ذروة عشق

بارت 33

مساء الخير حبيباتي
ذروة عشق
البارت 33
الكاتبة تبارك حسن
مااهتميت الهه وعبرتهه
الشغله
قبل العرس باايام
حساب وهمي يدز لسراج رسائل مبهمه
انته ردتني انته لعفتني
وانته بعتني بصباحية عرسك
انطيك هديه تخليك تذكرها طول عمرك
واشعار ع خيانه
ماارد ع رسائل سراج ومااهتم الهه
وقسمت سراج اكوشي بينكم
وقسمت عليه بالقران وهو يخاف من حلفان
وقسم ماكو شي ولا حاجي وياها وشايفه
 اخر مره من اتصلت عليه وكالله كله
من وره لارين توصل ناس وناس بعد ماحجت وياي نهائيا

................
 صار يوم عرسنه ١٥شعبان
رحت لصالون بسبعه الصبح طلعت
 ب٣وسويت حنه اسلاميه لان مولد امام
 المهدي وكوموني اركص وركصت
حنتي كلش حلوه وقبل لا تختم الحنه
شالت علك جبير اخضر ومامزوجه تلزم طرف
ويخلنه فوك راسي وهي تقرا ايات
وخلوا بيدي الحنه ..
جابلي ٣بدلات بس مالحكت البس الاخيره
 اني اختاريت الموديل والالوان
وراها كالو اجوي مااعرف ليش متوتره
 حيل وخايفه وارجف دخت
سراج دخل ماشاء الله يخبل  كعد يمي
وباسني من راسي وكالوله يلا  كادني ويمشي
حيل كلوله راح توكع  العروس
 اني ماشفت شي لان يجيب ويغطي
 بوجهي وصعدت بسياره والبدله جبيره واني
ناعمه ضعت بيها يردون يسدون
 الباب ماكو اخر شي اجت عمته وساعدته
 سراج.. موكوتلج اختاري بدون سيم
لارين مو بتصوير تطلع احلى
 رحنه لتصوير وصور يخبلن وره كله لقطة سراج يغمزلي لو😘
خلصنه التصوير وطلعنه للبيت
 ذبحوا ع رجلي خروف
 واني متت من الخوف وخلوا دم
ع رجلي
صارت الهوسات وركص وامه تهوس
 وتركص
صعدوني فوك الغرفه حيل ضخمه
 وجبيره عجبتني كعدت امي
 وياي وخالتي ومرة عمي وبت عمي
وبنات خالي واني خايفه
 وره العشا اهلي راحوا كلهم محد بقه
يمي اني نمت وصارت حنة سراج بشارع وهوسات
وكالوا سراج كام يهوس ويركص
وره ساعتين صعدوه للغرفه
 باسني من راسي وكال الف مبروك
 بنيتي ربي يوفقني حته اسعدج
الف مبروك حبيبي ربي يسعدنا ونعيش احلى ايامنه سوه
....................
 ثاني يوم العرس ناس تجي وناس
تروح علمود العرس
 اني كلساع مبدله ومكياج وامتحانات
اقرا شويه ويصعدولي اجونه
خطار اووووف باوعت السراج
راح ارسب واباوع لسراج نايم كتله
 اكعد لعد بس اني
 وهو يضحك عليه لو يتشاقه وياي
حته اخلص من الظغط العليه .
بالليل ل١٢ونمنه تقريبا ساعه ٢وسراج
 كعدني كومي كومي
 هااا شكوو
 حضري نفسج خل اوديج لصالون اليوم الزفه
اباوعله مغمض عيونه كمت اضحك
عليه
 اسم الله حبيبي رجع نام
الساعه ب٦هم كعدني
ها ها خليني نايمه رحمه لاهلك عندي
امتحانات وخطار شبيك حبيبي
 نزلي جيبيلي مي اباوعله نايم مغمض نزلت
 جبت مي رغم اكو مي بالغرفه
 لكيته نايم ردت اذبه عليه مي
كعد وجره مني
............

