بارت الاول
«بدايت اوجاع الحياه »
بل بدايه حابه اشكر كل من دعمني وكف وياي
نرجع للقصه
مرحبا اسمي بنين عمري 19 طالبه كليه مرحله اولا
«جان حلمي اصير اعلاميه او مقدمه برامج واهلي سندوني واوكفو ويايه والحمد لله وصلت للمكان الي اريده وهيه الكليه »
مواصفاتي؟ عيوني سود مفتوحات رموشي ذوال وجسمي حلو وصاحبه خدود »
اني محجبه ولبسي مستور وطويل
عائلتي! بابا حسن ضابط مروري بس بغير محافضه بحيث يجي خمس ايام ويروح خمس ايام
ماما اسراء ربت بيت واختي نور اكبر مني مزوجه ابن خالتي خارج بغداد وعدها بنوته واي فديتها ملوكه 👈اسمها ملاك
رجوع للماضي قليلآ⤵
احنه جنه ساكنين مع بيت عمي الجبير ابيت جدي ابو بابا اهل بابا متوفين وبابا عنده اخ واحد جنه ساكنين سوه وعمي اسمه 👈علي عنده ولد اكبار يسموه ابو رضا عنده تلاث ولد رضا ومصطفى ومحمد
بابا جان يخاف عليه بين الولد واني بنيه الوحدي لان نور ازوجت من وكت
ومرت عمي جانت اسبب الماما مشاكل وبابا مل من هل موضوع فقرر نطلع ابيت الوحدنا وصدك طلعنا ابيت كلش جبير وبي حديقه احسها راحتي ارتاح بيها
ماما صار عدها صداقات وي جوارينا وكلش حبت جارتنا الي بصفنا اسمها 👈ام نورس مره ارمله زوجها شهيد وعدها اثنين بنات نورس وحواراء
حوراء عمرها 18 سنه بنيه مغروره كلش وعدها نفسها هيه وبس ابد ماارتاح الها والي تريده تاخذه احس امها مطيتها حريه اكثر من حوراء؟
حوراء عكس اختها تمامآ احبها كلش رغم ازغر مني بس كلش ارتاح وياها احسها تفهمني
اليوم جمعه ساعه 10ونص
ماما، بنين اكعدي كافي نوم
بنين، امم بيش الساعه
ماما، 12ونص
بنين، 😱😱صدك تحجين
كعدت واشوف الساعه 10ونص اوف ماما ليش هيجي
ماما، كافي اكعدي ابوج بدوام واضوج الوحدي
وبعدين الاحد تبدين دوام تعودي تكعدين من الصبح
يله حنزل الكاج وراي لتتأخرين
بنين، نزلت ماما عدلت الفراش وسبحت ونزلت
صباحو عسل سوسو
ماما، انتي متبطلين هاي السوالف مالتج شنوو سوسو
بنين، غير انتي سوسايه كلبي حبيبتي ماماتي
ماما، اي اكليني بلسانج
بنين، اكول ماما والله ضوجه خلي نطلع وراح يبدي الدوام
ماما، اوك اشوف ام نورس بلكت تروح ويانه
بنين، اااههههووو مااروح اني لعد تجيني ست الحسن تضل تتمضيك عليه
ماما، انجبي لا تحجين على الابنيه كلمن علي بروحه
بنين، اوف يله نتحمل اهم شي اطلع
ماما، ادري بيج تموتين اذا مطلعين
بنين، اكو احله منها اكول ماما نروح للزوراء شتكولين
ماما،خلي اتصل على ابوج
بنين، اكيد يوافق لان بنوته حبيبته رادت تطلع
ماما، هههههه
بنين،ماما اتصلت على بابا وقبل وبعدها اتصلت بأم نورس همات قبلت اتمنيت متقبل!
اتفقنا نروح بلربعه العصر
صارت الساعه ﻭنص بدلت بدي ماروني طويل وبنطرون اسود اني مااستغني عن المكياج ابدد
بس احط خفيف بناتي سويت لفه حجاب حلوه ومناضري سود مع الحذاء والجنطه اخذت كامرتي كملنا وطلعنا
ماما، رايحه لم نورس
بنين، لا اطولين حاره كلش
ماما، امشي وياي
بنين، لا واكفه اهنا حتى بسرعه تجين
ماما، اعرفج عنيده
بنين، راحت الهن ماما انوب اشويه وطلعن
ماما، يله بنو امشي
بنين، سلمت على ام نورس وعلى البنات اني وحوراء ميانه كلساع اذبلي احجايه
حوراء، اني اول مره اشوف كمر ماروني
بنين، هههههه تره خجلتيني
نورس، ماما نسيت اجيب المناضر مالتي
ام نورس، عرفتج راح تنسيهن فحطيتهن بجنطه الكل ههههههه نهايه البارت الاول تحياتي
للجميع »الكاتبه نسمات الليل «
