السلام عليكم حبايب حنزل الكم قصه طبعا القصه حقيقيه
#يسر
البارت الاول
مروة محمد
القصه حقيقيه مجرد غيرت بالاسماء ...
اعرفكم على نفسي اني اسمي زياد مواليد 80 من محافظه---- ابوي شيخ عشيرة معروفه ابوي معروف ميحب المشاكل شخصيته قويه كلش حالتنه الماديه كلششش زينه والحمدالله مواصفاتي طويل ابيض شعري اسود حلوو هو يكلولي حلوو ملامحي حلوة (ماكو مبالغه بمواصفات البطل )
اني متدين كلش واخاف الله من جنت بالاعداديه حبيت وحده جيرانه بس اتزوجت وراحت الله يوفقها المهم من داومت كليه طبعا اني طالب بكليه الهندسه
عندي5 اخوان اني الرابع بأخواني واخوات 2
2 اخواني الي اكبر مني متزوجين يعني السرة وصل الي بالزواج اخواتي وحده متزوجه الثانيه مامتزوجه فديوم اجانه خطار من اقاربنه من بعيد اني جنت اشوفه من يجي اني اعرف الشخص من عيونه فعرفته هذا مو خالي عده شي
وشك بمحله عرفته هذا طامع بينه والوالد الله يحفظه جان دائما يحجي بيه يعني يدورلي مرة علمود يزوجني اني مجنت اريد اتزوج بس هو ميقبل المهم ضل هذا الي من اقاربنه دائما يجي ويتودد لابويه بحجه السلام لو اشوفكم ومن هالحجي بعدين عرفت شيريد من عدنه من سمع باابوي يدورلي مرة قرر يزوج بنته الي صارت والله اجيت فديوم للبيت من الدوام لكيت ابوي كاعد
رحتله
زياد .خير بويه كالو رايدني
الاب .والله اليوم خطبتلك مرة
زياد .شنوووو بويه موكتلك مااريد اتزوج ليش هيج تحطني تحت الامر الواقع
الاب .هاي بعد خطبتلك ماكو مجال للنقاش وليش متريد تتزوج
زياد. مااريد وهاي هي
الاب .اتفقت ويا ابو البنيه بعد شهر العرس
زياد .شنووو شعدنه طايرين بالسرعة زين منوو البنيه بتمن
الاب .بت ابو رياض
زياد .ها كول هيج بت هذا الي كل يوميه جاي عليه طلعت جياته موللله يعني علمود هذا الشي
الاب .لاتحجي على الرجال هيج عيببب ماربيتك
هيج شفتها البنيه حلوة أخلاق تفيدك والله
زياد/ شوكت لحكت تشوفها شوكت رحت لواسط
الاب . ماكو نقاش بالموضوع بعد يومين العقد رضيت مارضيت وطلع
الام .يمه اقبل تدري باابوك ميتنازل عن كلامه عيب يطلع كدام ابو جابر مو كد كلمته
زياد .بله شحاجي هسه ها
الام .الله يهنيك انت ويسر
زياد .يسر منو
الام .العروس
زياد .بله شكد عمرها طالبه لا
الام .حسب مسمعت من كلام ابوك اسمها يسر عمرها 18 سنه اتداوم طالبه سادس
زياد .خوش والله اني 21 وهي 18 شلون نتفاهم
الام .الله كريم من لحد متتزوجون
عقدنا وشفت البنيه حلوة وهاي طويله رشيقه
كعدت اسولف وياها طلبت
تكمل مدرسه قبلت اتي سئلتهااريد اشوفها قابله لا طلعت هم مثلي مقابله ابوها جابرها تتزوج وهم متريدني يعني احنه واحد ميريد الثاني هيج راح نتزوج مجرد إرضاء لأهلنا مر الشهر واني بس مرة وحده شفتها لا طلعنا سوة ولاهاي مر الشهر يركض ركض بين دوام وهاي اتزوجنا سويه هيج ماكو فرحه لا اني ولا هي بسبب ابوها واني ابوي جبرني شلون را انعيش ماادري
*مراح اتعمق بحياه البطله *
يسر .اني يسر مواليد 83 من محافظه واسط طالبه سادس ادبي ابويه بطلني عندي 3 اخوات متزوجات بمحافظات بعيدة عنه كل شهر يلا يجن
عندي اخ واحد متزوج كاعد ويانا بالبيت اني حلوة ومتحدثه لبقه بكلامي امي تكلي انتي طلعتي على بيبيتج لسانها حلوو يعني تأخذ المقابل بلسانها علاقتي بابوي رسميه بس ماما قريبه مني فديوم بابا راح خطار لواحد من اقاربنه بعدين يلا عرفت هو شيخ عشيرة من راح بابا ورجع ضل بس يحجي بيه شكال الشيخ وشحجى الشيخ احنه نعرف بابوي يهتم بس بالفلوس فعرفته ماما علمود هذا الشي كام كل فترة يروح اله وهيج سوه وهيج كال لحد مايوم اجه كال الشيخ طلب يسر لابنه زياد واني وافقت وين تلكه احسن منه كافي عليه ابن شيخ ومؤدب بعد شنريد أكثر وطالب .
الأم. شنوو بس خطيه توديها منا لهناك بعيدة علينه وبعدها صغيرة
الاب .شنوو بعيدة هذني خواتها اشو كل وحده بجهة شنو هي وحد
الام .لا موحد بس هي صغيرة بعدها وتريد تكمل مدرسه
الاب . مو صغيرة 18 سنه هاي هي الهاي هي المرة مالها غير بيتها ورجلها
الام .خطيه تعبت ودرست وتاليها تبطل .
الاب .غصبن ماعليها مو بكيفها
الام .اني اكلك مترضى
الاب . اكسر ركبتها كسر غير
الام .شنو هي حيوان وتكسر ركبتها
الاب .اسكتي وكومي صيحيها
الام .رايحه رحت صحتها اجتي وياي
الاب تدرين ليش صحتج
يسر .لاماادري
الاب .الشيخ خطبج مني واني وافقت
يسر .شنووو ياشيخ هذا
الاب .الشيخ أبو أحمد خطبج لابنه زياد
وبعد يومين تعقدون
يسر .بس بس
الاب .لا بس ولاهاي
يسر.. زين والمدرسة شلون
الاب .هاي انتي وزياد تتفاهمون قبل بكيفه ماقبل تكعدين وتسكتين
يسر .زين شمدري الشيخ أنت عندك بنيه مامتزوجه
مدري شلون اجتني الجراءة وكتله هيج
الاب .جاي تحاسبيني جانبج امشي ولي مني
يسر .طلعت منه رحت لغرفتي طبعا عرفت هو الي كايل للشيخ عليه يريد بس يخلص مني
يتبع