الصبح دكوا علينا الباب هم خطار
حظرت نفسي نزلنه سووه
وهو صلافته متنتهي ابدا وشقاا  وتصنيف عليه
العصر اجاني
 الحساب وهمي رجعوا دزولي
 هاي صدك ازوجت وسويتها مااهتميت
للموضوع
وحظرو لسراج كمنه نضحك
 واقتربت الامتحانات ثالث يوم العرس بديت امتحن
 خلصت الامتحان جانت
 الامتحانات بشهر رمضان .
سراج جان بدوام وهو دوام صاريوم
 دوام و٣ايام اجازه 
رحت  اشرب مي فجاءة ووكع مني
الكلاص المي وگلبي كام
يوجعني حيل بقيت لازمته راسا
باوعت العمو سراج اتصل بيك
 لا بنيتي
 وره شويه اشو لاحظت عمو ضايج
ماكدرت اسئله استحيت
بره شويه سمعت يحجون
 سراج كاعد يصلح بوجكتر يطل ع شط
وهو مو من اختصاصه بشركه هو فقط ع حاسبه
ديصلح بيه وزلك ووكع من البرج  لشط
من سمعت هيج تخبلت بقيت بس
ابجي
 ثاني يوم من رجع اجاني اديه مجروحه
 وضهره مكرد اني كمت
 ابجي
  ان شاء الله بيه ولا بيك
 ماكو شي بنيتي وشبكني حيل وطبت حبيبتي  مسح دموعي
 لا تخافين بس موبايل شاشه عطلت
 ثاني يوم صلحها
 عفته يرتاح
اخذ اسبوع استراحه ورجع كلشي
مابي
كمت
اريد انظف الغرفه مالتي
ويمي حماتي بااول متوسط
اني دامسح بالاخشاب ومخليه سطل مي
 بيه عملاق مال تنظيف ومعطر
طلعت رحت للمغسله  اغسل الوصله نظفت
بيها الاخشاب اني غرفتي بطابق الثاني واكو حمام
 وتواليت خاص لنه وبالمنزع اكو مغسله من
طلعت صحت حتى تسمعني
حبيبتي لا تذبين مي رجعت شفتها ذبت مي
من شافتني وخرت اني  امشي ع
سريع وزلكت ارتفعت عن الكاع تقريبا خمس
 اشبار ووكعت ع ظهري كمت مااكدر
اتنفس هي طلعت كمت بس اناشغ سديت الباب
وكمت ابجي يلا رجع تنفسي
 طبيعي سمعو بيه اجوي  يردون ياخذوني
 لطبيب مااقبل اخاف واتحمل الوجع ...حد مااطيب وحدي
بقيت مرتاحه بغرفتي
كملت الامتحانات رغم الامتحانات عشت
احلى ايامي ويه سراج كلها
دلال وحب واهتمام
كملت امتحان واجه العيد اول يوم
 العيد عمو ابو سراج عزم
اهله كلهم اخوانه وخواته ووبناتهم
 صارت هوسه واني طبخت واركض منا
 وارجع منا وحمدو بطبخي
وشطارتي وشافوا سراج متغير
 وصاير احلى بعد اكثر ويصلي وكلشي
متغير نحو الاحسن
بعدين كمل الغدا وغسلنه مواعين بعد عزيمه
وصعدت الغرفتي ارتاح
العصر رحنه الاهلي
 اني وسراج وامه وابوه
 بعدين طلعنه وافترينا وثاني يوم رحنه لكربلاء
من بعد ما خلص العيد
خاله مرتفع ضغطها
 سويت لها نومي بصرة  خليت مي
بكتلي جبير وخليت نومي
 بصره انتضرته حدما شفته يفور جبت
جمجه اريد اضغط ع نومي حته طلع عصير
 اكثر بخار حرك اصابعي رفعت
ايدي وجمجه بيدي وبيها عصير حار اجه
 ع صدري وحنجي كمت اكمز
 من كد الحرق وابجي خاله جابت بيض وخلته
ع صدري وحنجي ولا فاد  بقيت
 اتفركع سراج بوقته جان بدوام  اني ابجي
من حرگ  سراج اتصل وكالهم وين لارين انطوني
 تليفون حجيت وياه كال ها بنيتي اشو اتصل
بيج وماكو
بصوت حزين هاا بابا ماادري بيه وكمت
ابجي
هاا شبيج حبيبتي شصاير وياج
 احتركت
حبيبتي ليش هيج تبجين اني جايج اخذه ساعه زمنيه
 اجاني سراج وشافني حيل
متاذيه ضاج حيل
 امشي اخذج لطبيب
لا باجر من ترجع نروح  جابلي
عصاره من صيدليه ..ورجع لدوام بالليل
واتصل عليه ويصيح ولج منوو هذا احجي
 انتي شنوو
شبيك سراج شنو سالفه
 دزولي كلام عليج ويكولون عدها علاقات
 اكثر من واحد وعدها علاقات غير شرعيه ويحلفون
 والله ماعندي شي شنوو هذا الحجي سراج
منو هذوله ليحجون عليج
وليش هيج وسد تليفون بوجهي