#حياة_امرأه
#بقلمي شمعة امل
#الجزء الثامن
......في هذا الجزء ...احتمال اكو كلام مراح يروق للبعض
ولكن هذا واقع الحال ....والقصه مابيهه اي تحريف
........
حياة ......خلصت الحرب
وكأنه خلص عمرنه وياها
ورجعوا اخوتي من العسكريه وفرحنه بيهم
خو اخويه كاظم الناس هلكد مافرحانه برجعته سووله زفه وجابوا دفوف
وزفوه من بيته لبيت اهلي والنسوان تهلهل وتطش جكليت بالشارع
والله من شفنه المنظر دموعنه كامت تنزل من فرحتنه برجعته
وابويه ذبح طليان وسوه عشه للناس والجوارين
فرحتي برجعت اخوتي نستني غياب صلاح هاي السنوات كلهه
وفوضت امري لله
بعد ثلاث أيام ابويه كال اعزم كرايبنه
واخوتي واخواتي كلهم وخالاتي وعمامي وعمتي
ونسوي لمه بمناسبه انتهاء الحرب وكلنه يارب فاتحة خير
على الكل
اني واخواتي من الليل بايتين يم اهلي
الصبح بدينه كلنه نشتغل ونطبخ ونعزل
واني كلفتني عواطف أثرم البصل بمكانهه بين متروح تكطع اللحم وتخليه على النار
وبقيت أثرم بالبصل وبعد كل مااباوع اشو هذا البصل الي يمي ديزود مديقل
وعيوني راحت أثرم وبعد
انكسر ظهري من التعب كلنه نسوي برياني ودولمه
وتمن وقيمه
القيمه اخويه كاظم كال اني اطبخهه
لان هو القيمه الي يسويهه مينشبع منهه
هو من عمره 12 سنه يطبخ تمن وقيمه بمحرم ويوزعون أكثر شي للناس الفقراء أو يودون اكل للبيوت الي بيهه ايتام
ومرات الناس إلي عدهم مناسبه والي عدهم طبخ ويردون يوزعون للعالم يجون عليه
يكلون اكله طيب وبيه بركه
نرجع للطبخ
اخواتي وامي ياخذون من البصل المثروم ويستعملوه
واني مستمره اثرم الباقي
تالي صدك تعبت شوكت يخلص البصل
باوعت ورايه واشوف اثاري عواطف شمسويه
جايبه نص كونية البصل دايرته بنجانه كبيره وحاطتهه يمي
و موصيه بتهه كل مااخذ وحده من النجانه تخلي بمكانهه وحده لو اثنيه
حياة ....ولج ايناس هاي ليش هيج اتسوين
إيناس ......خاله امي وصتني وكالتلي اساعدج
وكل متاخذين بصلايه احطلج بمكانهه وحده لو ثنين
حياة ....ولج صدك تحجين
واني صارلي ساعتين اثرم وحتى عيوني راحت وهيه وين هسه
إيناس ....خاله جانت كاعده بالحديقه كالت اريد اشتم هوه وره ماخسلت الطرمه
حياة .....ولج ياهوه هذا ....
اليوم إلا اكطع عليهه الهوه
حياة ......ولج عواااااططططفففف
....عوااااططططفففف .....
ام كاظم .....ووجع هاي ليش هيج تصيحين
حياة .....يمه وينهه بنتج انكسر ظهري كالتلي أثرم بصل بمكانهه وهيه شويه وتجي
اثاري هيه حاطه نص كونية البصل كلهه يمي وموصيه بتهه تناوشني كل مااثرم
ام كاظم ...ولج شسوي بنص كونيه البصل شدعوه
يازوج هاي هيج اختج ضحكت عليج
بتول .....ههههههه هاي لعد ضحكت عليج
اصلا من زمان خلصنه طبخ وهذا الباقي كله منريده
حياة .....ولكم صدك تحجون
اليوم اذا مااخليهه تسبح بهذا البصل كله
....ولج عواطف ......
واجه كاظم على حسي هو سمع بالسالفه خرب من الضحك
وسجاد همين
واني من حركتي بقيت ادور عليهه
وهاي مدري وين اختفت
وكلهم ناصبين عليه
