بتبدا الحكايه بالاستاذ حسين وهو بيتعرف على جاره الجديد فالعماره
استاذ حسين: اهلا حضرتك تبقى الساكن الجديد مش كده
الساكن الجديد: ايوا انا
حسين: انا حسين جارك ولو عوزت اى حاجه انا فالرابع فوقيك اتشرفت بمعرفتك
الساكن الجديد: انا اتشرفت اكتر انا محمود و ده ابنى حسن
حسين: ربنا يخليهولك انا عندى نور و مالك بيلعبو تحت البيت خليه ينزل يتعرف عليهم
محمود: انزل العب مع ولاد عمو حسين يحبيبي
حسن: دلوقتى
محمود: اه دلوقتى يلا
بينزل حسن
محمود: معلش اصل من ساعت منا و امه اتطلقنا وهو مكتئب و مبيتعرفش على حد
حسين: لا متخفش ولادى هيفرفشوه هما عاملين شله مع ولاد الجيران و بيلعبو تحت و مسمين نفسهم شله المحققين الكرتون كل عقلها بس انت متخفش على ابنك ده كفايه مالك بس
محمود: اه والله الكرتون ده مشكله بس هو انا لقيت راجل غريب اوى و انا طالع السلم شكله غريب كده و لما سلمت عليه مردش السلام حتى
حسين: اها انت قابلتوا ده ياعم واحد ساكن فوق مش بيكلم حد ولا طايق حد تحس انه قرفانه منا ولا مش عارف ماله ده
محمود: شخص غريب عموما انا هضطر امشى بقى
حسين: خلاص ماشى بس ابقى اشوفك تانى بقى
محمود: حاضر.. سلام
حسين: سلام
فى الشارع
حسن: اهلا ممكن العب معاكوا
مالك: انت ابن عمو الى هيسكن فالعماره
حسن: اه
مالك: ماشى هتلعب معانا بس هتبقا عسكرى
حسن: يعنى ايه
مالك: احنا اسمها المحققين بتفضل تلعب معانا و تترقى لحد ما تبقى محقق يعنى انا محقق و اختى نور محقق ياسين و ابراهيم التؤام الى هناك دول ملتزمين و عبدالله ده عسكرى زيك
حسن: ماشى انا حسن 9سنين و انتوا
مالك: انا المحقق مالك عندى 10 سنين
نور: انا اخته 11 سنه و معلش على الهبل بتاع اخويا هو علطول كده
ياسين: انا ياسين 8سنين انا و اخويا ابراهيم
ابراهيم: بس انا اكبر ب دقيقتان
عبدالله: انا عندى 9 سنين و اسمى عبدالله
حسن: طب هنلعب ايه بقى
فى وقت متأخر بليل
مرات حسين: ايمى الزباله فالسله يا حسين ريحه الزباله قالبه الشقه
حسين: حاضر
بيطلع يرمى الزباله و بيشوف الراجل الغريب بس المره دى بيلاحظ ان على وشه بصات غريبه و بيدخل الشقه تانى
حسين: بقولك ايه يا فايزه(مراته) عارفه الراجل الغريب الى بالدور السادس ده
فايزه: اه ماله
حسين: شكله كان غريب اوى و انا برمى الزباله شوفته اتبعتت
فايزه: اى الجديد مهو طول عمره كده
حسين: لا مش كده غريب اكتر بصاته عامله زى الى عمل عمله او ملبوس من جن
فايزه: اصلا الراجل ده احنا لازم نقول للبوليس يراقبه شكله مجرم اصلا
حسين: هى فى حاجه اسمها كده يا هبله انتى نامى نامى
فايزه: انا غلطانه انا هنام بس يارب يطلعلك و انت نايم
الصبح بدرى
فايزه: اصحى يا حسين فى دوشه كبيره اوى تحت انزل شوف فى ايه
وبينزل حسين و يلاقي ظباط كتير
حسين: هو فى ايه حضرت الظابط
الظابط: انا الرائد عماد الاسيوطى جارك الى ساكن جديد اتقال ياريت حضرتك تشرفنا فيكتب فالقسم عشان احقق معاك فالموضوع
