جوري

البارت الاخير

 
الجزء الاخير

- شلونج جوري
شافتني نصدمت فتحت عيونهة وصفنت
- فهد !!
رادت تكوم لزمتهة من ايدهة وكعدتهة وكعدت يمهة
- انتظري جوري اريد احجي وياج
- ماكو اي كلام بيناتنة وارجوك خليني اروح
- مو بكيفج تروحين .. انتي بعدج مرتي وبعدني عندي كلمة عليج فلازم تسمعيني
- ممطولة سالفة مرتك اليوم حجيت وية محامي وشغلة ايام وكل من يروح بدربة
- هذا الحجي مياكل عندي جوري ، اني طلاك مااطلك كطنة وشلعيهة من اذنج
-اني هم مااتحمل اعيش وية انسان تركني واني بأشد الحاجة الة
انسان شك بية ومصدگني ومعرف اني شنو !
- اني مشكيت بيج .. اني انقهرت لان انتي مجيتي ومگتيلي على تحرشاتة ومعاكساتة الج
- من ورة عملتك هاي تاكدت مية بالمية لو حاجيتلك جان سويت نفس التصرف
لهذا جنت خايفة احجيلك
عالعموم اريد اروح ارجوك عوفني اروح
وين زهراء راحت وين اختفت
- اني رجال دمي حار ومااتصور اكو شخص بالدنيا يشوف مرتة ديتحارشون بيهة ويسكت
- بس مو يتهمهة ويلمحلهة انو هي عدهة شي ويا
- وتالي راح نبقى نعيد ونسقل
- اني العندي كلتة وخلال هاليومين يوصلك البلاغ
ارجوك طلگني وخلي كل واحد يروح لحالة وبعد كافي الله مكاتبلنة نكمل
كامت تريد تروح لزمتهة جريتهة حيل ظلت تتلفت تباع عالناس
- هاي شبيك احنة كاعدين بمكان عام
- قسماً بالله اذا مكعدتي هسة لا الزمج هسة وابوسج كدام العالم
- انت صدك تحجي
- بكيفج لتصدكين
- فهد بلا هالحركات اني مااريدك بعد. يااخي ابتعد عني مااريدك
- يعني هيج صارت هسة
- اي هيج افهم مااريدددددك بيا لغة تريد احجيهة
واندارت وعافتني بمكاني
ميخالف ياجوري اصبرلج تدلعين علية هين
بقيت ابغداد يومين انتظرت اهلهة يرحون للزيارة وفعلا انطتني زهراء خبر كالت كلهم راحو بس اني وياهة بالبيت وهسة هي دتحضر نفسهة تريد تطلع
انتظرتهة تطلع واشرت لتكسي وطلعت
واني رحت وراهة بدون متشوفني
وصلت لعيادة شكلهة قديم ومو راحة نزلت وفاتت جوة واني وراهة
شفتهة نطت فلوس وكعدت صاحو اسمهة وفاتت واني وكفت
السكرتير كال ها خوية وين فايت
- ها حبيبي غير جاي وية مرتي
- لا عيني ميصير اطلع
دفعته وفتحت الباب لكيتهة واكفة تريد تصعد عالسدية وعيونهة متروسة دموع
شافتني فتحت عيونهة وفزت رحت بسرعة جريتهة وضربتهة راجدي
شدسوين ها تريدين تموتين ابني منو انطاج الحق
جريتهة وطلعت من العيادة ودفعتهة بالسيارة
هي ساكتة وبس دموعهة تجري
- لج جوري اني تستغفليني لج ليش هذا روح شنو ذنبة
مشكلتج وياية مو ويا شلون گلبج طاوعج
زين مخفتي وحدج جاية ومگايلة لاحد
شلون هسة گليلي اكتلج ادفنج شسويلج
- كافي تصيح كافي .. كافي مااريد اسمعك ،، بعد مااتحمل
دمرتني انت دمرتني
كل البية من وراك
من يوم الاخذتني من باب الصالون لحد هاي اللحظة واني استجدي منك كلمة حب
احساس غير عن احساس الفراش
فد يوم كتلي احبج فد يوم حسستني بحبك الية فديوم نيمتني بحضنك ومسدت على شعري
وبالاخير اجيت طعنتني بشرفي
واتهمتني
