Oh, Ama saan ka ba tumila?
Parang asong kalyeng biglang nawala.
Nawawala na tila isang dukha.
Mga mata'y walang tulo ng luha.
Nasanay ka sa mga materyal na bagay.
Mga inumi't pera lang ang iyong pakay.
Aalis at iiwan ang mga inakay.
Mawawala at mangingibang-bahay.
Oh, Ama iyo bang natatamasa
Ang kaligayahang iyong pinapangarap?
Kami'y nilisan mo, talos ng karamihan
Pag-ibig na ibinigay ay hindi mo nasuklian.
Ang aking mga pisngi sa mukha
ay hindi natitigang sa luhang sagana
Kada madaanan sana ay umusbong
ang kaligayang papalit sa lungkot.
