അവകാശമില്ലാത്ത കാമുകിമാർ .
രാപ്പകലോളം കാത്തിരുന്നു ,
കാണുമ്പോൾ ഒരു ജന്മം പകർന്നു,
വീണ്ടും വ്യാകുലയായ് ,
മൗനം ഭജിക്കുന്നു
അവകാശമില്ലാത്ത
കാമുകിമാർ
പ്രണയതീയിൽ
ദേഹവും ദേഹിയും വീണ്
സതിയാകുമ്പോൾ ചിതയൊഴുക്കാൻ ഇടമില്ലാതെ അരങ്ങൊഴിയുന്നു വിലാസമില്ലാത്ത കാമുകിമാർ...
സ്വപനങ്ങളും, മോഹങ്ങളും
കൂടിയലിഞ്ഞ നദിയായി ,
താളത്തിൽ ഒഴുകി, തഴുകി തണുപ്പേകി, എത്താൻ ഒരു കടലില്ലാതെ
പാതിവഴിയിൽ വറ്റി ഉണങ്ങി ,അവകാശമില്ലാത്ത കാമുകിമാർ
പേരിട്ടു വിളിക്കാത്ത
വേലിക്കപ്പുറത്ത് , ,
നിന്നും ശബ്ദമില്ലാത്ത സംഗീതം, കണ്ണീരില്ലാത്ത തേങ്ങൽ,
സ്പർശമില്ലാത്ത സാന്ത്വനം പങ്കിട്ടു അധികാരമില്ലാത്ത കാമുകിമാർ
..
വീണ്ടും അന്തപ്പുരത്തിൻ്റെ
മറവിൽ പാതി വസ്ത്രത്തിൽ പാർക്കുകയായി,
അനുവാദമിവല്ലാത്ത കാമുകിമാർ..
