القادم اجمل

البارت الاول

اليوم اتكلم لكم عن صديقي سعد
لا ماهر  ليش انت تحجين بمكاني ان اسولفلهم قصتي
اسمي سعد عمري 25ماكملت دراستي لان ظروف جبرتني اعتندي باهلي واخوتي
عندي اربع اخوه واني خامسهم مع اختي وامي
ابوي شهيد بحرب ايران واخوتي اصغار فا جبرتني الظروف ان اترك الدراسه واشتغل حتى اعين اهلي
مو طويل كلش وضعيف يعني دائما يشبهوني ب نصرت البدر
كتلكم ابوي شهيد بحرب ايران
ف جنه نسكن في المجمع الجيش الوطني ب الانبار
وتعرفون مجمع وشقق وناس قريبه ع ناس وعلاقات تكون قويه
اكو بالشقه المقابيلنا بنيه يوميه توكف ع الشباب واني اشوفه ومن خلال النظرات عشقت هاي الابنيه بس ما جنت اكدر احجي وياه
كبرت النظرات وصار عبالك شلون الموعد نتقابل بي بس بدون مانتفق هي تنتظرني ع الشباك وان انتظره
ف عرفت اختي طبعا اكبر مني ب سنه
اني معجب بهاي البنيه
سعد شعندك يوميه هنا
ها وانتي شعليج
ها صدك شعليه تعرف هاي الابنيه منو
لا ليش انتي تعرفيه
اي اعرفه هاي نور قبل فتره تعرفت عليه واحنا جنا يم ام الصالون
الله عليج  رند تعرفيه
اي شبيك
كتله تكدرين تروحين تحجين وياه
لا معليه اني خليك انت تباع واني اروح امي تريدني
وستمرت النظرات بينا
الي ان فد يوم من الايام صارت شغله اني ولد بالمنطقه وقوه بيناتنا الشغله صارت  بالاسلاح  
وضربته وهو هم ضربني سجين
فا بالصدفه طلعت اخت هدا الولد واني ماعرف
ظلت تبجي وتخاف عليه من رحنا ل مستشفى ساعه يم اخوه وساعه يمي
بالمستشفى اول كلامات النا
سلامتك بيه ولا بيك
خفتي عليه لو ادري من زمان مضروب حتى تحجين
اي بس انت عفت الناس كله والاتعاركت ويا اخوي
شاسوي حظي ....
شيريد اني حاضر لخاطرج كلشي اسوي
وضحكه ضحكه ماانساه ل هسه
وطلعت من المستشفى وبكل الطرق حاولت اصالح اخوه بس رفض وصارت كعده عشايره
وبقينى بس بالنظرات والاشتياق
ودخلت الجيش عدنا التجنيد الزامي بوقت صدام
وجنت اداوم ومن ارجع بس اريد اشوفه
وكل روحه لحد ما اجي بالي يمه
فا بيوم الاجازه رجعت لبيت اباع ع الشباك ماكو
رند وينه صار كم يوم
اي مو نخطبت
لا جدب
والله نخطبت ل ابن عمه والخميس زفته
انصدمت بهداك الوقت اكبر صدمه بحياتي
ورجعت ل دوام واني ماشايفه بس ادكر وجهه وشعره وعيونه الا ماانساه لحد الموت
وتسرحت وهي راحت تزوجت
صارت مشاكل هواي لان احنى ولد وكبر كمت ما اكدر اسيطر عليهم
اجينه ل بغداد اجرنا بيت يم بيت جدي وخوالي
وكعدنا بمنطقه شعبيه وناس تاقلمنى وياهم بسرعه
لان كلهم اقارب وخوالي وخالاتي
واني هم صحلي  تعين وتعينت