مساء الخير
اسفه ع تأخير جنت طالعه
ذروة عشق
البارت 26
الكاتبة تبارك حسن
وخلال هاي الفتره
بنيه ويانه انعجبت بولد ويانه بالكروب
وحاولت تجذبه بكل طرق ومكدرت جانت دائما
تحجيلي انو هي تموت عليه
وهو ابد وحته رايحتله معترفتله كالها لا مااريد
ودازه عليه ولد ومره راحتله اعترفتله بحبها كالها اصلا
ممفكر بيج واني رايد لارين وناوي اتقدملها
بس كون تقبل
هي اجتني وكالتلي كوتلها اني مااريده
ولا مفكره بيه .. وشعليه بيه اني
هي كايلتله هيج هو ممقتنع مره اني بالمختبر
وهو راد حاسبه كوتله تفضل اخي
ودز بنيه تشوف يعني اني معجبه بيه او لا
كتلهه مثل اخويه كلهم اعتبرهم مثل اخواني ماعندي
اي شي وي اي احد
واقتنعت وراحت وعبرت هذا
شي صرت دائمن اطلع من شعبه اروح
لسنتر اكضي وقتي هناك
بسنتر كاعد نراجع امتحان ودخلوا مجموعه
مال طلاب وطالبات كالن بنات
هذولي طلاب الهندسه
كاموا كل يوم نشوفهم ويسالون عليه طلاب
واساتذه لان خطيب صديقتي معيد
كالها دائما يجوون طلاب الهندسه يسالون ع لارين
ويوم جمعه اجتنه مريه مانعرفها امي
دخلتها وفتحت موضوع خطوبه وكالت ابني
شايف بنتج بجامعه وسال عليها
دره مال الله وبارك الله بيج ع هيج تربيه واخلاق
واني جايه اطلب ايدها لابني شتكولين
امي كاتلها والله اشوف عمامها
وخالها واخوانها وان شاء الله خير ..
امي كالتلي ها شتكولين كوتلها والله يا ماما ماادري
بس اني ممرتاحه لهذه القسمه
وعمامي هم مقبلوا امي كاتلها عمامها مينطوها
استمرت السنه كامله ومتخله من مضايقات
هذوله لتقدمولي بالمرحله الاولى
كل يوم يدز بنيه ووياها هديه واني مااقبل نهائيا وبس
اكول لخواني يبطلوني عفتها
ع الله بس ماانطي مجال
وتعذبت بالخط كلش الكيه بنات مارادن كل
وحده راحت بجهه
واني عود ويه اخو مرة عمي وكل يوم متاخر عليه ل٣
ومره كالي اني بنجف هذا الحجي ب٢ونص
كوتله جان كوتلي الصبح المهم
خابرت امي كوتلها هيج وهيج كالت اشون
اخوانج بشغل طالعين كالت
اجيج كوتلها لا يمه راح اجر تكسي
رجال جبير واخابرج بسياره
رجعت بتكسي للبيت وميته تعب سبحت
وصليت جنت دائما من اكمل صلاة ابقى ساجده
ارتاح احس اني يم الكعبه الشريفه واشتكي يم رب العالمين
اللهي تعبني تفكيري وتعبت من نفسيتي
بعدني كاعد اشوف ابويه محترك
اللهي تعبانه انقذني اللهي ليش
اني هيج مقتبل عمري اتيتم اللهي محتاجه
والدي بس لا اعتراض ع حكمك
بس انقذني من الافكار لتجيني
صحيت ع صوت امي ها ماما كومي
ارتاحي باوعت عليها عيوني بيها دموع كالت
هاي يووم شبيج كوتلها والله تعبانه
مشتاقه لابويه
الله كريم ماما كومي ارتاحي
وماما شغله ثانيه يمه تعبني الخط يوم يجي
يوم لا ونهاية الشهر يريد فلوس كامله
اسئلي البنات ع خط جديد
حجيت ويه البنات لجانن ويايه بنفس الخط
بالمرحله الاولى كوتلهن اذا عدكم مكان بالخط اجي
وياكم لان ماعندي خط
كلهن كالن لا كمت ماادوام هوايه بسبب
الخط ولا اكدر اروح تكسيات دائما هم هوايه
صرف ولا اكدر اروح كيات مسافه
يذبوني ع الجامعه واتاخر وحته صار عليه انذارات هوايه
ضليت ع هاي الحاله
أنت تقرأ
ذروة عشق
Romanceقصه حزينه وعاطفيه ترويها فتاه احداثها عن حياتها وحياه عائلتها للكاتبة.... تبارك حسن
