حريه بت شيوخ

22

حريه بت شيوخ
دنتعارك وياهم واني منفعله وعاد شلون احب اتعارك انه ذكرتني بعركاتي ويه مهند صارنه هواي ممتعاركين لحد ما اجه واحد كضاني من جتفي من ورا درت اشوف الجني الازرق ورايه مهند عيوني مو بكصته بشعره وايطلعن شرار جراني وخلاني ورا ولعب طوبه بالولد حسيت ايريد ايحطني وياهم ويكتلني لان يتخبل لما يشوفني احجي او اتعارك ويه احد ومجان خايف لان ضابط وميكدرون ايسوون شي لان اكيد عنده حق بالي سوا
مهند.للسياره
رحنه اني وملك من دون مانحجي ضيلنه يم السياره انتاني لحد ما اجه فتحها ملك كعدت لييورا اني يمه.كام ايسوق جنه بسباق نزل ملك وكام ايسوق اسرع من كبل يمكن جان خايف لا ايصير شي بالبنيه واتطيح براسنه بس انه عادي رايده من الله كان يمشي بغير طريق بيتنه خفته دخلنه مكان ما بيه ابيوت يشبه الصحراء كلت خاف ايذبني اهنا وايروح يمه واخاف احجي بس احجي لازم اقرا الفاتحه على روحي...وصلنه مكان بعيد وكف السياره بشحطه مال واحد امخبل وهو بالفعل امخبل المهم ضل صافن على الطريق الكدام يمكن جان ايهدء اعصابه شيهدء منه نزل من السياره ودار جراني من ايدي ونزلني وكفنه بمقدمه السياره وانه وكلبي وكع ببطني
مهند.شنو هذا الي شفته هااا
تاليه.مهند اسمعني والله جنه كاعدين بالكوفي وهمه بدو يحجون ويانه والله
مهند.واذا همه بدو الا اتجاوبين طنشي سوي روحج متسمعين خلي وكومي مو تتعاركين وتفضحينه
تاليه.والله ما كدرت يحجون حجي محلو وانه مكدرت الا اتعارك بعدين  اتنو الي اتاخرتو مجيتو عليه
مهند.لتلفينه للسالفه اسمي ولج تاليو شغل اتبطلين وتنطمرين بالبيت طلعات وطبات مال صديقتي وما صديقتي متمشي وصوتج ميعله على  احد السانج اتكصري لا اعرف شلون اكصره الج ولبسج اتغيري مو لبس هذا
تاليه.لا بله شخليت عليه بعدين مدخلت عود من ايروح ابراهيم ذيج الساعه اتحكم
مهند.ليش مكلولج
تاليه.شنو
مهند.بعد يومين ايسافر ابراهيم قدمه لسفرته
تاليه.هااا
مهند.وجعاا سمعي الحجي احسن الج
تاليه.ما ما مدخلك بي حياتي وكيفي بقى ابراهيم راح مدخلني بعدين مو عندك خوات روح اتمرجل عليهن لو بس كادر عليه
مهند.تاليييييه لتفتحين على روحج باب
تاليه.بس اريد افتهم ليش انته هيج ليش كله ناشب وياي وامقيدني اي شي اسوي عندك غلط واتعصب وفوك الضيم اتضرب بعد ومن دون الي بالبيت اني الي ناشب وياي بس كلي ليش كاتله مرتك وماادري مهند.تاليه
تاليه.نعم
مهند.احبج
تاليه.هااا
دك موبايله .ولج يمه لحكيني تدرون كلبي وين طاح باصبعي الصغير مال رجلي اليمنه وسخنت  معنو هاي مو اول مره.هو دار ظهره ويحجي الي عرفته يحجي ويه فهد
درت ظهري علمود لما ايدور ميشوف ضحكتي الي شاكه حلكي بدون سبب
ما اعرف ليش اتونست وقلبي كام يردح
بدي بس ارجع للبيت وادخل غرفتي وبعد ما اطلع.دار
مهند.يلا اتاخرنه
طبعا صار مغرب اتخيلو المنظر صحراء وكت غروب وااو
راح هو وانه بالكوه حبست ابتسامتي وكعدت يمه دايره على الشباك ايدي مغطيه حلكي علمود لتبين ابتسامتي الي كل اشوي اتخوني وتطلع
مشينه على كيف هدوء بس صوت السياره واصوات السيارات الي تعبر من يمنه وصلنه قريب من البيت دخلنه فرعنه
مهند.لاحجين الصار الاحد كليلهم رحت لبيت صديقتي شوي ماشي
هزيت راسي هو ابتسم افتهم اني تحت تأثير الصدمه بعدني
نزلت ودخلت للبيت ابسرعه بلا ما اسلم وجانت عمه ساره عدنه صعدت للغرفه قفلت الباب شمرت شغلاتي على الجربايه وكفت كدام المرايه صفنت كلت يمكن حلم كرصت روحي لا والله صدك كعدت اطفر على الجربايه من الفرحه وهذا كله وانه ما ادري اذا احبه او لا  بس شي بداخلي فرحني.داتطفر واندكت الباب نزلت بسرعه عدلت روحي فتحت شغلاتي عساس جنت اشوف بيهن نزعت شالي
