ذروة عشق

بارت19+18

مساء الخير عليجن حبيباتي 💜
رجعت انشر القصه اسفه ع الانقطاع
وان شاء الله اكدر اعوضجن بعدد البارتات
شكد مااكدر اكتب وانزل

ذروة عشق
البارت18
الكاتبة تبارك حسن

الضغط صاعد ع عيونج
شويه وصيرين
زينه لتخافين مابيج شي
كام يرجعلي تركيز
شويه شويه
وجهي يوجعني
اباوع الاديه
بيهه اثر دم
ذكرت زينب كمت
ابجي
لا بنتي ميصير
هيج سكتي
لتبجين هذا قدر
ربج لزم صيرين قويه
وموزين
عليج البجي يتعب
عيونج
كافي
سكتت
كال البقيه بحياتج
كل هذا الحجي واني
ساكته محجيت كلمه
تعبانه روحي
منتهيه جسمي
راسي يوجعني اثر
الابر بااصابيعي
كلشي بيه يون
كملت الفحوصات ورجعت
للبيت الوضع نفسه رحت تمددت
اريد اريح راسي من الوجع
استمر البجي بيتنه وحالتنه مدهوره
نمت من تعب بليل حسيت
ع ابويه فات للغرفه
دموعي نزلت وغمضت عيوني
وبقيت هادئه بمكاني ماتحركت ابد
تقرب يمي  وخله اصبعه ع عيوني
ومسح دموعي وحضني
لتبجين حبيبتي كافي هذا حد يومهه
حضنته بقوه وبجيت اكثر
وهوه يسكت بيه
حسيت باامان روحي ارتاحت
كل حزن بيهه راح
حسيت الدنيا بعدهه بخير
وصرت احجي بكلبي
ربي لايحرمني منك والله اني بدونكم
اضيع مااسوه شي
مااكدر اطلع صوت لئن صوتي
اختفه من صياح والبجي
هديت بحضنه
ومرت الفاتحه وخلصت
وحياتنه كأبه وحزن
وتمرضت بزايد
نسليت سل ابويه وامي يركضون
بيه لدكاتره محد وكع
ع عله كل دكتور يحجي شكل
كلساع رأي ماثبتو ع كلام
واحد ساعه قرحه
لو تيفوئيد
لوو حمى مالطا لوو فقر دم حاد
كل دكتور يحجي شكل
وصرت مدمنه ع علاج
بسبب معدتي 
واخر شي رحت دكتور
كالوو نفسيتهه تعبانه وتأثر
ع قلب والقالون العصبي رحنه سوينه
تخطيط للقلب كالو دكات غير
منتظمه وخفقان هوواي شغلات
بقيت ع ادويه حدماا صرت زينه
وكدرت استعيد نفسيتي
واجه وقت امتحاناتي الي اجلتهن
بوفاه زينب ورحت
امتحن كاعده بلصف والشباك
صف يطل ع الشقه
زينب لئن قريبه ع مدرسه
كاعده واباوع والدموع بعيني
واذكر ايامنه وشلون من ننزل من درج
نشاقه ونضحك ومن ضليت يمهه
هوواي شغلات مرت ع بالي ودموعي
تنزل صعبه هاي اختي بلمح البصر
تروح من ادينه
المدرسات عرفن بحالتي
واسني ويصبرن بيه ولزم اكون
قويه واوكف وياا اهلي
ولزم انسى وعيش واصير زينه
علمود ابويه وامي
مسحت دموعي وكملت امتحاني
وطلعت ركزت
ع ذن المادتين وثاني يوم
هم نفس شي امتحنت
ونزلت اجتني صديقه اعرفهه بس
شويه بعيده عليه
انطتهه بوجهي لارين
صدك اختج حركت نفسهه
باوعت بوجهه وعيوني نترست دمع
منوو كلج هذا الحجي
سمعت
ماكو هيج حجي
موت مفاجئ عفتهه ورحت
وصارن البنات يوكفن
بيه ويحجن اشكال ساعه
حاركه نفسهه او مسممه نفسهه
هوواي سمعت كلام
انهاريت وكمت اصيح موت مفاجئ
لحد يسأل بعد
وعفتهن ورجعت للبيت
مر الوقت وامي تعبت اكثر
ونفسيتي تتعب وياهه
هواي اتأثر بيهم
تعبت اكثر
اخذوهه لدكتور كالوو
عدهه ذبحه قلبيه وطوله
من 4 الى 5
خفنه عليهه واخذت علاج
والدكتور كلهه لزم تمشين حتى
يلتئم الجرح 
مرات بليل اتبعهه اشوفهه
تطلع بره تكعد بلحوش وتبجي
واني اسمعلهه يمه زينب فراكج جرح كلبي
يمه اذا تحبيني تعالي اخذيني لتعوفيني
هيج يمه مااصبر ع فراكج
وامي بقت ع حالي الحاله هملت نفسهه
وهملت البيت ومالهه خلك
وابويه صار يطلع يشتغل لحد الليل
ولبس اسود ع زينب مانزعه ابد وعمي رجعت
مضايقتهم ورجعت السالفه البيت
واجه اربعين زينب
وابويه اجر سياره واخذ
كرابتنه حتى من بعيد وعمي الوسطاني
اجه وطلعنه لنجف
اباوع ع ابويه لحيته وشعره ابيض
واكف يم باب السياره رغم
اكوو مكان ميقبل يكعد وعيونه
مليانه دموع 
وصلنه لنجف ورحنه كبل
للامام علي ع زرنه وامي دعت يم الامام
علي زينب امانه يمك
 وطلعنه للقبور وصلنه يم قبر زينب
وامي شمرت نفسهه ع قبر زينب وبجي وصراخ
وعويل والكل يبجي ويصرخ
واليحجي ويا زينب انتهينه ورجعنه
للبيت انشوف مكتوب
ع حايط الدار للبيع ماحجه شي
تعبان كلبه عرفنه عمي الجبير  الي كاتب
ابويه عاتبه بس شيفيد
ابويه باشر بلبيت وكمل نصه
ومابقاله شي
وصل لسقف
وطلعت تحاليل زينب
وره 3 اشهر طلعت من بغداد
طلع عدهه سكته قلبيه مفاجئه
ونزف بالابهر ونزف بلوريد الرئيسي
وارتفاع بضغط الدم
ورجع عزه زينب للبيت مره ثانيه
وامي تبجي وصيح من قهرهم صار هيج
بنتي من بره رجلهه
واخذت ايام تبجي
واستلمت نتيجه وطلعت ناجحه
بس مابيهه فرحه
ورحت سادس وبده دوامي
مادخلت دورات تقويه لئن اعرف
وضع ابويه وحالتنه الماديه
وابويه كال خلي ادخلج مقبلت
كتله كلشي مابيهه مدرساتي
احسن من الخصوصي
 واقتنع وبقيت ادرس بس
نفسيه كلش تعبانه
وخالاتي اجني كالن نزعن
الاسود وكامن يحجن عليه لئن
مريضه وحالتي تدهور
رحت لسيد معروف
بالحاح من اهلي كلوله بنتك
لتموت حالتهه موشي
ورحت وياهم لمنطقه بعيده علينه
السيد كال اثر هبطه وخوفه
ونفسيتهه تعبانه انطانه حجاب
ولبسته صرت زينه عليه
والتهيت بدراسه ومرات اقره
قران واهدي الزينب
وصلوات واستغفارات
وابويه واهلي مقصروو وياي ابد محسسيني
طفله موجبيره