احببت خاطفي

البارت 1

اسمي اريج عمري 18 سنه واني وحيدة اهلي ومدلله ادرس خامس علمي مدرسه خاصه اكيد ..مواصفاتي شعري اشقر طويل جسمي طويل لاضعيف ولا سمين وكل اليشوفني يگولي چنچ لعابه
بابا مسؤول بالدوله وأله شعبيته

اريج:صباح الخير شلونك حبيبي باباتي وبسته ماما بالمطبخ گالت اي ليش لا اتعب واربي والدلال يروح كله لأحمد(بابا اسمه احمد)
ركضت عالمطبخ وحضنت ماما
اريج: لج فديتج نونايتي اكو احد يگدر يستغني عنج
نور: يمه يمه الله يخلصني من السانج امه داعيه عليه

اريج:منو هذا بله الامه داعيه عليه😏

نور:اللي حياخذچ

اريج: هو وينه بس هل يجي اچلب بي بسنيناتي ههههه

نور: لچ شگد متستحين انتي بمل صلافه تحچيها گدامي

اريج: اي سنة الحياة هاي كلنه حنعرس😂

نور: الله يخلصني منج هههه

تريگنه وطلعت عالمدرسه كالعاده ووياي الحمايه اووف مامخليني ماخذه راحتي ابد
وصلت للمدرسه لگيت صديقتي سندس منتضرتني يم باب المدرسه

اريج: صباحو ياحلوه

سندس:اشرقت وانورت ليش هالتأخير بله

اريج: تعرفين لازم الصبح اتغازل بعصافير الحب العندي😂 فأكيد اتأخر

سندس: ديله عيني كاظم الساهر حنتأخر عالدرس

اريج: اصلا اني اكتب اشعار لكاظم بس ماريد اكشف هويتي تعرفين اخاف من عيون الناس ماترحم

سندس: اي اي گلتيلي

دخلنه للدرس وخلص اليوم قبل مانطلع گلت لسندس

اريج: اگلج سندوسايتي حبيباتي رويحاتي گليباتي

سندس: ديله بلا صبغ گولي من الاخير شرايده

اريج: اريد اطلع افتر اشم هوى بس بدون الحمايه لان مااخذ راحتي وهم 24 ساعه واگفين عله راسي

سندس: وهاي شلون حتدبر

اريج: سهله اني رح ابقه بالمدرسه وانتي اطلعي بس يشوفونج الحمايه يسألوج عليه گليلهم طلعت اجه ابوها عليها وطلعها ومن يرحون رمشيلي واطلع

سندس: يمه منچ تفكيرچ تفكير صهيوني الله اليستر..اوك رايحه انفذ العمليه هههه
طلعت شفت الحمايه سألوني گتلهم طلعت اريج قبل نص ساعه اجه ابوها عليها وطلعها

الحمايه: اشو محد بلغنه

سندس: ماادري يجوز ملحگ او نسه يبلغكم

الحمايه: لحظه هسه اتصل عله السيد

سندس: اني من گال رح اتصل عله ابوها بده گلبي يدگ خفت لاتنكشف خطتنه
الحمدلله طلع مشغول ومفتح الخط

راحو الحمايه طلعت تليفوني رمشت عله اريج طلعت اريج تركض ممصدگه

اريج: واخيرا تحررت اليوم رح اتونس من صدك براحتي