سلاسل من رصاص

الثاني والعشرون

قصه لذكرى المندلاوي
سلاسل من رصاص

سكينه
انه شبعت الحمد لله
الام
تعالي شنهي هو هذا اكل سوده علي بنيتي راح تروح من ايدي وانتم كاعدين تتفرجون
كاظم
شنو الموضوع اشصاير
سعد
مسويه ريجيم واتريد تضعف وتصير حالهة حال البنات والوالده وحنيت كلبهة
متدري هو هذا الدمرهة
الام
ياااا هسه طلعت انه المرضتهة
سعد
شوف انه ابيش ورطتهة الروحي
كاظم السكينه
خيتي موش هيجي الي يريد يضعف لزمن يلعب رياضه
الام
شنهي تريدهة تكمز مثل الجهال الدور يكلوله مسودنه؟؟
كاظم
الا تكمز خلهة تتمشه ساعه بليوم هل الكاع العدنه وبهل البساتين هم ترد روحه وتغير جو
سعد
شمالك كاظم هو هذا حجي
كاظم
ليش هو انه شكلت هو ملكنه واذا تريد لا نخلي واحد يوصل الا بامر منه
الام
اييه والله عين العقل البت اشوفهنه انمردت وتذبل يوم عن يوم وانه خايفه لتروح مني هدور اموتن

سعد
باع لعيون سكينه بيهة توسل هيه حالهة حال المسجون محبوسه وحب يرضي امه ويرضيهة
خلهة تروح بس ساعه وحده وتاخذ وياه فطيم
(حب يضرب عصفورين بحجر هم فطم نايمه على كلبه )
فطم حست بلمؤامره (حته يحلاله الجو ويه زهيره)
لاااء انه شعندي متعبته الجدامي متوازيه ؟؟
سعد
ايي مو انتي غزال ومايصيدونه
فطم☹

زهره( جاك الفرج)
اانه اروحن وياهة
سعد
لاااء موشش انتي
الام
خلهة تروح ويه خيتك هيه ساعه
ماتصبر لوووو
حجي امه خلاهة مثل بلاع الموس احرجتهة بس هين يازهيره
دنك وكال
روحي بس خلن ابو واحد من الحرس ياخذكم
زهره
شنهي قابل راح نشرد
سعد
ليش ممسويته بعيده عله بت جواهر
زهره😞

***************
بيت الشيخ وادي
برهم
هاا ياالعاشك جا همه كالوا هيج
فهد

(هيج انه مفضوح)
ابوي سمع
برهم
طبعا سمع وانه ومحسن نريد ونحاول وانت
ياروحي وياتعالي الا صحيح هاي منهي زهره
فهد😧

انه كلت زهره لاااء مستحيل
(مالك فضحت روحك ياكاع انشكي وبلعيني من ابوي وين اروح هسه شيكول علي كلبه رجيج وما يصلح يكون شيخ )
برهم
لااء هاي سالفتك مطمن امبين عليك واكع كلش مامنك جاره
فهد
انت شكاعد تخربط انه صخنت من الشمس من جنت اعاين على الزرعات و الفلاليح
برهم
ياا وهاي هيجي صاير ماتتحمل الحر وهو هسه يكول الله بلخير جا من يجي تموز لازم ماتطلع من البيت تكابل المكيف
عرف فهد المقصود من كلامهة
كام من حيله ولزم ياخته وصرخ بوجهه
هذا ياهو المايع والرجيج شو انت ماتعرف تحجي والله لون موش اعرفك السان يسبق عقلك جا عرفت شلون اتصرف وياك امشي وسود الله وجهك لا تراولياه بعد
دخل محسن وهو متفاجئ
على كيفك ابن عمي شصاير
ماتسمعه مايعرف يحجي
برهم
انه اسف ماعارفك هيجي تزعل بحكم ميانتي وياك انه حبيت اداهرك
فهد
انه هم اسف طلعت وياك زايد
محسن وحته تصفه الكلوب انه عندي الكم كعدت سمر وخله للصبح
فهد
انه تعذرني تعبان ومنايم واحس جسمي نحلان
برهم
يعني بعدك زعلان ابن عمي
محسن
هيج انه هم ازعلت
فهد
انه ادري بيك ياهو الوازك علي اكو غير الشيخه فضه
محسن
غير اتحب مصلحتك
برهم
تعال ليه وشوف مصيبتي الحنينه ماتربد اطلع من البيت بعد ال٨ بليل ادكول اخافن عليك ولا عبالك زلمه طول وعرض وشواربه يوكف عليهن الصكر
محسن
هههه وعلى سالفه امك يوكف علي ذبان موش صكر
فهد
ههههههه
برهم
هيج وارجع لينه فهيد مثل الاول
محسن اي والله ابن عمي وخلي نفرح بيك جا انت
ناوي ماتزوج ابد
فهد
اذا جبت طاري الزواج راح ابطل اجي وياكم الليله
هااا يعني انت قبلت تجي ويانه خوشش كلي تريدة يجرالك
************
بيت خلف
جواهر
بنيتي كومي هذا ابن عمج جاي من زمان وهل كاعد ويه اخوتج وابوج
رقيه بمللل غطت راسه بلمخده والتفت الجهة امهة
شرايد هذا الغضب هذا الكابوس مااخلص انه منه
شششش اسكتي لا يسمعج احد وكتلج يصير بلي رحمه
هيه وينهة الرحمه كليلي يمه وينهةةة؟؟،
من يجبروني على واحد مااطيق اباوع بوجهة اشوفن موتي ولا اشوفن جهرته
شششش ولج يمعزايه انتي ناويه تذبحين روحج وتموتيني وراج
علواه يمه اموتن و اسم الله عليج انه شجابرني اقبل غير خوفي عليج اعرفج ماتتحملين انه يوميه اشوفج كالبه البيت عزه من وره زهره هدور انه بس مااتحمل خلن احجي على الاقل حته لا طكن واموتن
جواهر.
شبيدي عليج رويحتي اهنا الحرمه منه مالهة جلمه
والي يكول عليه زلمتهة لزمن تنفذ هذا الي تربينه و
احنه وامهاتنه كلام الزلمه سيف على ركابنه حته لو اندوس على كلبنه حته لايكلون علينه أ شينه اسمعي كلامي وابن عمج مايتعيب غير عصبيته شويه
ويحبج ولومايحبج جان ما سوه الي سواه وخاطر بروحه
وانتي من تصيرين ابيته اتكدرين اتكسبي بشطارتج واتخليه محبس بيدج
مااريدن يمه مااريدن الموت اهون من هذا كلامج
يوم الي تزفوني عليه تذبحوني
صاح نجم
يمهة ندهيهة البنيتج راضي منتضر يوديهة للسوك
رقيه
مااروحن
جواهر ملخت وجهة تخرمش
لااء ماناويتهة تجيبيهة للبر ولج الزلمه جوه ومنتضرج ترحين وياه تجهزون للعرس
مااروحن وياه مااطيقنه وتصرخ
الموت اهونلي ولا شوفت جهرته
سمعت صوت وراهة التفتت
راضي منتجي على الباب وهو يباوعلهة
خيرج بتتت عمي اشصاير بعد؟؟
الام تباوع الراضي وترد اتباوع البنتهة وجهة انكلب اصفر من خوفهة
رقيه شافت امهة بهل الحال قررت تسكت
اشجابك الغرفتي
خنزرلهة
ركيههه
جواهر
اني نازله اشوفن ابوج شرايد همست الراضي
بروح اخيك وسع كلبك عليهه جاهله بعده وخله على ايدك بحنيه اوليدي الخاطري
هز راسه
عفيه عليك
انه اروحن بعد مااوصيك
سد الباب واتقدم عليهة
كمشهة من زندهة وعصرهة بقوه
ميت مره كلتلج احترمي زلمتج كدام الوادم
رقيه
وخر عني شلون تريد احترمك وانت انتت سكتت
غمض عيونه بقوه وصك اسنانه واستغفر ربه ورد فتحهن يعرف قصدهة وسمع كلامه الاخير ويه امها
انه شنو انه يابت عمي بهدوء يشبه الهمس
احجي
رادت تكوله انه مااتحمل اشوف وجهك لكن تراجعت

