#قلوب_على_جرف_الهاوية
#بقلم_الكاتبة_نهى
قلوب على جرف الهاوية
للكاتبة Nuha-d-h
-
استاذ علي ممكن لحظة من وقتك
علي ووهو يترك القلم من ايدة ويرفع راسة
علي-نعم تفضل احمد اسمعك
احمد-سيدي قبل يوم وصلني خبر من صديقنا نورس الي موجود بالناصرية كان مستلم قضية اغتصاب فتاة عمرها ٢٠سنة
واثناء التحقيقات في المحضر استغرب ناصر بأسم الضحية
كانت تملك نفس اسم الجد والعائلة ولقب عشيرتك انت
بس حبيت انطيك خبر خاف اكو اشكال اوتشابه بالاسماء او اخاف الموضوع يمت الكم بصلة
علي عقد حواجبه وهو متفاجيء من كلام احمد
علي -اذا تگدر تخلي نورس يحولي ملف القضية اريد اطلع عليه هيج من باب الفضول ولو اني متاكد احنا ماعندنا اقرباء بالناصرية لكن اكون ممنون الك اذا جبتي الملف
احمد-تمام سيدي انت تأمر
ً..........................................................
في الناصرية
سماح
گومن بنات يالله بسرعة ما راح تلحگون على المدرسة گومن يالله
فرح -يالله ترة انة سويت الريوك وهدرت الجاي على الصوبة راح ابدل ملابسي
سماح -گومي سرورلا اجي ابدي الماي على راسج گومي علة
سلوى - هاي الاسطوانة اليومية الماتخلص
فرح عمري ١٧سنة
اني الاخت الثالثة عندي اثنين خوات اكبر مني
سماح الكبيرة وعمرهة ٢٠سنة
وسلوى الاصغر منها وعمرهة ١٨سنة
واختي الصغيرة بزر الگعدة اسمهة سرور
وعمرهة ١٢سنة
صارت بعد معاناة امي بالحمل رادت تسوي ولد لكن الله ما كتب
احنا اربع خوات
عايشين بمشتمل بسيط ملك
و ماما وبابا صارلهم سنة من توفو بحادث سيارة
كانو مسافرين حسب ما بابا گال
ان هو يريد يروح حتى يستسمح من ابوه ويطيح عليه بلكي الله ويقبل اعتذاره ويبطل صد ويحن گلبه عليه
اني وخواتي ابد ما شايفين بيت جدي ولانعرف اي شخص منهم لكن ابوي الله يرحمة كان بين فترة وفترة يگعد يسولف النا عن حياتهم ووضعهم ومرات يحجي مواقف مضحكة من كان شاب وامي هم كانت تسولف النا عن بيت جدي وعن عمامي
امي اصلها فلسطينية وكانت ساكنة وية امها عند بيت جدي كان عندهم بيت خاص للفلاح وهمة هناك سكنو
وكانت تسولف عن عماتي وعمامي واولادهم وبناتهم
الي اعرفة ابوية عنده اخوان ثلاثه وهو الرابع الصغير الصغير
عمي الكبير توفيق والثاني جواد. ونبيل الثالث وبابا اسمة منذر
بس امي كانت تكره نبيل حيل يعني من تجيب طاريه
ينگلب وجهة وابوي ينقهر
هو الوحيد الي ما يجيبون سيرتة عرفت عمامي البقية كانو يحبون اخوهم الصغير الي هو ابوي لكن
الضروف الغامضة الي ابوي وامي ماحجولنا عنها
كان ضرف جدا قوي لدرجة يخلي جدي يطرد ابوي من بيته
بس كنت مرة اتذكر واني صغيرة من اخذنا بابا
كان عمري ٧سنوات اخذنا اني واخواتي لبغداد بالعيد
لبيت جدو اتذكر سافرنا وصلنا لمكان كلش حلو ووكفنا مقابيل بوابة جبيرة طلعلنا رجال جبير لابس دشداشة وإشماغ لافه على راسة
ابوسماح-شلونك عمي صاحب شخبارك
صاحب-هلة هلة بوية منذر شخبارك
ابو سماح
يريد يكمل كلامة لكن قاطعة صوت من الخلف كان لاخوه نبيل
نبيل بخبث وهو يعرج -هَـا ولك عار شعندك لفيت النا ترة ابوي ما يريد يشوف جهرتك ومحرم عليك عتبة البيت
وانطى قرار محد يلفيك ويستقبلك بالعشيرة كلهة
فاحسن الك لاترجع بعد هنا مرة ثانية
