Part 3
Lyana nyabak naka pemendar dalam bilik .Lebuh iya ka bisi ngetu nyabak dia iya ninga pintu bilik nya ditukangka urang ari luar .Lyana enda berani malik iya mina tunduk ngendas ai mata iya ti meruan labuh ngeratan nasib diri .
"Tu indu nya mumy " pia ko nyawa laki dinga iya .Lyana tekala nya malik ngarap ka Irec mai iya pulai .
"Angkat sereta bediri nuan " ko indu ti dikangau ka sida iya mumy nya ngasuh Lyana angkat .Lyana mina nurut aja takut dipediska sida iya .Jera udah dijamah Irec tadi. Udah Lyana bediri dia Mumy nya ngelilik pendiau enggau gamal Lyana katas ka baruh udah nya iya bejaku baru .
"Tu baru iya .." ko Mumy nya bejaku lalu ketawa besai munyi ketawa urang kena tiket kuda .
"Kangau ka Lisa Ben" pia ko Mumy nya meri jaku gerah ngagai Ben .Pendiau laki ka benama Ben nya cukup ngenakut ka Lyana ukai mina tubuh iya besai gamal iya mega ngena endang sigi ngakun gamal bayat .Pantang iya abis tubuh nyau kenarau aja belah tubuh amat amat ngakun pendiau bayat .Bakanya meh utai ti dipeda Lyana lebuh iya berati laki nya .
"Bajik gamal nuan tu dara .Aku gerinti nuan tu meh ngasuh dagang aku maju ...pemurak tubuh umbas iya peninggi pen umbas iya sigi ngena nuan dianjung urang kitu laban dagang aku diatu pen nyau merusut ketegal nadai indu badas tubuh baka nuan ." pia ko Mumy nya murus buk iya .Lyana enda memunyi ati iya begigit ngenat ka pengabar diri .
"Anang nuan irau umang badu nuan tusah ati pama udah ensepi pengawa ditu ..tinduk nuan belapis ka duit ..pemakai seada ada ..gari peneka ngena TANG ingat nuan enda tau ngelari ka diri ari endur tu .Enti nuan nguji deka lari nuan ku perinsa sekali ngambi ka nuan nemu bakani pedis ditemu aku pansut ari endur tu ." ko Mumy nya meri jaku tangkan ngagai Lyana .
Ati enggau mua Lyana enda bulih sejeput ditambahka begirau anak dalam iya ninga jaku Mumy nya .Udah Mumy nha bejaku dia Ben datai mai siku indu Lyana belaba ka indu nya Lisa .Gamal bajik ngena makeup tiga inchi ...baju endat ayan pusat sereta ngena skirt tuntun pah .Indu iya tuchum merening Lyana .
"Aku deka nuan ngajar iya nganta sereta madah ka iya batang pengawa iya ba ditu .Ajar iya ngena gari ka badas agi .Aku ka meda iya begari dulu malam tu ." pia ko Mumy nya mekat jaku ba Lisa .
"
Mumy anang irau .Ukai nya baru ngereja pengawa tu aku " ko Lisa ngaut Mumy nya .
"Anang sampai iya lari !Ben aku ka nuan nyaga ba luar ditu .Lisa aku ka iya rest cukup seminggu tu .Ajar iya nama utai patut aku ka kita nunggah iya laban iya lebih agi special ari kita ." Lisa lalu ngaga mua enda puas ati mata iya kuring nyeling Lyana .
"Ok mumy " ko Lisa nyaut tanda iya mesti nitih ka jaku mumy nya .
#sambung #vote mayuh mayuh ok
YOU ARE READING
Gun N Roses
General FictionLyana Siku indu anak patu balu ti ditinggal ka apai seduai indai iya maya seduai parai ba penusah jalai alun maya umur Lyana 15 taun. Pengudah apai enggau indai iya parai Lyna diibun menyadi indai iya .Ibuk iya nya bisi anak dua iku nyadi iya ka lak...
