سلاسل من رصاص

السابع عشر

مساء الخير
قصه لذكرى المندلاوي
سلاسل من رصاص
السابع عشر

خلف
الكل يطلع وخلوني ويه بنيتي
تعالي يبعد ابوج اكعدي حدري هنا
رقيه كعدت ابمكان الي اشر عليه خلف
خلف
بويه هاي دنيه وانه وامج ماظالين
اسم الله عليكم بويه
اششش خلني اكمل هيه بعد سنه الحياة
فيبعد روحيتي راضي خوش راضي وابن عمج وشاريج
بويه خلي كله ولا راضي مااريدنه اكرهة بويه مو بيدي مااصيراله حرمه
جا شلون كليلي تردين الوادم تاكل وجي اخر وكت
ادكول الشيخ خلف ماعرف يربي
رقيه
بويه هذا زواج راح اتقيد بيه طول العمر ويصير عندي اولاد مدكلي شنو ذنبهم ويوميهةمشاكل متخلص
هو عصبي ومايتعاشر ايده والضرب تقبلها على بنيتك
خلف
انه ابوج وين صرت ان مد ايده عليج اكسرهة واشلع
اذاناته
رقيه لا ابوهة يكدر يقنعهة ولا هيه تكدر تقنعهة
بويه لا تنزلين كلمه ابوج انه انطيته كلمه بوسط العشيره وكلها جاعده من اكله هسع ماترضه شيكلون عليه
الشيخ راضي ماعنده كلمه على بنيته شلون تصيرالله كلمه على العشيره عيبه بحق ابوج
ارضي ابنيتي الله يوفقج ولا تزودين همي اكثر
***********

سعد
شيخنه انه جيت على الموعد
وادي
ايه هله بيك وحرمتك هم حاضره ه ه
فهد
بويه عندي كلمه الشيخ سعد قبل ميستلم حرمته
فهد وعيونه تخوزر بسعد بوده يهجم عليه ويشبعه بوكسات سعد نفس الشي
سعد
اتفضل هه شنهي الكلمه يااستاذ فهد
فهد صك سنونه منه يعرف بيه يحاول يستفزه ويقلل من شأنه بأستهزائه
فهد
الحرمه التجأت لينه واحنه بيت الشيخ وادي الكل تعرفنه مانرضه بلظلم لو على كص ركابنه
اشلون لو حرمه نختنه
سعد
هم رجعنه النفس السالفه
وادي
خله يكمل بويه سعيد
وادي يريد يعرف ليون يوصل
الشيخه فضه متابعه الاخبار وكلبه يدك تعرف ابنهة
مو بسهوله يتنازل
فهد
هو شنو الي كعدنه اليوم غير هاي السالفه
انه اريدن اخذعهد من الشيخخخخ سعد
سعد
صارت بيه عهد
اي ياشيخخخخ عهد كدام هاي الوجوه السنحه الخيره الي كلها ماتقبل بلي سويته
اريدن منك تكول انك ماتمد ايدك بعد اليوم على
الحرمه وان صار وانعادت وشردت بعد مالك حق بيهة ترد الهله
سعد
شنهييي وعيونه صارن نار تشتعل
فهد
مثل ماسمعت اني اريد اضمن حق المره الي نختني
وانه الكل تعرفني منو فهد وخزر بعيونه
بمعنى التهديد
تهددني يافهيد انه ماتهدد
هه شلون ماتحسبهة احسبهة وان جانك ماراضي عوفه ترد الهله وننطيك مال ابدال الفصل
اشكلتوا وجوه الخير كلامي بي لوله
الكل
صح السانك
فهد
ربنا ورسوله وصونه بلمراه انت تريد تخالف امر الله ورسوله
سعد ماعرف يرده بكلامه فهد سد عليه كل فرص الجواب والشيخ وادي مرتاح الكلام ابنه هو هذا المفروض ينكال
لكن سعد شك بلسبب الرئيسى الكلامه
اخخ بويه لو يطلع صدك الاشكن بي ذبحج على ايدي
يازهيره بسسس هين يصير خير خلي بس اجيبهة
فهد
شكلت ياشيخ سعيد
انه كدام هاي الوادم حرمتي واريدهن مابادلهة بفلوس الكون
شيخ وادي راد يهدي السالفه بينهم يعرف بأبنه
راسهة يابس وكلمته مايتنازلةعليهة وسعد راح يطك
من تصرفاته رغم هو مفاهم ابنه ليش متمسك بهل السالفه يجوز نخته هم شك بلقضيه مو هينه اكو وراهة سر وابنه بات مفضوح وخاف الي اباله يكون صدك وتنكشف للعيان وساعتهة تصير حرب
البسوس
وادي
بويه سعيد احنه ماكاضين حرمتك عليك لجن الكل تعرف احنه طول عمرنه نحب نسوي خير وامانرضه
بلظلم ويامه ويامه وكفنه مجاتل ودموم فصول وعشاير فضيناهة وماحاجه اكثر فما بالك بحرمه نختنه والله نشك الكاع ونردهة الهلهة
الكل
صح السانك
بويه سعيد فهد يريدلك الخير انت هم تريد تعيش بسلام ويه الشيخ خلف وهيه صارت حمامه سلام ضحت برويحتهة لاجل هل الشباب لا تروح هيجي
هيجي حرمه تنحط على الراس ونسويلهة تمثال موششش يوميه جاتلينهة ونحسبهة من البهايم
سعد خجل وسبح بعركه الشيخ وادي مخلاله عذر
دنك وسكت وراههة بدقايق والكل منتضره رده
سعد
الي ادكول عليه شيخنه يجرالك وكلامك على راسي
وان جان ردت ليكم ذيج الساعه حاسبوني
وادي
خلص بويه واني من هل الساع رادهة الك معززه مكرمه وهله بيكم وجوه الخير
الكل
خيرك مغركنه والنعم منك
فهد اتمنى سعد يتعصب ويلكاهة عليه حجه وميردهة بس ابوه الظاهر فكس بلسالفه وسدهة من يمه
وظل يخوزر بسعد الي هو بادله نفس الشعور

