عند نور*
طلعت لبيتي بدلت وهدرت مع عصام قتلو يجي ضروري واصلا كان معصب مني حيت مخليتش البوليس يشدو حسن ساليت الهدرة معاه مشيت جلست حدا تصويرة ماما لي فالحيط وبديت كنبكي ايكونو كيعدبوها مي كنحمد الله حيت مزال حية وخا خاصني نتاكد وانا رسمت فبالي خطة نعست وانا كندعي ربي يلاقيني مع ماما.... فقت كان ديك الساعة 10 دالصباح بقيت غير فبيتي حتى وصل عصام جلسنا تغدينا وخا كنت متوترة من الشوفات لي كيدير فيا جاد مي مهتميتش دبا راسي مشغول ولي زاد شغلو انهم ب4 فالمخابرات وانا مكنتش عارفة الحمد لله مشافونيش البارح... سالينا وخرجت انا وعصام ركبت معاه وزدنا
عصام: علاش هربتي حسن واش تسطيتي
انا: لا انا غيرت الخطة
عصام: شوفي مغاديش نخليك تزيدي تعمقي ف...
انا: ماما حية
عصام: (شد واحد الفران حتى كنت غادي نضرب وجهي مع الطموبيل) كيفااااش
انا: هئ هئ هوما خاطفينها وباينة كيعدبوها
عصام: (عنقني) متأكدة
انا: سمعتو كيهدر عليها مي مزال خاصني نتاكد
عصام: ششش انا معاك ومغاديش نخليك ياله فاش نقدر نعاونك
انا: خاصني شي طريقة باش نخرج من الدار
عصام: علاش
انا: ولاد عمي ب4 خدامين فالمخابرات
عصام: كيفااااش وكيدرتي عرفتي
انا: هوما لي جاو البارح باش يلقيو القبض على حسن
عصام: شافووك
انا: لا انا اصلا كنت طالقة شعري ودايرة النضاضر هربت قبل مايوصلوني
عصام: الحمد لله مي كيغادي ديري تخرجي من الدار
انا: خليني نفكر ديني دبا للبحر
عصام: واخة اميرتي... مشينا جلسنا فالرملة تكيت على كتفو بقينا ساكتين كنفكر فالطريقة باش نخرج من الدار
انا: لقيتهااا
عصام: (تقاد فالجلسة) شناهيا
انا: غادي تعرض الزواج عليا قدامهم وانا غادي نتعصب ونغوت ديك الساعات نتا يطلعليك الدم وتمشي بحالك وحتى انا غنمشي بحالي وغنهدر مع بابا نقولو نسافر باش نرتاح واكيد غادي يقبل
عصام: ههههه ياك المك وانا نتشوه
انا: عفاااك
عصام: هههه صافي واخة بلا متغبني عليا
انا: (عنقتو) الله يخليك ليا
عصام: ويخليك ليا ياله نوضي نمشيو ندورو شوية
انا: اوكي.. مشينا كنتساراو حاول يضحكني ويفوج عليا رجعنا للدار مع ديك 9 دخلنا لقينا كلشي كاين وجاد خنزر فيا انا مبقيتش كنديها فيه من واحد النهار قالي المعقدة معاودت سوقتلو مشينا جلسنا
بابا: فين تعطلتو ابنتي
انا: غير جلسنا كنهدرو ونسينا راسنا سمحلي
بابا: (مبتسم) مكاين مشكل ابنتي المهم عندي تكوني بخير
انا: (مبتسمة) بخير الحمد لله وانا فرحانة بزاف ابابا
بابا: عصام الله يرضي عليك اولدي ويفرحك كيفما كتفرحلي بنتي
عصام: (دور يدو على خصري) وعلاش انا هنا غير باش نفرح اميرتي
انا: هههه الله يخليك ليا
عصام: امين ويخليك ليا
انا: اميين.. شفت فالدراري والبنات لقيتهم غير كيشوفو ومصدومين
بابا: ياله نوضو تعشاو... تعشينا وخرجنا جلسنا فالجردة كنحس بواحد الفرحة منين عرفت بلي ماما تقدر تكون مزال عايشة
مروى: كتبانو كوبل واعر
انا: اينا كوبل كتهدري عليه
مروى: نتي وعصام
انا: هههه نو حنا غير اصدقاء.. شفت عصام بانلي جمع الضحكة وداير فيها مقلق جابلي الضحكة حيت بغينا نبينوليهم بلي انا كنعجبو هما بقاو كيشوفو فيه
عصام: تصبحو على خير
انا: (حابسة الضحكة) بونوي.. مشا وهما يدورو كيشوفو فيا.. مالكم
صفاء: باينة اصاحبتي كيبغيك تلقاه تقلق
انا: نو غير جابليكم الله
جاد: شفتك فرحانة وغير كضحكي مموالفاش ليك
انا: (ولد الحرام كيخلعني) ايلا ضحكت مشكلة مضحكتش مشكلة ماعرفت مندير
حمزة: هههه نو غير ضحكي كتجي فنة حسن من التغوبيشة
انا: ههههه ميرسي العقبا ليك اجاد حتى نتا ضحك
الكل: ههههههههه.. شفت جاد خنزر وناض مشا
مروى: شفتك هاد النهار كتجري علينا واحد بواحد
انا: هههه راه هوما لي كيتقلقو بالزربة.. وهانا نايضة الالة نعس راني عييت
الكل: اوكي بونوي.. طلعت البيت دخلت سديت الباب وانا غادا حتى تجبدت من كرشي وفمي مسدود
#يتبع
