هلاووو حبايب اليوم ح ابدي قصتي وياكم اول شي الاسماء حقيقيه والاعمار وحتى الكلام منقول نصا من صاحبه القصه حبايب ادعولي ولتنسون التصويت والتعليق😘😍😘😍
هلاووو اعرفكم عن نفسي اني اسمي الين عمري 24 سنه ثاني سنه كليه صيدله مواصفاتي بيضه شعري طويل لونه اسود عيوني لون عسلي طولي 154 سم وزني 50 ك السكن بغداد بالمنصور
اني وحيده ماما وبابا هم اغلى شي بحياتي😍😍
بابا دائما فد اطلب شي ايكولي حاظر وماما كذلك كانت امي متحسسني انو اني فقط بنته لا بلعكس معتبربتني صديقتهه واخت اله وكل شي حبيبتي نبع الحنان ومنطيني الحريه بس كل شي بحدوده اهاا نسيت اكولكم اني اطلع سافره يعني مو بلا حجاب
اعرفكم عن البابا والماما
بابا اسمه / علي دكتور جامعي
ماما اسمهه/ ميلاد دكتورة جامعيه
بابا وماما اتزوجو عن طريق الحب😍 وماما وبابا اولاد عم
الحمدالله معيشتهم حلووة وصح امي وابوي بالدوام واني ادرس فد ماما الحمدالله ممقصره بشي او اتجاه بابا قايمه بكل واجباتهااا
نرجع بالوقت شويه
ااني جنت صف ثالث متوسط جنت راجعه من الدوام وبوقتها صيف والدنيا حاره كلششش 😴 انتضرت بابا يجي عليه بابا ما اجه وحيل اتأخر ف عرضت عليه صديقتي ايوصلوني هي واخوهه ف وافقت وصلوني نزلت من السياره يم باب بيتنه دكيت الجرس فتح الباب ابن عمي اسمه علي 😒
اعرفكم عن علي الي هو ابن عمي اسمه علي عمره 26 سنه موضف مهندس مواصفاته طويل وابيض وعيونه صفر شعره لونه جوزي جسمه ضخم شكله جدا جميل بس هوو مغرور ومعقد
طبعا هوو يحبني من الطفوله بس اني اكرهه دائما جان يكولي انتي الي وبس واكوله اكرهك بس ميفيد ويا ابد 😏
علي / اهلا اهلا ببنت العم
الين/ اهلا بيك
علي / اتفضلي
الين / دخلت للبيت سلمت ع بابا وامي وعمي ابو علي وعمتي ام علي وصعدت لغرفتي اغير ملابسي دخلت للغرفه لكيت نبع الحنان مرتبتهه😍😍 حظرت ملابسي ودخلت للحمام اخذت شاور لان الجو حار ف غسلت جسمي وطلعت لبست تراك ورتبت شعري وطلعت من دأنزل الدرج صاح علي
علي/ الونه☺ تعالي رايدج بموضوع قبل لا تنزلين
الين / خير شرايد 😒
علي / عمي شبيج انتي عدلي كلامج😒
الين / والله اني معدله كلامي بس الأوكسجين خلص وما اعرف شحجي بعد
علي / اكولج اني ماريد اعارك أني اريدج بموضوع
الين/ كول شنو ؟؟؟ 🤔
** لزم ايدي علي وكلي الين فدووة والله احبج ومستعد اخطبج بس اقبلي شنو ناقصني اني علمود متحبيني تذكرين من جنا اطفال وانتي دائما توكعين واني اساعدج والي يتقربلج ما اقبل وانتي تحجين عليه 😔😔 كله وساكت لان احبج
الين/ رفعت ايدي ✋✋ علي شوف انت ابن عمي ميصير هيج تحجي وثانيا يا أخي افتهم اني اريد اكمل دراستي ماريد ارتبط واني عمري صغير وثالثا والاهم اني ما احبك 😡 افتهم عاد
علي/ الين شوفي اني هذه كلامي ما اغيره انتي الي وبس 😡😠
الين / اهووو عاد رجعنه لنفس الكلام لك بابا افتهم شخص ميحبك انت شكو لازك
**
عفته ونزلت جوه
رحت لماما وعمتووو
الين/ هلاووو تحتاجون شي اساعدكم
عمتي ام علي / لا عمه منحتاج شي بس عمه انتي كبرتي لازم تتعلمين تطبخين
الين / عمه خليني ع دراستي احسن
ماما / اي ام علاوي خليها ع دراستهه لان اني ما احتاج منها شي
عمتي ام علي/ بس يا خيه بنتج كبرت ولازم تتعلم الطبخ واشغال البيت باجر وراهه زواج شلون بله
الين / لا عمتووو اني ما ازوج لان مامقرره بعده عمري صغير بالأول اكمل دراسه وبعدين افكر
ماما / اي صح كلام الونه بالبدايه تكمل وبعدين تقرر تزوج
دخل علي ع المطبخ
علي / هذا منو تعيس الحظ الي يزوجج اعتقد يموت جوع 😌
الين / مو جابرته يزوجني اذا يعرفني ما اعرف اطبخ يا استاذ علي 😒
علي /😂😂😂 بس اكول الله يساعده
الين/ لا بلعكس كول هنياله بيه لان وين يحصل وحده مثلي
علي / ع كيفج علينه هسه انتي شنو بله😏
الين/ اني الدكتوره الين علي يا استاذ علي😛😛
علي/ ع كيفج صرتي دكتوره
الين/ ابكيفي اصير دكتوره
**
عفتهم وطلعت كعدنه ع الاكل جانت ماما مسويه دولمه وبرياني 😍😍 اتغدينا وخلصنا
بس طول هذا الوقت واحد يخزر بالثاني خلصت اكل صعدت لغرفتي وهمه وره شويه رراحوو من طلعو جانت الساعه 3 العصر
الين / اووف واخيرا راح هسه اله رجع الاوكسجين ياربي شنو من لزكه هل ولد
بعدهه مشت الايام والسنين وعلي كذلك يوميه وكايل احبج واريدج واخطبج وماعرف ايش
بعد ماتوفقت بدراستي واني طبعا جنت حيل شاطره ذابه جهدي وتعبي كله ع دراستي لان اريد احقق حلمي والحمدالله تحقق من بعد الارهاق والتعب بالسادس طلعت معدل عالي جدا ودخلت كليه الصيدله 😍😍 نجحت والف الحمدالله يعني هسه متباركولي😂😂😘
قبل يومين من دوامي بالكليه طلعت اني وصديقاتي للمولات علمود اجهز ملابس للكليه☺☺ وحبيبه كلبي لجين وياي هي منبع اسراري
اعرفكم عليهه اسمهه لجين عمرهه 24 تدرس طب اسنان اصير بت خالي
وطبعا حتى لجين جانت دائما تكولي لتحبين علي لان معقد ومغروور جدا
لتنسون التصويت والتعليق
باجر انشالله انزل بارت ثاني 😚😚
انشالله ح يعجبكم