وهسة جاي تحاسبني
مااريد اي شي يربطني بيك
حتى هذا الطفل الي مشايفتة مااريدة
- كافي سكتي مو بكيفج
مو ذنبي الله خلقني انسان ميعرف يعبر عن مشاعرة
يعني مو شرط اكلج احبج حتى تعرفين انا احبج
المشاعر مو كلام ولا تعبير
المشاعر افعال وتصرفات
معقولة محسيتي من تصرفاتي من لهفتي عليج من نومتي بحضنج من اشتياقي الج ومن تمسكي بيج ومااكدر افاركج
كل هذا مو حب برأيج
لج تبقين غبية
وضربتهة خفيف على راسهة
ولج انا ميت بحب هالعيون الساطراتني
اعشقج مو بس احبج
واغار عليج حتى من اخوي من اشوفج تضحكين ويا
__________________
جوري
معقولة الي دااسمعة معقولة هالكلام من فهد
- لعد ليش مصدكت بية
- والله حبيبتي ساعة عصبية ومن شفتة لازمج تخبلت
صح اني اذيتج بالكلام
بس جنت نفس الوكت اعاقب نفسي لان جنت غافل عن تصرفات هالجبان هذا
واكبر عقاب الية هي طلعتج من البيت
هاي كلش كافي بالنسبة الية
جوري تدرين حتى الغرفة مااكدر اطبلهة من انتي مو بيهة
احسهة تخنگني حبيبتي
- زين مكتلي انت شمدريك اني حامل
- عندي مصادري الخاصة
- لا بداعتي منو
- فد بنية حبابة وردة
- زهرااااااااء ،، اني اعلمهة
- ها يعني هسة متندمة لان لحكت عليج
- قصدي ابوسهة احضنهة لوما هي جان مطلع المارد من مكانة وهيج ديغرد صار ساعة
- ههههههههههههه لعد صدك تستاهل البوسة
- ههههههههههههه
- فدوة لهالحلك اوووف اشتعل خليل
ولج سلگتي اهلي يلا امشي لمي غراضجت خلي نرجع لبيتنة
- ما عفية مو اليوم مابية حيل الطريق تلعب نفسي
- يلا حبي ماشي نحجز بالطيارة على باجر
رجعنة لبيتنة وواستقبلتنة زهراء بعيون خايفة
حضنتهة وبستهة استغربت
-ها توقعت راجدي كفشة اخر شي اتوقعة تبوسيني
- احبج زوزة
- هلا تصالحتو يعني مو
- اي
- فدوة الحمد لله والشكر
اجو اهلي من الزيارة وطلب فهد من ابوية ارجع ويا
ورجعت لبيتي احس باب السعادة انفتح لي واخير
حياتي وية فهد حلوة صحيح فهد كام يسمعني حجي حلو وكل ميحسني ضايجة لو متكئبة يبقى يسمعني كلام حلو
لكن ماكو حياة بدون مشاكل
واكو ناس تكول المشاكل هي ملح الحياة الزوجية
مها انفصلت عن خطيبهة وانخطبت لابن خالتهة
وبيوم زواجهة حضنتني واعتذرت مني
كالت جنت حاسة عينة عليج بس جنت مغشمة نفسي او بالاحرى متخيلت الموضوع صدك
وهو ورة المشكلة فلت ومحد يعرف وينة
حماية سعد خطب بنية ويا بالكلية من اهالي البصرة بس كاعدة ابغداد
عبرت التسع اشهر بتعب وجان وحامي مؤذي بشكل
لكن ثمرة تعبني جانت بنتي حبيبتي
ابوهة سماهة ياسمين
ينام بنصنة ويشم بية وبياسمين ويكول افيش ياورداتي
- عزة فهد الحگلي
- خير شكو
- لك فهد اني حامل
- ههههههههه بلا بشرفج هذا الخبر ينكال علي عزة
- فهد شلون بنتي بعدهة ترضع
_ يلا باباتي حتى يكبرون سوى
هي واخوهة
- ها !! شو اخوهة
- اخوهة اختهة ماكو فرق
اذا جتني بنية ثانية اسميهة فل حتى تكتمل حديقتي ههههههه

——————————————
ولهنا تخلص احداث القصة

لكم مني الف تحية وسلام 🌺🌺

Shahad of lo❤️e