سلاسل من رصاص

الثالث عشر

مساء الخير
قصه للكاتبه ذكرى المندلاوي

مرت مهلت اليومين الي انطاهة الشيخ سعد
للشيخ وادي والشيخ خلف
اجتمع الكل بلمضيف وجانت زهره على علم بهذا الاجتماع
الشيخ وادي
يااهلا وسهلا بوجوه الخير
مثل ما وعدكم بخصوص حرمه الشيخ سعد
انه عرفت وين اراضيهة وماكذب عليكم اتفاجئت مثلكم التفت السعد الي جان منتضر كلمه منه
شيخ سعد حرمتك بحمايتي
سعد
شيخنا
شنو حمايتك ليش انه منو غير زلمتها
الشيخ وادي
اي صح كلامك بس اكو كلام مايصير بويه نحجي
هنا قاطعهم الشيخ خلف
احجي شيخنه نريد نسمع حتى لا يصير غير حجي
ويتلفق على بنيتي خلهم يعرفون الحق وينه
الشيخ وادي
مو وكتهة واحنه رايدين نصلح ذات البين مو نخرب
سعد
هيه الحرمه من تغلط لزمن تتعاقب
وادي
جا ماكالوا هيجي ياسعيد
سعد
واكثر شيخنه بت خلف حاقده وماعدهة مخافه الله
هبوا نجم وسلام
اياك تتماده لو تصير وياك موخوش
الشيخ وادي راد يهديهم التفت السعد وكال

انه سألتهة عن السبب وعلمتني بكل شي
سعد
تستاهل بنتره
هنا فهد قبض ايده بقوه ومحد حاس بدمه وهو يفور
بوده يلقن سعد بوكس يرجعهله وعيهة
انسان متغطرس وحاقد
وادي
بويه مايصير هيجي الحرمه ماتمد ايدك عليهة الا السبب ويكون شرف وعرض
هيه انسانه ضعيفه ليش احنه نزوج بناتنه لان نعرف
احنه مادايمليهة مو على طول نكدر نسندهة
نريد زلمه نتكل عليه وامسلمه هل الامانه الثكيله
اي بويه هيه امانه الله ورسوله وامانه ابوهة وامهة
بويه مثل ماتنطيهة تنطيك
حبهة تلكي حضنهة مفتوح لك وتنسيك همومك
انت من تكبر ماتروح تستند على امك لاتلتجئ الحرمتك هيه موطنك
هيه خافي اسرارك هيه ام جهالك وسعادتك وياهة
انت وياهة روح واحد تصيرون
ولا تنسى كلام الله تعالى
وجعلنا لكم من انفسكم ازواجا الى اخر الايه الكريمه
يابويه انه ابمقام ابوك موش اعلمك لا انت شيخ عشيرتك ممحتاج تعلوم انه جاي اذكرك
طول ماتزرع حقد تحصد حقد
سعد
دنك راسه
لا بويه انه ماحجيتك حتى تتندم لا اريدك تحل كل الي صار ويه حرمتك
سعد
صار شيخ وادي كلامك على راسي
اييي بويه ابتسم
اما فهد طكت روحه حس بشعور غريب هو ليش مراضي على هل الكلام
ليش ميرضه تنحل وترجع زهره الزوجهة
فهد ويه روحهة
والله انت متستاهلهة الهل حرمه
فهد
بويه من رخصتك الي حجي ويه الشيخ سعد
سعد
تفضل ياابن الشيخ (بثكل )

فهد
لازم نسألهة هيه اليوم ابحمايتي موشش الشيخ خلف ولا الشيخ سعد
سعد صارتةعيونه الي فوك وعصب كان باين بعيونه
وهسه شرايد فهيد
فهد
الشيخ فهد سعيييد
كام سعد راد يضربه لزمه اخوه كاظم كوه لازم روحه
فهد
انه الشيخ فهد ابن الشيخ وادي
حرمه الشيخخخ سعد نختني لاجل اخلصهة من الجحيم الي شارده منه وانه واكفلهة موشش من هليوم لا الحد الحد ما هيه تقبل ترجعلهة ولو اشكن
سعد
انت شتحجي هي مرتي وبكيفي
فهد
لا موششش بكيفك هسه هيه بكيفي
وادي
فهيد بوييه اذكر الله
لا اله الا الله متشوفه شلون يحجي عبالك عنده
موشش بشر بهيمه حشه السامع وانه مايرضيني
هيه الحين بحمايتي وانه ماارضاهة خل نسألهة الاول
اهل زهره كيفوا لحجي فهيد جان عدهم مو كلامات تخرج من حلكه الفهد لا عسل اما خلف ابوهة
جان مي بارد ونزل على صدره
سعد شاف اهلهه راضين للحجي والكل وجهة منشرح ومبتسم حس روحه بصراع وصار اله عدو اخر غير
خلف الشيخ فهد
سعد هو مطمأن من انوا زهره تحبه وحتما راح تسكت حلوك الكل وترجع ومن ناحيه اخرى هيه تخاف من المشاكل بينه وبين اهلهة