انت ماتحترمني
عقد حاجبه
اي ماتحترمني ولون تحترمني جان على الاقل خابرتني وخبرتني انك جاي تاخذني اليوم
راضي
باايتسامه
ولون ماكو وكت عندي راح ارجع وياج وانفذ طلبج واعتبر اليوم خبرتج والروحه على باجر تتاجل
وهسه راضيه علي
رقيه
😑
*********
سكينه
شوفي زهره راح اموتن اني كصيره عمر
زهره .
اسم الله عليج لا دكولين هذا الحجي وفي هل البستان الي تملكينه يشرح النفس افيش عبالك جنت بسجن واعتقت منه التفتت السكينه انه اسفه بس غصب عني انه اعتبرج خيتي وافضفض الي بكلبي يمج
سكينه
فصفضي خيه فضفضي جا انه هماتين نفس الشي
احسن اليوم يالله كتبولي افراج واشكرج قبلتي اطلعين وياي انه ماعندي صديقه غيرج وهل الكثر بنات عم وبنات خال
انتي الوحيده الي ارتاح احاجيهة وهذا سري صارالله سنين متجرأت اكولن لحد غير ج
وانه اكلج سرج ابير خيتي بس هم لازم اطلعين هل الكرار من عقلج
ههه هو صار معشعش بكلبي موش بعقلي
والجاره سكينه
يا يحس بيه وهذا من سابع المستحيلات وياااا
اموتن بحبه واصير شهيده الحب
اسم الله عليج انشاء الله عدوينج انتي شناقصج شو جمال ومال
اتضحكين علي زهيره متشوفين جسمي ياهو الياخذني غير الطامع بفلوسي وهذا الشي يدمرني
بلعكس انتي جميله بكل معنى الجمال
جميله شكل وروح
سكينه
وجسد لاااء والزلمه منه يدور راحته شيسوي بي وانه
كتل لحم
انتي شو مستهونه بروحج بعدين خوش بدايه بديتي
وانه اكلج واذكري هذا اليوم لون بقيتي على ارادتج
راح يجي كرار والاحسن منه يبوس رجليج قبل راسج بس الي مايحبج الروحيتج لااء تريدينه بعد خلن يولي شلج بي لون يحبج حب جسد موش روح
سكينه
كلامج ذهب بس شأسوي الهذا
تدك على كلبهة
الله كريم ربج ماينسه عبده
وهسه انسي كولشي وحسي بلهوه النقي الي يخش بلصدر موشش سالفه كرار الي اتسد النفس
رادتةتضربهة سكينه
شلون تحجين عليه مارضالج
زهيره😚 ركضت
سكينه
وراهة ويضحكن وهنه نسن نفسهن ويه الجو االهوه الصافي منطلقات لا حكم ولا محكوم
زهره متكدرين اتكضيني
سكينه انه الج اليوم
زهيره نشوف
والحد ما حست زهره وهي تركض بشخص حضنهة
زهره
انتتت اشجابك اهنا؟؟؟

***********
قصه لذكرى المندلاوي