#عشقي لكي ممنوع
البارت الثاني والثلاثون
ل وردالعامري
لوجين :طلع ليث واني كاعده يمهم
ام علي: والله يمه الف مبروك ليث خوش ليث
علي: الحمدلله الله يسهل امرهم بس يمه ماريدها تطلع لااحد
ام علي: لايمه فهمت قصدك مااحجي
علي: لجونه حته لماما هسه ماريدها تعرف
لوجين: بابا اني ماريد مشاكل بينك وبين امي عفيه
ابوعلي: استغفرالله مسحي دموعج جدو ياعلي شنو سر وليش كل هذا ياابني
علي: يابه اني اريد ارضي جميع لااطراف ربطت كلام ويه لولد وامها شويه شويه تلين حقها اني نفسي ماعرف شلون
ابوعلي: هااا ولك عليوي بعده مااخذها من بيتك عيونك غرغرت بدمع تريد تكعدها يمك سنه الحياة هاي
علي: اي والله وهذا الي مفكر بيه سنه الحياه وقسمه زينه الحمدلله ليش اوكف نصيبها بس والله عاذر اخلاص اني هاي اصغر وحده والله اشوفها بطولي صايره بس احسها ذيج لوجين بت الاشهر الشلعت كلبي بدكاتره ههههه
لوجين: بابا حاضني راسي عله صدره ومطوق ركبتي باايده ياربي شكد حنين والله من شفته هيج فكرت ابطل وخفت انكتل مره لخ لان بالبيت صيح عليه لان ناس كايله موافقه وناس لا
علي: لوجين بابا حطي ابالج هسه احنه ده نحجي بزواج وزواجج الج
بابا تره لزواج مو بدله عرس وهلهوله مسؤليه هذا وتحمل وصبر وليث هل واحد والف مسؤليه ع راسه ومادام وافقتي عليه لازم تتعلمين تكونين صبوره حطي هل كلام براسج بابا
ابوعلي: كلام ابوج صح لولد شاري وانتي رضيتي بعد مامنها تراجع مو بعدين تكولين لا مجنت اعرف هيج عبالي بس هوسه عرس وعاجبج تلبسين لثوب لاجدو هذا استقرار وانتي حجيه وامها ابدن علمنها من هسه اتصيرام بيت
اخاف احجي وهم انكتل بس كلت
لبيبي كالت سكتي معليج بالحجي حاله عصبيه وحجت امج عقلها بدينارين عوفيها هسه تسكت وترضه ابوج موكالج عليه امج عوفي
ضليت ابيت جدو يومين بابا كالي ابقي ياربي ليش والله اريد امي شكد حلو حضنها من اروحلها اركض وبكلبي فرحه جنت من انجح احضن امي وهيه تحضني حيل وتبوسني وعفيه ماما حبيبتي بنيتي السبعه ليش تغيرت امي اخ ياحضنج ياامي كون اروح احضنج هسه واوكولج فرحانه وفدوه حضنيني حته تكمل فرحتي
راح بابا جابلي هدوم وكتبي بيبي ضلت تصببرني
ان. كلشي راح ينحل
بيبي شنو لصاير بين امي وخاله ثريا
ام علي: يمه الصار راح صح غلط بيه صار وجان نهجمت بيوت بس راح ذاك الوكت وخلص
لوجين: شلون يعني بيبي جان نهجمت بيوت
ام علي: ايي يابيبي شعدج سوالف نامي نامي لاتصيرين مثل امج ادورين دفاتر عتك نامي وراج مدرسه ياداده صدك مدرستج شلون اذا اخذج ايبطلج ايخليج تكملين
لوجين: مادري بس ليش يعني ميخليني اكمل
ام علي :دنامي يمه نامي انشوف شلون ترهم هسه بعد وكت لهل سوالف
لوجين: تمددت وطلعت بيبي هجم بيوت شصاير شنو يعني هجم بيوت !
الصبح وداني جدي بالسياره للمدرسه لان تبعد مسافه عن بيت جدي استلمت شهادتي ناجحه ودرجاتي زينه الحمدلله ياربي
هسه امي تكيف لا اخاف اروحلها هسه ضميت الشهاده بكتبي وكعدت استمع لدرس بس ابالي امي طلعت جدو واكفلي بالباب صعدت وياه
هااا شلونج جدو
زينه جدو طلعت ناجحه
-مبروك مبروك جدو
رجعنه لبيت جدو سياره ليث واكفه بالباب
طبينه موجود ليث وام ليث كاعدين
ام علي: جوي موكتلكم ميتأخرون
ابوعلي: حي الله من جانه هلا ام ليث
لوجين: يوم السعاده البارحه نقرت فاتحتي وصرت بعتبار خطيبته واليوم استلم لشهاده ناجحه وارجع اشوف ليث ياااااي
ليث: سهى اختي ضلت يمنه وباركولي امي تهلهل فرحانه كل متباوعلي تكول الله يفرح كلبك ياابن كلبي بس من صار الليل حسيت بشوق الها موطبيعي واذكرت شسويت الصبح عضيت ايدي بكل قوتي ياريت يرجع لوكت وماتصرف هيج انعمت عيوني ماشفت كدامي اوووف كون متشيلها بكلبها لهل شغله
صبح من ده اطلع للدوام. امي كالت اروح لبيت عمي لازم نتشكره صح هيه حفيدته بس وكفته وكلامه الك لازم اروح
ماشي ارجع من لدوام واروح
رجعت من وكت خلصت
ورجعت بسرعه بس بدلت قميصي ولستره بسرعه بسرعه بدلت اخذت امي ورحنه طبينه عمي مموجود كالت مرت عمي راح. يجيب لوجين
ليش لوجين يمكم
ام علي: اي يمه ابوها خلاها هل كم يوم يمنه
ميتأخرون هسه ع جيه
ليث: كاعدين وطبو كل مره اشوفهه حبيبه افرح بشوفتها هل مره فرحي زايد حسيتها الي صارت مو بس كحبيبتي لا صارت اقرب واقوه من الحب
لوجين :سلمت ع خاله وعليه هوه بالكوه ساد حلكه وكل شويه يندار عود ايكح يضحك ويرجع راسه ع جدي وعيوني صفح صايره عليه
واني احس خدي شنج. كثر مضاغطه ع ضحكه لاتطلع
ابوعلي: يابه خطيبتك ناجحه
ليث: صددك
لوجين :اي الحمدلله
ام ليث: هل سنه بكلوريه مو يمه
لوجين: اي خاله بكلوريه
ليث: مبرروك عاد شلون لدرجات
لوجين: لازينه شوف طلعت لشهاده شوفتلهياه كلها ضحكت عليه ضليت امتمت ماعرف شحجي
ليث: ههههه شبيكم دتكولي مضيعت التعب مال الدراسه ولشرح مو لجون
لوجين: اي اي
فشللله طبيت للغرفه ابطنش مو اركض
بيومها اجه بابا وكال باجر يعقدون مهر محكمه لسامر
جلبت بيه اريد اروح وياه امي جانت تنتضر شهايدنه وكل مايجي موعدهن اضل تسئل من لباب هاا استلمتوو جلبت اله اروح بيبي كالتلي ابقي بعدين توسلت باابويه يأخذني
ل وردالعامري
رجعت للبيت صح خايفه بس اريد اشوف امي
مقبلت تحجي ويايه اعتذرت منها وبست راسها
ماما طلعت ناجحه
ام لوجين :اي عود علكيهه لذكرى اذا ازوجتي ليث موترديه روحي طبج مرض لااني امج ولااعرفج
