيه غمضت عيني وبجيت مكدرت بعد جرني حضنني
بس عمي كافي بس
طبطب على ضهري ويستغفر ربه
كافي عمي كافي
سكتت مسحت عيني كتله اترخص
كال
صعدي اخذي راحتج لاحول ولا قوه الا بالله العلي العضيم
صعدت جنها صارت صدك يا ابابيل چنها اخذته منج هاهي بالعافيه عوفي ماريده بعد وكع من عيني باجر دخلته شحتسوين ربي الصبر منك ربي ماريد يبين انكساري دخيل الرسول غسلت وجهي وطلعت من الغرفه للسطح اختنكت حيل خابرني كرار بس كلت الو كال شبيج كتله تعال مدااكدر كال جا يج. لبست صايتي وبدلت نرجس سمعت هورن سيارته نزلت عمي صاح
ها وين
هايابه اخويه اجه عليه شوي امي مالها خلك
سلامتها شوكت تجين على مود حنه ايمن
اي عمو بليل اجي
خوش الله وياج سلمي على اهلج يابه
وصل عمي طلعت من المطبخ صاح العينتين
ها وين ملتفتت مااكدر بس اباوع ابجي بقيت امشي لبسته سمعت عمي ورايه كله همس
عوفها
ابو غسان- ادري شنو تتباهه عوفها يامره تتحمل ميصير هيج
بقيت صافن هزيت راسي اي يابه تغدينا سوه جنت ماخذ راحتي لعدم وجودها كلسا بايس راس نرجس كدام اهلي واهلها وكلسا كارصها من خدها الردته صار اخذتها من امها وهي الممنونه ربك سبحانه يوم يرفع عبده ويوم ينزله
ابابيل- مجرد ان شفت كرار عاكد حاجبه دمعت عيني اشرلي وهو بالسياره شبيج صعدت ليوره وضميت وجهي بيدي عبد الله جاي وياه لان كرار ماعده سياره ومضابط مكان بيتنا جان دائما يدز على عبد الله لان بيتهم قريب يطلعون سوه بس خابر وكتله تعال راسن مخابره وجايبه وجاي التفت عليه كال
علكيفج بلبل اهداي
طلكني منه واريد بنتي تعبت مااكدر
هذا ارعن رفعت راسي اباوع عبد الله ساكت بس قابض ايده عالستيرن احس حينكسر بيده من العصبيه همس لكرار اكولك شنو خاف ماد ايده عليها
كرار-شنو ضاربج
لا حجيتها وابجي وامسح دموعي منصيه راسي
لعد شكو
عقد وشهكت ابجي بقه كرار ساكت يتحسر كال بعد سكوته بلبل انطي بنته وعوفي لو شون متربيها يجي يوم تكولج اريد ابويه
مااكدر كمت اشهك مااكدر والقران ماكدر اعيش
عبد الله- عوفها عوفها همست لزمت ايد كرار خل تهده مااكدر حتى اندار عليها حاقد عليها بكد رحمه الله بهذلتني وبهذلت روحها ليش حضي المصخم ليش مو احبج وتحبيني شنو الصار شبيه اني وترفضيني بعد حب ووعد صح مكاعد وياج وحدي بس عيوننا جانت تحجي وكولها تدري بيه احبج وكلها تدري انتي تحبيني شصار بين يوم وليله ادري شحبيتي منه خرب حضي اي والله
ابابيل - وصلت للبيت امي حضنتني تبجي قبلي بجييت لحد مارتاحيت كعدت كمت اسولف واضحك وعبالك ماكو شي ضلو صافنين عليه لليل كتله لكرار
توديني
وين لج انتي مخبله
لا حباب مو باجر حنه ايمن فدوه خاله متبقى وحدها متكدر
ام عمار- اوف يابه بخيرهم ماخيرونا بشرهم عمو علينا
لا يوم والله خالتي حبابه
والله انتي العلى نيتج كوم يمه وديها كوم
يله امشي
رجعت ب11بليل طبيت سلمت بس حيل ارتاحيت طبيت اضحك بوستني خالتي خطيه تباوع بعيني همست باذني
شبيدي عليج يمه شبيدي
لا خاله تره مبيه شي والله عادي
عفيه امي عفيه
صعدت فوك بدلت لنرجس ونيمتها صعد غسان شفته فتح الكنتور ديطلع ملابسه. كام يطلع ويخلي عالجربايه طبيت للهول وتمددت عالقنفه نزل سمعته طلعت من الهول اشوف شماخذ فتحت الكنتور نصه فارغ القاط المشتري الجديد هذا يعني علمود عرسه جريت نفس جان فرحان اكثر من عرسي طبعا هاي الحبيبه اوي طز عساهم متهنو سديت باب الكنتور طب للغرفه انداريت بقه يباوعلي درت وجهي راسن همزين مباجيه جان انتحرت عفت كلشي ورحت للهول
غسان- بقيت صافن لكسرتها انقهرت عليها صعبه مو سهله كعدت عالجربايه لو بس تنطيني مجال احاجيها ابرد نارها واحلفلها مااتركها واعدل وحاجلج حالها اجبر خاطرها بس مستحقرتني خل اعوفها براحتها بس كون يجي باجر احس اليوم حيصير شي وتنكسر فرحتي وتروح من ايدي نرجس نمت عالجربايه تعبان دزيتلها رساله يوم ونص وانام بحضنج
منتضره اكثر منك
