ذروة عشق

بارت15

ذروة عشق
البارت15
الكاتبة... تبارك حسن

يله عيني اني اترخص
عافتنه وراحت
كعدت يم زينب
زينب صدكين الحجي
الحجته
من يوم يومي تعرفين
مااأمن بهيج
شغلات
واذا طلع حجيهه صحيح
يي واذا صحيح
عادي قابل هسه شنوو
انتي صدك مرتاحه
بحياتج
جرت حسره
تقربت يمي شسولفلج
زينب
مين ابدي وياج
مشاكل هووايي
عوفيهن مالي خلكهن
بكيفج
اني اريد ارجع اليوم
ليش متبقين يمي
لاحبيبتي هاهيه ارجع احسن
بكيفج خابرت
ع امي كتلهه تعالي اخذيني
خطيه اجتي عليه
وجابت الزينب خبز
وتفاجئت مثلي
بغراض زينب ماكوو
سولفتلهه الصار
سكتت ماحجت شي
بطبيعتهه امي متحب تحجي
اوو تدخل
بقينه كاعدات شويه
من ردنه نطلع
زينب... اكلج يمه تانيني
كاعده وحدي بلشقه خلي اخابر
فارس بلكت يقبل
اروح وياجن
يله لعد خابري
خابرته قبل
حضرت نفسهه ورجعنه
للبيت دخلنه
نسمع صوت صياح
دخلنه بسرعه
عمامي جاين يتعاركون
ويااا ابويه
ع بيت  ويغلطون
ويصيحون
اني بقيت ابجي مااتحملت
اشوف ابويه هيج
كلش عزيز ع كلبي
عافونه عمامي وطلعوو
ابويه بقه يصيح
بلبيت يعني حتى
بلشغل ماخلصت
منهم يسولي مشاكل
شوكت اخلص ميحسون
اني ماعدي
لووو عندي من اليوم
اطلع ولا هذا شلعان الكلب
كلعاده امي هدته
وسكتته
مسحت دموعي
وشمرت الكتب وكعدت
اجتي يمي
زينب هذاا الوضع
ميفيد وياج
اذا تبقين هنااا متقرين
زين ترجعين
وياي
كتلهه ايي ميخالف
اجي
بقينه كم ساعه يم
اهلي اجه
فارس رجعنه
للبيت
كعدت اقره اجتي
يمي
زينب.... شوفي
حبيبتي لتخلين هاي
الامور تعبج
وتبجين من اقل شي
خليج قويه
وديري بالج ع امي
وابويه
وانتبهي الصلاتج
والدراستج
صدك لارين نسيت
ختمت القران وهديته الامي
وختمه ثانيه الابويه
خاف بعد مااشوف اهلي
وماموجوده يوم
من الايام
كوليلهم زينب
ختمت القران الكم
شنوو هذا الحجي زينب
لتخوفيني
شبيج حبيبتي مابيه
شي يله رجعي اقري
بقه حجيهه بالي
زينب ملتزمه بصلاتهه
وصيامهه ودائمن
تقره قرأن وممطلوبه
ولايوم عكس
زوجهه ميصلي من زوجوو
خلته يلتزم
بقيت اباوع ع تصرفات
زينب اباوع لعيونهه
يلمعن
من اخلص دراسه
تجي تكعد يمي نسولف
دائمن توصيني
لارين لتحبين الحب
يعذبج لووو تعيشين
بسعاده لوو بتعاسه انتبهي
ع روحج
كلش اخاف من حجيهه
واسكتهه مااخليهه
تحجي ايي شي
مرت كم يوم عدهه
اجتني كالت لارين تريدين
ترجعين رجعي الاهلي
اني اليوم رايحه يم عيالي
كتلهه ميخالف
ارجع
موزعلين حبيبتي
لا ع شنوو ماازعل
بستهه
خابرت امي اجتي
ترجعني قبل لااطلع
زينب كالت الامي
اخذ وياج صوره تعالي
يمه وكفن طكيتلهه
صوره وطلعنه
ثاني يوم عندي امتحان
رياضيات كعدت
اقره زين ونمت
فزيت ع صوت صياح
اسمع زينب تخربطت
كلت مثل كل مره
كل شهر تتخربط
باوعت ساعه 11 رجعت
نمت
............
الام
ام محمد... بليل
سمعنه رنت موبايل
رحت جبته
باوعت فارس
انطيته الجاسم
هذا فارس يدك
شعده يدك بهذا الوقت
والله ماادري درد
شوف شبي
رد عليه هاااا فارس
شبيك
شبيهه بنتي
جاين جاين
هااا جاسم شبيهه البنيه
متخربطه يكول
تعالوو وياي مااكدر
انزلهه وحدي لزم وياي واحد
يساعدني
رحت ركضت جبت عباتي
البيت نخبص
خبص
وصلنه للشقه كوه
طريق صار شطوله من خوفي
ع بنتي
وصلنه لشقه دخلنه
شفت فارس
كبالي
وين بنتي وينهه
بلحمام
رحت عليهه
لكيتهه واكعه بلحمام تخبلت
ومدمره الكاع
مفرغه معدتهه
جاسم جيب بطانيه
البنيه ثلج
جابلي غطيتهه وغسلت وجهي
صحت منتهيه
يمه معدتي جمر لحكيني
جاي تأذيني
خلي عليهه مي بارد
بلكت تروح
الحراره
اتحملي هسه ناخذج
للمستشفى
اخذناهه الجوو
بارد شتاء غطيتهه
وجسمي يرجف ع بنتي
وخايفه عليهه
وصلنه للمستشفى
اخذنالهه تحاليل فحوصات
ميعرفون شبيهه
وهيه ميته من معدتهه
وتبجي منهه
خلولهه مغذي ميفيد
وياهه كلشي
من 11 ل 3 ع نفس
الونه ونشل حالي عليهه
رجلهه يتمحرك هوه وابوهه
خايفين عليهه
ب 3 طلبت فارس
كالت جيبي اريد اشوفه
رحت عليه كتله
تريدك
وكف يهه
هااا حبيبتي رايده
شي
فارس كمشت ايده
اني راح اعوفك انتبه ع نفسك
بهاي لحظه السيروم
مال المغذي
كام يذب من المغذي
وكلبهه وكف
اتخبلت واني اشوف
كلب بنتي وكف كمت اصرخ
جاسم وفارس يبجون
اجوي دكاتره طلعونه
سولهه صدمات كهربائيه
ع عده مرات مارجع
كلبهه
ماتت زينب
ومات كلشي وياهه
ومات كلب امي
...........
فقدت بذيج اللحظه
اباوع بنتي كلبهه وكف
ماتت راحت زينب مني
بقيت اصرخ
بلمستشفى بنتي
ماتت بنتي راحت مني
يمه وين رحتي وعفتيني
يمه رجعيلي رجعولي
بنتي ركضت
لدكتور فدوه اروحلك
اريد بنتي جيبوهه
والله ربيتهه بضيم وتعب
والله حسره عليه
لبسه الخاطر البسهن
جيبوهه ماميته
ابوس ايدك بنتي واعرفهه
عنوديه ماميته
نايمه جيبوهه ملخت
نفسي هسه اريدهه
اريد اشوفهه
نومهه ثكيل هسه تكعد
ودوني الهه اني
اكعدهه ابوس ايدك
الدكتور... اني ابوس ايدج
يمه

.
.
.
يتبع