جاد: ياله انا كنتسنا تعاوديلي
انا: (مديتلو تيليفون) هاك تفرج... خداه من عندي تفرج فالفيديو
جاد: كيفاش شنو كتبتي قبل ماتخرجي من الدار
انا: راك سمعتي واصلا هدا ماشي موضوعنا.. المهم هاد الرجال صيفطتهوم للقصر باش يحميو العائلة حيت البوص عارف عائلة ماما ونخاف يمشي عندهم
جاد: (تنهد) واخة وشنو غاديري نتي دبا
انا: والو الليل هدا غادي نعس هههه
جاد: راني كنهضر معاك دبا
انا: تال الغدا ونبان ليهم دبا بغيت ندوز هاد الليلة مع حبيبي.. جا يهضر وانا نقز عليه بستو هزني وطلعنا للبيت مارسنا الحب وخا كان قلبي مزير مي تناسيت وعشت مع حبيبي... صبح الصباح فقت وانا فاحضان حبيبي بديت كنتأملو وكنلعب فوجهو تنهدت وانا نوض دخلت دوشت وتوضيت خرجت صليت صلاتي ولبست حوايجي كلشي فالكحل شديت فردي صغير خبعتو فصدري.. وجدت راسي مزيان لهاد المهمة وكتبت رسالة لحبيبي بستو ففمو وانا نزل...
*في القصر*
دخلو الطموبيلات لي صيفطات نور كانت كتر من 10 دالطموبيلات خرجو مالين الدار مخلوعين وعلاش لا وهوما كيشوفو وحوش قدامهم والموت كتخرج من عينيهم تقدم الرئيس ديالهم وهو يمد ورقة لاب نور
بابا: (حل الورقة)..《باباتي حبيبي انا لي صيفط هاد الرجال باش يحميوكم راه لقيت ماما وقريب غادي تشوفها متخافش عليا انا بخير وقريبا غادي نتجمعو بتلاتة مرة اخرى.. قطع الورقة مزيان فاش تقراها》قطعها جا يلوحها وهو يحيدهالو المسؤول ودارهم فجيبو... بامكانكم ديرو خدمتكم
الشاف: (حادر راسو) علم وينفذ سيدي... مشا بدا كيفرق الرجال على gاع الجيهات لي دايرين بالقصر
ع. احمد: شنو واقع وشكون دوك الرجال
بابا: (هضر مع الخدامة) سيري ديري خدمتك.. حدرات راسها وزادت... (كيهضر بشوية) هادو صيفطاتهوم نور على قبل الحماية ديالنا كيفما كتعرفو هي دخلات لواحد العملية وخافت علينا وصافي
ع. يوسف: الله يعاونها
بابا: اميين... ناض لبيتو مشا للبالكون بدا كيشوف فالرجال وكيبتاسم مفتاخر ببنتو فين وصلات ومتشوق يشوف مرتو مرة اخرى
*عند جاد*
فاق كيتكسل ملقاش نور حداه دخل دوش ونزل كيقلب عليها ووالو.. طلع لبيتو معصب وهو يلمح ورقة محطوطة مشا هزها وبدا كيقرا《جااد وياك تعصب مني ياك انا حبيبتك.. المهم انا مشيت لعندهم وباش تعرف بلي انا قد كلمتي انا مشيت عندهم لديك الفيلا معليك نتا غير دوش وتفطر بشوية عليك من بعد تمشي للمركز وتجمع الناس لي غيجيو معاك وتجي عندي.. كنبغيك جاد😚》ناض بالخف هز سوارتو ونزل كسيرا حتى للمركز عيط لخوه و ولاد عمو ومعاهم جوج فرقات وهوما يتحركو غادي وكيدعي يوصل فالوقت قبل مايوقعليها شي حاجة... واخيرا وصل حاول يتكالما باش مايتهورش دارو خطة وكل فريق مشا لجهة....
*عند نور*
مشيت نيشان لعندهم مافيا لي يمثل ونبين راسي ضعيفة.. وصلت نزلت من السكوتر ودخلت للجردة كانو البوديكارد واقفين هزيت 2 فرادة كاتم الصوت ونزلت عليهم كاملين دقة وحدة وبالزربة مخليتش ليهم الوقت فين يهزو سلاحهم دخلت للدار لقيتو جالس هو وولدو....
يتبع
