#النظرة_الاولى
#طيبة_الربيعي
___\البارت الثالث\___
__________________________
اني استغربت شنو هل صياح وليش يتعاركن.. دخلنة ورة عمي شفت شاهي دفعت مريم ومريم بچت
مريم: مااالچ دخل بية انتي! مو اختي الچبيرة وتدخلين بييييية
شاهيناز: ادخل بيچ غصب عنچ لانچ مامحترمة!
ابو شاهيناز: بناااات!!!
التفتن على ابوهن.. مريم طلعت تبچي واني شطت للستار اريد افتهم ليش تدفعهة شاهيناز وتعيط عليهة
ابو شاهيناز: شبيچ وياهة!
شاهيناز: مابية شي هية صايرة متتحمل شي، بس گتلهة انطيني مي من يمچ گبت بوجهي شعرفني ليش صايرة مامحترمة
ابو شاهيناز: اختچ الچبيرة عيب اني شگايلچ! خاصة مريم لتضوجيهة مو تعرفين بيهة حساسة!
شاهيناز: هسه بابا تعيط علية واني مغلطانة روح اسألهة ليش صايرة متتحمل كلمة من احد خاصة مني
عمي طلع وابوية حچة
ابو حيدر: ميجوز بابا انتن خوات عيب هاي السوالف
شاهيناز: عمو هية مخبلة اني شسوي
ابوية ضحك: شلون لسان صايرة، منو علمچ علة طولة اللسان
مچانت بوضع يسمحلهة تضحك.. بقت ساكتة ومادة البوز.. طلع ابوية
باوعتلهة: ليش وياهة شسوت'طيبة_الربيعي'
شاهيناز: ها تريد ادافعلهة تفضل ماعندي اي اشكال هو انتة الكبرت راسهة
شاهيناز... برجعتنة البيت عمو رجعت حليمة لعادتهة القديمة.. ماعرف شصايرلهة اختي شگد حچيت وياهة ميفيد.. ماما گالت روحن سون چاي ام حيدر مابيهة حيل خطية لتخلنهة تسوي شي.. رحنة اني وبسمة گعدناهة وگمنة
شاهيناز: روحي صيحيهة تجي يمنة لتبقة گاعدة وحدهة
بسمة: هية ضايجة
شاهيناز: ميخالف احنة خوات اني هم زودتهة، صيحيهة بس لتگوليلهة اني گتلچ
بسمة: شگد گلبچ طيب وحنينة
شاهيناز: الخوات لازم حنينات علة بعض، يلة
باستني وراحت ورجعت وياهة مريم واكيد متباوع بوجهي مزاعلتني.. سويت الچاي اني وهية طلعت الحلويات.. گعدت بين ميتخدر.. هية واگفة يم الثلاجة اطلع بالحلى حبيت اني اتنحنح وابادر تبقة اختي واحبهة.. من حچيت عليهة لمصلحتهة من نروح منا لازم نخلي ذكرى حلوة واثر طيب مو مخاصمة وخلقة معبسة
شاهيناز: انطيني مي من يمچ'طيبة_الربيعي'
مجاوبت
شاهيناز: مو وياچ
بسمة: مريم
باوعتلي صفح: ها
شاهيناز: ممكن مي بلا زحمة عليچ
دارت وجههة: عندچ رجلين وگومي انتي جيبي وحدچ
بسمة: شبيچ مريم شصايرلچ
مريم: لتدخلين بسمة خليچ بحالچ
گمت اتقربت يمهة وباوعتلهة: شبيچ انتي؟