******
الشيخ خلف
عفيه عليج هاي بنتيتي تربيه الشيخ خلف
روحي صيحيلي راضي

طلعت وهي تخوزر براضي
ابوي الشيخ يريدك
راضي جان كاعد يم نجم وسلام بلحديقه
طلعت كدامه وهو وراهة صاروا بلمرر قبل ليدخلون
سحب ايدهة بصوره مفاجئه وصار ظهرهه على صدره
وجه يم اذنهة وايده عاوجهة وهو يهمس بتهديد
بسيطه يارقيه انه ادكليلي هيج والله الا اندمج وخلي علاءء يفيدج
رقيه
اخخخ بويه هد ايدي لا وعلي اصرخ والم عليك البيت كله واسم علاء لا تجيبه على السانك النكس
تموت ومااصيرلك مره ترجيه واشلعه من اذانك
يا ااااا راضي
هينه يصير خير انه هم ما اطيق اشوفن جهرتج
النكسه لجن هيج طخت براسي حرمه وتعاند الا اخليج اتصيحين الويل واطلبين السموحه وهاي رجلي تصير شاهده على كلامي
دفعه بقوه ليكدام وفات على عمه
اتفضل شيخنه رايدني
خلف
اي بويه تعال اكعد
ولا كانه قبل شويه مهدد ومتوعد وجهة انكلب يبتسم العمه بعد ما كله على موافقتهة وجان متاكد من الشيخ يكدر يقنع بنته بعد كلمته ماتصير اثنين عيبه عليه وهذا الشي معروف
خلف صاح على ولده وقروا الفاتحه وقرروا بعد يومين عقد السيد
ورقيه سمعت هلهوله البيت سدت الباب وسدت اذنهة وادموعهة تنزل

************

ودعت زهره البنات وام فهد الشيخه فضه وصارت بينهم دموع
اما فهد فالدنيا كلها ضاقت بعيونه وهو يشوفهة تطلع
كدامه ويسلمه السعد
الشيخ وادي بعد ماباسته من ايده زهره ودعته
بويه لا تودعينه هذا الوداع يصير للي بعد مانشوفهم
والشيخ سعد وعدني انوا كل اسبوع يجيبج للبنات
ويوديج الهلج تزوريهم موشش ياسعيد
سعد
اي صحيح شيخنه وانه اتشكرك مره ثانيه
صعدت وعيونه وهي تدخل للسياره صدت بفهد وتخوزر بيه وعلى وجهة ابتسامه خبث وهو
مثل الطفل الماتت امه
حست بشعور غريب تجاهة ليش كلبه يدك كلما
تصد عينه بعينه ليش تشعر بلامان من يكون يمهة السعاده والضحكه رجعتلهة من جانت يمه
يصيررر لا كذب زهره هذا ميصير تفكرين بي
انتي على ذمه رجال وحرام غمضت عينه مرتين وهي تباوعله
سعد التفت المصدر نظرته صار شك عنده
انو سالفتهم مو هينه
وبعد نصف ساعه دخلت زهره البيته
ورجعت روحه انقبضت وحست بخنكه
استقبلتهة فطم
لا هله ولا مرحبه جيتي مووكلت درب السد مارد
سكينه
هله بيج زهره اتصدكين اشتاكيتلج وحضنتهة
مرت كاظم
عوجت حلكهة
وي لا هله هم رجعنه
ام سعد
تعال سعيد اريدك
سعد
اي يمه جايج
طب وسد الباب وراه
اما زهره صعدت الغرفته لكته مكلوب كلاب
فتحت الكنتور
ملكت ملابسهة
سمعت الباب انفتح بقوه
فطم
وعيونه الشيطانيه يكشر بانياب حاده وضحكه خبيثه
لا حبيبه هاي بعد مو غرفتج انتي اتحولتي الغير غرفه
طب سعد
وشافهة وهي مابين الحايره وبين الكارهة الوضع كله
سعد
تعالي اراويج غرفتج
**********
قصه لذكرى المندلاوي