اليوم من نطقتي نعم انت وكيلي داخلي رد من صغري وكيلج
واني من كلتها حسيت بيها كانما اول مره
انسي زواجج الاول انتي الاولى بحياتي
وانت الاول
احبج
اموت عليك
راح اخابر
لافدوه يكفي الصار بيها اليوم
ماشي لخاطرج بس
تسلملي حبيبي
باي
الله وياك
غفيت براحه
ابابيل- صباح الحنه حضرت نفسي وجسمي وحضرت خلطات لوجهي وسشورت شعري ولبست ونزلت جوه الضهر
خاله ممحتاجه شي مني
لا يمه انطاج العافيه كلشي ممحتاجه مخلصين والولدلزمو الغراض قسموها واللفات هي تجي جاهزه والببسي رتبو هاهي ماعدنا شي
بس بقت الكرزات جياس جياس نسويها بغرفه عمج نخليها عود انتي وزعي
زين الولد هنا نحني
اي هو يجون خالاته ويحنو لان بيت البنيه بعيد
خوش ماشي لعد شهوده ماكو
هسه تجيج هي وبطنها
اني حصعد احضر الهدوم
اي يله بعد ساعه يجون النسوان والولد ب8حنتهم
حيل
اي احنا ب4وهمه ب8
خوش خل اروح يله الحك عبالي شهد تجي حتى سوه نمكيج
هسه تجيج
شهد- محمود يله وديني
مناسيه شي
لا
انت شوكت تجي
هو ب8 غير حضرتي الهدوم
كلشي جاهز بالمنتور معلك لتنسى ساعتك والسبحه والمحبس
اوك ديربالج مو تتعبين روحج
ماشي يله بسع وصلني انت تبقى هنا لو تروح بيت عمي
ها لا اروح لاهلي
كيفك وصلني لبيتنا وراح طبيت لبيت اهلي امي دتحرمل بينما اكلت بينما صعدت على بلبل دتمكيج
لا ياخاينه غير تنتضريني
وين صرتي
جيت توني كعدت كالت بلبل
باعي فستاني هذا الكتلج عليه
يخبل
وين ثوبج لعد
هياته فتحت الجيس ضربت ايدي على وجهي ولج نسيته عالقنفه خرب يومي خل الحك على محمود قبل ليروح حتى يجيبه
محمود
دروحي ركض
نزلت رحت بيت عمي نرجس كالت لا مااجانه جانت دتتحضر للحنه خابرته. يددك وماكو استغفر الله اوو رحت كبل لبيتي فتحت الباب مال مشتمل شفت سياره محمود بالباب دكيتله تلفونه دك بالسياره نيالي مطفي امر من حالي فتحتها من جوه الباب مفتاح البيت النسخه الثانيه اني ضامتها فكيت الباب مال غرفتي اللي عالطرمه مباشر بالمفتاح مالتي بجنطتي دائما حتى محمود ناسي طبيت توقعت حشوفه مديت راسي مموجود بالغرفه اخذت الفستان وطلعت من باب الغرفه الداخلي رحت لهولنا اخذ الماشات جانت ضلمه طبيت ماعرف ليش خفت حسيت بوحشه مع العلم مو اول مره وحدي وضلمه. مديت راسي شفته كاعد وكباله بنيه بوضع يصفن ماعرف شصار بيه بلعت ريك سم نزل احس جسمي خدر وعقلي وكف على اخر وضيفه ببالي جانت الماشات عالكاونتر اخذها وارجع للبيت المشات عالكاونتر اخذها وارجع للبيت جسمي نفذ مشيت للكاونترواخذت الماشات ساكته فاتحه عيني كلها شبحت عيني وطلعت من باب الغرفه منين مطبيت اسمعه يركض ورايه وصل للباب ورجع لان بالملابس الداخليه بقيت امشي عقلي وكف ششفت اني شنو الشفته حلم لو حقيقه عقلي من الصدمه رفض يصدك ووكف على الثوب والمشاشات وصلت لبيت اهلي الخدر وصل لراسي واحس الطفل بده يدفر قوي شوي شوي رجعت للواقع صعدت مثل مجنت مخططه ببالي اكمل مكياج حتى اني صرت اثنين بداخلي بين الشفت والمشفت عبالك نايمه ابابيل تحجي مارد عليها بدلت عالسريع فليت. رولات اللفه اللي لافتها من قبل يوم ومكيجت مااعرف شون ولبست ثوبي بلبل انتبهت
شهودي شبيج
هزيت راسي بلعت ريك مبيه شي
شهد وجهج اصفر مسحت كحلتها النزلت وعدلت تحديد الشفه وروله شعرها البقت عدلت الثوب بدلت لنرجس وهي صافنه تلفونها دك متجي عليه بس صافنه صحت شهد فزت مخروعه
صفنت على روحي اي اي اني شعد والشفته مو حلم هذا رجلي وهاي فاطمه دينام وياها ببيتي خليت ايدي على و.جهي ورفعت راسي بلعت ريك مااعرف ليش عقلي مديستوعب بعدني بصدمه دمعه مذبيت بس لساني ثكل عبالك مااكدر انطق جربت وحدي همست لا طلع صوت لزمت بطني غمضت عيني هزيت راسي اهداي لخاطر اللي انتضرتي كومه وتحلمتي بي. وكفت عدلت مكياجي تلفوني قفلته اريد استوعب الواقع مديطلع ويايه صار كله صدى وعبالك اني بحلم نزلت بلبل وتزلت وراها رجلي خيوط
