#النظرة_الاولى
#طيبة_الربيعي
___\البارت العشرون🔥🔥\___
اسفة عالتأخير بس حبيت اطولة
قرائة ممتعة❣️
_______________
دخلت الغرفتي بقيت بيهة مطلعت استحي.. لحد المغرب بابا وماما صلو بس اني ماصلي.. اعرف هل شي غلط بس محد مشجعني عالدين والله.. تعشينة وشفت بابا بس يصفن.. يعني ديفكر.. واني مسوية نفسي كلشي مادري..
غسلت المواعين اني وبسمة گاعدة يم راسي تقنعني علمود مريم
بسمة: تدرين انتي بهذا تصرفچ دتحملين ذنبهة
شاهيناز: لا والله لعد السوتة هية شوية، مو فضحتني وخلت حيدر يكرهني ويتعارك وية صديق عمرة
بسمة: وانتي ملگيتي غير اسم حيدر تحطي، والله اني لو منهة اسوي الاكثر خلي نفسچ بمكانهة لتصيرين باطلة
شاهيناز: هاا يعني تفضحين اختچ؟
بسمة: واختي تخوني؟ ترة واگفة داگولچ خلي نفسچ بمكانهة
شاهيناز: چان اجتي سألتي استفسرت مني مو بس تحقد علية، انتي شفتيهة قبل شلون حتة متگعد وياية تغار علة حيدر، من كل عقلهة بيني وبينة شي
دخلت مريم عيونهة مدمعة
مريم: واني شمدريني من شفت اسمة والرسائل معرفت شسوي ردت ارفضة وماحچي ولا افضحچ بس من اجة متحملت اسكت ولا كأنما شفت شي
شاهيناز: وهسه شستفاديتي من ضميتي ومحچيتي شي، شلون تشكين بية اني اختچ، لچ مو اني الي چنت احچي عليچ من تتعاملين وياه بطريقة مو حلوة؟ مو اول لقاء بينكم اني رتبتك واعترفلة بحبچ؟
اجتي شبگتني وبچت كسرت خاطري عيوني دمعن
مريم: اسفة شاهي لتسوين مثلة هو هم مخاصمني وميحچي وياية صارلة اسبوع
بادلتهة: لتبچين متسوة بعد صار الي صار، مسامحتچ بس اتمنة يا اختي متتسرعين مرة ثانية انتي التوگعين بيهة'طيبة_الربيعي'
تصالحنة رحت وياهة للغرفة حچتلي انو دزتلة شگد وخابرتة بس ميرد
شاهيناز: عوفي هو من يبرد يدزلچ، اني همينة ميجاوبني
بچت: شسويت اني خربت كلشي
شاهيناز: حتة بعد تفكرين قبل للتصرفين بدون عقل، يعني اني متعجبة تعرفين بي شگد يحبچ وفوگاهة طلب ايدچ وبعدچ تشككين بحبة
مريم: غلطانة ومتندمة كلش متندمة الشك عماني خاصة من شفت الرسائل
شاهيناز: زين انتي شلون فتحتي للفون
مريم: حافظة الرمز مالچ
ضحكت: خرب يومچ شوكت حفظتي شوكت لحگتي تفتحي اشو كلة بيدي
مريم: چنتي نايمة دخلت احچي وياچ نسولف شفت اجتچ رسالة باوعت عالشاشة شفت حيدر فتحتة وتفاجئت
شاهيناز: غير تسأليني تستفسرين مني
مريم: استعجلت غبية، بس انتي شوكت تعرفتي عليه هذا ووين ليش مگتيلي
شاهيناز: اني مگلت بس لجيلان لان اخذت رأيهة
حچيتلهة من طأطأ لسلام اعليكون.. بعدها رحت للغرفة علمود اخابر حبيبي اشتاقيت اسمع صوتة.. لگيتة دازلي هواي ومخابرني هواية مرات واخر رسالة دازهة'طيبة_الربيعي'