تاليه.منوو
ساره.انه
تاليه.هله عمه
ساره.تاليه شصاير وياج طلعتي اتركضين والضحكه شاكه حلكج هاا
تاليه.شنو متردين اسلم عليج
ساره.شوف هاي ولج الفضول كتلني  بالكوه فلتت من امج وعماتج علمود اطير اعرف شكو اجلي للسلام شكو.
تاليه.لا ماكو بس ااا
هاي بس اكلله تفضحني
ساره.دتطلعيه للكلمه
تاليه.عمه احبج وامووت عليج بعد
ساره.الله الله منين جا هذا الحب كله
تاليه.عمه جد داحجي انه احبج
هذا كله وانه اموكفته بالباب
مهند.السلام عمه شلونج
ساره.هله عمه حبيبي شلونك.
يمه يالفشله بس لا سمعني وشافني فرحانه
مهند.الحمد لله بخير
حيدر.هاي شنو صاره تحجين نفس العجايز شنهي انعديتي هله عمه حبيبي (ايقلد)جنج امي
ساره.انجب يلا غير اتزوجت وثكلت
ام حيدر.لك وشبيه امك
حيدر.اشصعدج طرزان انتي
ام حيدر.اسكت لا اطيح حضك.
بنجرو يم باب غرفتي
شويه وراح حيدر وعمه ساره خذت عمه ام حيدر وراحت وكالتلي بعدين تجي
بقينه اني ومهند انطاني علاكه
مهند.هاج
تاليه.ششنو هاي
مهند.مالتج نسيتيه بالسياره
تاليه.شكرا
مهند.العفو
ابتسم وراح
دخلت الغرفه صافنه وسرحانه خذيت ورد اصطناعي من الغرفه كعدت اكط بي
تاليه.احبه لا احبه لا احبه لا ......احبه لا احبه اخخخخ ..
قطعت حبل افكاري ملك تتصل عليه
تاليه.الوو
ملك.ولج شصار شسوالج ظربج
تاليه.ملك ايحبني
ملك.هااا
تاليه.ملك مهند ايحبني
ملك.تاليه هو ما ظربج مو
تاليه.لع بس ايحبني
ملك.متاكده ما ظربج
تاليه.ملك شبيج داحجي صدك
ملك.ما اصدك هذا
تاليه.لا صدكي
ملك.تاليه خاف ايجذب عليج او شي
تاليه.انتي خبله شلون ايجذب عليه وانه بت عمه بعدين مهند بعيد عن الجذب كلش ملك.تاليه سولفيلي بالتفصيل الممل من وصلتوني لحد هسه
تاليه.اول منزلناج ساق بسرعه فنج لوين
ملك.لباريس
تاليه.اي وشفت برج ايفل ماجني شفت بس صحراء وتراب
ملك.ههههههه هههههههه ضحكتيني عبالي خذاج لمكان رومنسي مطعم شي
تاليه.شوف هاي شتحجي هو بده يذبحني اتكلي مكان رومنسي لاحبي امخليتهن الج انتي وفهد
ملك.ههههه كملي كملي
تاليه.اي وكف السياره خذه صفنه بعدين نزلني من السياره ورزلني كالعاده واني حجيت وصيحت عود متعصبه وبعدين
ملك.اي بعدين
تاليه.بعدين
ملك.عمه بعينج احجي شصار بعدين
تاليه.كلالي بكل هدوء عكس النار الي جانت مشتعله بي وهيمنه بلطف تاليه
ملك.نعم
تاليه. احبج
ملك.تاليه.عااااا ههههههه
دك دك
تاليه.منووو
ابو مهند.اني عمج علي بيج شي حبيبتي
تاليه.لالا عمو ماكو
ابو مهند.ما شي حبيبتي
..........
تاليه.عزه بعيني كون
ملك.اي والله عزه بعينج كون فضحتينه
تاليه.انجبي حتى انتي صيحتي وروحتيلي ذاني الله لايطيج
ملك.ههه تاليه
تاليه.هممم
ملك.اتحبي
تاليه.اتصدكين ما ادري اذا احبه او لا
ملك.لابله كالبته للدنيا لان ايحبج وتكليلي ما ادري شوفي خلينه رومنسيين شوي اتحبي لو بعدج اتحبي لقيس
تاليه.لا قيس شنو انتي الثاني اصلا صار حتى ميخطر على بالي
ملك.يعني سهل اتدخلين واحد ثاني بمكانه
تاليه.ليش ادخل وهو اصلا داخل
ملك.يعني اتحبي
تاليه.ايييي احبه
دك دك
حيدر.تاليو تعالي اتعشي
تاليه.ما اشتهي
.......
تاليه.يلا باي ملوكه حنام انه
ملك.بايات حبيبتي
.........
يحدث ؛ أن تجد شخصٍ أحنٌ مِنك عليك ..!

وقد تظن أنك منسيٌّ .. بينما أنت كل شيءٍ في قلب شخص لا يريدك أن تعلم عن شعوره " ..

هنالك امور في الحياة
يصعب عليك استيعابها
ليس لانك لاتستطيع
بل لانك لم تتوقع ان تحدث
ل تستوعبها..

...........

تفاعلووووو
توقعاتكم للبارت القادم
1030
البارت صارت بي احداث مهمه لذلك قصرت شوي
باجر بنفس الوكت مال هذا البارت ينزل بارت
تحياتي ♥♥♥♥

احبجم