عاشق من بني النعمان

البارت السادس عشر

💙مسائكم رحمه💙 التفاعل حبايب أهم شي تعليقاتكم وآرائكم

...نازك الحمراني...

#عاشق_من_بني_النعمان

البارت السادس عشر
.....
مرته الأيام و الظل الاسود يجيني..
اقرأء المعوذات يختفي..
أسولف العمي ابو ادهم..والزوجته رسميه ميصدكون
حتى أدهم ميصدك..
بس بيوم انضرب خشمه حسيت بيه دي صدكني..
ادهم من يروح للشغل أنزل يم رسميه وعمي..
برغم طلباتهم والتعب..
اهون من الرعب الي اشوفه...
بيومها نظفت البيت كله لأن عمي خبرني
رح يجون خوانه من كركوك....
انظف واحاول مااتذكر الي شفته..
لأن احس تعبت ادهم معاي..
امي مجرد بلتلفون تسأل..
والدي صحته بنازل...
عماد برغم يستحي بس ميفوت يوم أله ويتصل
لو من الباب يسلم ويجيب حلويات اليه..
انظف وافكر بلي يصير ولي شفته..
ماممكن عقل يصدك...
وحتى اني ماصدكته....
كملت تنظيف البيت والطارمه الي تكسر الظهر..
جاي ادخل ارتاح...
واشوف عمي فتح الماطور وبيده الصونده يرشرش الطرمه وهو واكف
-يله نهاد نظفي زين ماعجبني تنظيفج...
اخواني خو مايجون ويشوفون هيچ البیت
تفاجأت من كلامه وفوكها كامش الصونده يرشرش..
ابداخلي شي يغلي..مكدرت اجاوبه اله بكلمه

-صار عمي تدلل ...ذن الكلمتين هي طريقتي وياهم
مابين الهم اني متململه...
لأن وضعي هنا أرحم من وضعي بيت أهلي
كملت وهو يطلعلي شغل بلحديقه"مره بلكراج..
واكف ميمل من طلباته..

دخلت للمطبخ اشرب مي هلكانه..
حسيت شي خطف مني..
كعدت على كرسي ميز الطعام اسوي زلاطه
والخوف احاول اتقبله....
وانسى انو خيالات تتخطفني...لأن عمتي رسميه دائما
تستهزاء"وتضحك..اجتي كعدت يمي وتسأل بستهزاء

-اي نهاد اشفتي غير الجن "والقزام
-عمه والله مجاي أكذب دا احچي الصدك
-لچ‌شصدك من كل عقلچ صارنا اثمن سنوات بلبیت
ماسمعنا صوت ولا شفنا شي..

-مااعرف عمه زين ليش ادهم من انجرح بخشمه عرفت
لان هو الجني اجاني بهيئة أدهم ونضرب بخشمه
بعد صار نفس الموقف شيسمى هذا

-يسمو صدفه يابنتي أو احساس ابأدهم كد متحبي
لا تفكرين زايد صاح عمي عليها كامت...
بقيت اوحدي اركب الغداء...
دخل أدهم واني منصيه راسي خجلانه منه..
لأن تعب وهو يبرر الاهله عليه
اقترب وهو يبوس خدي.

-شخبار الحلو انشاء الله مرتاحه

-الحمدالله حبيبي...غير ملابسك لحتى أحضر الغدا
كالها وهو يغمز
-والحمام حبيبي

-مجهزته هو والملابس.....حك راسه وهو يضحكني

-مااندل الحمام وين..