فهد: نخرجو فالليل
انا: خلي حتى الغدا حسن
فهد: اوكي على خاطرك... مشا فهد بحالو وانا نضت جمعت الطبلة شوية تحل الباب وهو يدخل جاد مخنزر
جاد: اش كان كيدير داك خينة هنا😠
انا: مالك داخل بعجاجتك
جاد: (كيحاول يتهدن) علاش كتعاملي معايا هكا
انا: جاد انا باغا نرتاح مافيا لي يهضر
جاد: (عنقها) انا عرفت بلي ماماك حية
انا(غير تفكرات ماماها و دمعو عينيها): هئ هئ😢😢
جاد: ششش عفاك متبكيش احياتي غادي ندير جهدي باش نعاونك
انا: توحشتها بزاف اجاد😔😔
جاد: (هزها ولوات عليه رجليها) عارف احبيبتي كنواعدك غادي ندير جهدي باش نلقاوها
انا:ان شاء الله
جاد: علاش مقلتيهاليش
انا: مبغيتش نصدعك
جاد: واش حمقة نتي راك حبيبتي... داها للبيت وجلس وجلسها فوق رجليه.. توحشتك
انا: حتى انا توحشتك😢😢
جاد: (كيمسح دموعها) وعلاش كتبكي دبا
انا؛ بقا فيا الحال فاش مشيتي عند ريم
جاد؛ سمحيلي احياتي هادي اخر مرة نقلقك فيها
انا: (حشيت وجهي فعنقو) بقا معايا ديما انا بلا بيك والو
جاد: (زير عليها) كنواعدك احبيبتي.. وقفها قدامو.. انا عارضك اليوم فالليل بغيتك تلبسي شي كسيوة زوييونة
انا: هههه علاش
جاد: بغيت نتعشا مع حبيبتي كاين شي مانع
انا: (😍😍) واخة احياتي
جاد: ياله انا غنمشي دبا نتلقاو فالليل
انا: اوكي... باسني وهو يمشي.. جلست كنتفرج حتى وصلات 3 وانا نوض وجدت الغدا كليت وجمعت الدار عاد دخلت دوشت وخرجت قاديت شعري بوكلي.. حليت الماريو نقلب على مانلبس وانا نسمع الصونيت مشيت حليت وانا نلقا واحد الشاب
انا: سلام شكون نتا
الشاب: وعليكم السلام.. مدلي بواطة كبيرة.. هادي صيفطهاليك سي جاد
انا: اوكي ميرسي...خديتها من عندو ودخلت حليتها وانا نلقا فستان بيض مع تاج من الورد حمقني.. دخلت لبيتي لبستو وبديت كنتسيلفا حتى عيطلي جاد وانا نزل
جاد: جيتي كتحمقي😍😍
انا: (تزنكت) شكرا حتى نتا جيتي زوين😍.. كان لابس دجين زرق مع قميجة فالبيض وحالها كيبان صدرو شوية مع ساعة داليد اما شعرو دايرلو جيل مطلعو الفوق.. ركبنا والطريق كاملة وهو شاد يدي
انا: حبيبي فين غاديين
جاد: (باس يدي) مفاجأة
انا: اوكي😇😇... بقينا غاديين حتى قربنا نخرجو من المدينة وهو يوقف قدام واحد الفيلا زويينة هبطنا بقيت كنشوف حتى عنقني من اللور
جاد: عجباتك
انا: زوينة بزاااف ديالمن هاد الفيلا
جاد: ديالنا
انا: هههه كيفاش ديالنا
جاد: (جرني من يدي) زيدي حتى لمن بعد وتعرفي... دخلنا للفيلا حمقاتني😍 وديكورها عصري بقينا غاديين حتى خرجنا للجردة وكان واحد الباب خرجنا منو وحنا نضربو فالبحر مي لي حمقني هو داكشي لي موجدلي حبيبي.. كانت جلسة رومانسية وصلنا قدامها وهو يعنقني
جاد: كيجاتك المفاجأة😌😌
انا: واعرة😢
جاد: هههه دبا علاش كدمعي.. صافي احبيبتي اجي نجلسو.... جبدلي الكرسي جلست وهو جلس قدامي شوية جا واحد كيحط العشا.. تعشينا وخلينا عينينا لي كتهضر كملنا ماكلتنا وهي تطلق واحد الاغنية وقفنا كنرقصو حتى لواحد شوية وهو ينزل على ركابيه انا تصدمت
جاد: (جبد بواطة حمرة وهو يحلها) حياتي وحبيبتي واميرتي نور تقبلي تزوجي بيا.. تقبلي تكوني ملكة قلبي... تقبلي تبدلي وسادتك بصدري مي نديرو النوبة مرة انا مرة نتي😂😍
انا: هههه اه اه قااااااااابلة😢😢😍😍😍
#يتبع
