حب ا لطفولةة

البارت السادس

ريتاج...شكرا تعبتك وياي

كرم...هو انتي علية بخيلة ماتريدين راحتي ولج راحتي موجودة بكلبج ريتاج احبج لاتسوين هيج

ريتاج....ما اعرف احس كلبي كام يدك سريع ماحجيت ويا اي كلمة بسرعة نزلت ودخلت جوة 🙈سلمت على اهلي بابا كان طالع ماموجود بس امي واخواني صعدت الغرفتي وأني أفكر بكلام كرم غيرت ملابسي لبست تراك عادي ورفعت شعري بقراصة وكلت اطلع حتى مااضل أفكر بكرم لأن من اضل وحدي الأفكار تتجمع برأسي نزلت يم أمي وسوينا غدة اني وياها طبعا اني اعرف اطبخ بس مو هواي وارتب بالبيت حتى اضيع وقت صارت الساعة ب1تغديت  بعدين تذكرت اليوم جمعة ولازم اقرة الأحد عندي امتحان صعدت الغرفتي وبلشت اقرأ كملت اقراية الساعة ب6 المغرب كلشي خلصت من دروس يعني باجر ارتاح وبس اراجع نزلت جوة اريد اشوف شصار بالبيت لأن فوك كلشي مااعرف
نزلت ماكو أحد كلهم طالعين بس امي جانت كاعدة بالحديقة ع المرجوحة اجيت كعدت يمها وضلينا نسولف اني وياها اجة بابا ورحت فتحت الباب مال الكراج ودخل السيارة

أبو ريتاج....هلا بابا رتوجة نورتي البيت

ريتاج...البيت منور بصاحب البيت شلونك باباتي حبيبي

أبو ريتاج...زين بشوفتج ياروح ابوج 😙

ام ريتاج.... ياخونة كاعدين تتغازلون وأني ما عندي علم علي زعلت منك اني 😏

أبو ريتاج...هههههه لاتزعلين انتي الأصل

ام ريتاج....ههههه هو اني اكدر للسانك الله يساعدك شلونك

أبو ريتاج...زين بشوفتكم رتوجة بابا افتحي باب السيارة وطلعي الغراض

ريتاج .... تدلل باباتي هسة اطلعهن

كرم....من نزلت ريتاج وماحجت اي كلمة احس الدنيا خنكتني ليش هالشكل تصدني ليش ماتريدني ضليت افتر بالسيارة بمنطقتهم بعدين رحت للشغل وضليت ويا العمال وجماعتي الي اجوي علية وكعدنا سولفنا هذا كلة وهي ماتروح من بالي راحوا الشباب وخلصت شغل ركبت سيارتي ورحت للمعرض التهيت بالشغل وبالمعرض تحاسبت ويا العمال وكملت صارت ساعة ب8 بالليل ركبت سيارتي ورجعت للبيت ولو مااريد ارجع لان يذكرني بيها
دخلت شفتهم موجودين كلهم ...هلووو ياجماعة

ام كرم.... هلا يمة اشو اليوم ماشفناك

كرم...والله يمة رحت للمحل ونوب رحت للمعرض وهسة رجعت

ام كرم...الله يساعدك يمة

كرم. ...ويساعدج يالغالية

رفل....كللللليييييششش  ولج يمة هلهلي هلا هلا هلا 😂😂😂😂😂

كرم....هي انتي القردة شبيج 😡😡

رفل....ولج يمة اليوم أول يوم كرم يرجع بي وما يعيط ويصيح ولج يمة القرد اخو القردة صار عاقل 😂😂😂😂😂