صباح يوم جميل من ايام الصيف المعتدلة
غرفة مطلية باللون الوردي فستان زفاف معلق علي الحائط حذاء ابيض مرصع باللولي بجانب أحد أركان الغرفة نلتفت يمينا نجد شابة جميلة نائمة في عمر٢٨شعرها طويل يكاد يصل الي اسفل خصرها مجعد قليلا لونه بني فاتح بيضاء طولها تقريبا١٦٠سم وجسدها متناسق جدا ترتدي منامة وردية الشكل اكاد اجزم اني رايتها قطعة من أثاث الغرفة للتشابه بينهم
يفتح الباب
عفاف:يابت تصحي بقي دي تالت مرة ادخلك فر عروسة يبقي نومها تقيل كدة يوم فرحها
وتفتح الام نوافذ الغرفة فتدخل الشمس بسرعة الي فراشها وتداعب جفونها النائمة
ورد:يوووووووه ياماما سيبيني نايمة شوية كمان
عفاف :يابت قومي بلاش دلع داحنا زمان يوم الفرح ده مكناش بنام قبله باسبوع
ورد وهي تعادل علي الفراش:ليه يعني ماهو يوم عادي هيفرق ايه
عفاف:هيفرق ايه ؟؟؟؟ انتي مجنونة يابت
ورد:تلاته قصدك السيكو سيكو ياماما انتي قديمة اووي وعلي العموم والله مكسوفة بس بحاول انسي
عفاف وهي تقوم بضربها بالوسادة طيب قومي يااخرة صبري بنات بجحة صح قال سيكو سيكو وتخرج عفاف من الغرفة وتافف ورد
:ياساتر اليوم ده كنت بهرب منه اوووي ياتري مخبيلي ايه الزمن معاك يامحمد بيه
ويرن هاتفها
ورد:الو
محمد:صباح الورد يا وردة حياتي
ورد:صباح النور ازيك يامحمد
محمد:ايه الرسميات دي
ورد :ولا رسميات ولا حاجة اصلي نمت متأخر وماما مش سايباني بتصحيني من ساعة مانمت هقوم اشرب نسكافيه وتفوق ونتكلم
محمد:انا عارف انك لسة مش واخدة عليا خطوبتنا جات بسرعة بس والله ياورد هقدر اعوضك وربنا يقدرني بس واسعدك سعادة ملهاش وصف
ورد بابتسامة :يارب يامحمد يالا بقي اليوم طويل
محمد:احم احم طيب مش عاوزة تديني حاجة
ورد:حاجة ايه امشي ياعمنا الله يحنن
محمد:خلاص خلاص علي العموم هيحنن اووي بس باليل ياوردتي
ورد:بخجل طيب اقفل بقي بدل مااوريلك الليل الصح
محمد:لاء لاء دانا مصدقت وحياة ابوكي سلام ياقمر هعدي عليكي اوديكي الاوتيل
ورد:تمام يافندم
اغلقت ورد الهاتف وقد ارتاح قلبها قليلا ذهبت لتأخذ حمام دافئ وارتدت ملابسها وخرجت من غرفتها
ورد:ماما ماما
عفاف:أيوة ياعروسة واطلقت زغرودة عاليه
ورد:ماشي يافوفة امال ديشا فين
عفاف :اتلمي يابت انا بس اللي ادلعه
ورد:لاء يافوفة ده ديشا بتاعي انا بس
عفاف:المهم يالمضة راح للحلاق امال ايه انا قولتله عاوزاك النهاردة عريس
ورد:أيوة يافوفة ماشية معاكي اي خدمة انا اتجوز وانتو تهيصو طبعا جوزتينا كلنا اهه والبيت فضي عليكو
عفاف :ربنا يخليكم يارب رباب وايناس هيروحولك الاوتيل ورد:ماشي يافوفة ارن علي محمد بيه يجيلي بقي احسن الشيلة تقيلة وانتي ادخلي البسي
عفاف :ماشي هوا
ورد أمسكت الهاتف
ورد:السلام عليكم يامحمد بيه
محمد:وعليكم السلام ياقلب محمد بيه
ورد بخجل :انا جاهزة
محمد:عشر دقائق وتكون عندك
ورد:تمام ياباشا مستنياك
وبالفعل اتي محمد واصطحب ورد ووالدتها الي الاوتيل وحضر اختيها والميكب ارتيست وبدأت التجهيزات علي قدم وساق في غرفة ورد وغرفة محمد
محمد:واد يا علي رنيت علي عمي حاتم وشوفته وصل ولا لسة
علي صديق محمد وابن عمه
علي:اه رنيت بس انت ليه مكبره كدة ده الفرق بينك وبينه خمس سنين عمي عمي اللي يسمعك يقول عنده ٦٠سنة وهو يادوب ٣٦سنة
محمد: وربنا ماعرف انا بابا كان كل مايشوفني يقولي سلم علي عمك بقيت أقوله ياعمي
علي :يعني انا ابويا معندوش احترام بقي كان بيقولي سلم علي الواد حاتم
محمد:ومن يومها وانت مشوفتش الاحترام
علي بغيظ طيب ركز ياخويا فاللي بتعمله ركز يومك طويل بس علي الله ترفع راسنا
محمد:بس يالا احسن وربنا قلقان
علي:لاء قلقان ايه اوعي تكسفنا بلا منها الجواز مش هنبهدل البت معانا
محمد:ياخي اتلهي انا فعلا قلقان اووي مش عارف ليه مش حاسس ورد بتحبني
علي:ورد طول عمرها وهي بتحب الضحك واللعب والتنطيط وبتعتبرنا كلنا أخواتها صداقة ابويا وابوك بعمر مصطفي ابوها خليتنا كلنا نعتبر متربين سوا عشان كدة لسة مش واخدة عليك كزوج
محمد:يعني انت شايف كدة
علي:بالتدريج هتلاقيها ارتبطت بيك اووي وبعدين كله بالحنين بيفك يامعلم خليك حنين ونحنوح كدة وانت تنول الرضا
محمد:ربنا يستر
يفتح الباب ويدخل منه شاب متوسط الوسامة ولكنه جذاب جدا طويل عريض جسد متناسق اسمر شعره اسود عينيه عسليتين له ضحكة ساحرة الي ابعد مدي
حاتم:بشوات مصر وحشتوني
علي ومحمد يركضوا إليه ويحتضنوه بشوق واضح بعيونهم
محمد
:كنت هزعل جدا ياعمي لو مجيتش
حاتم:وانا اقدر يامحمد وبعدين اتلم يالا ايه عمي عمي ده اللي يشوفك يقول اكبر مني
علي:طبعا ماحنا مطحونين هنا نقبض علي بتوع مخدرات ودعارة وسفاحين وانت بتعمل ديكورات ورايق
حاتم يضحك ضحته الساحرة
وانا مالي مش انتو اللي قولت شرطة شرطة البسوا بقي
محمد:يالا ربنا يستر ياحبيبي
علي:يارب ونفرح بيك ياحتوم
حاتم:ياساتر لاء ياعم انا كدة حلو اووي ومرتاح ولا جواز ولا زن عيال
محمد:ربنا يرزقك باللي توجع قلبك زيي كدة وتجيبك علي بوزك
حاتم:ياساتر علي دي دعوة يالا يامعلم قوم البس بقي وظبط نفسك الليلة ليلتك ياميدو
يأتي الليل ويبدأ معه الاحتفال بنزول ورد وهي متعلقة بيد والدها علي السلم واسفله نجد محمد يقف ومعه علي وهو ممسك بباقة زهور بيضاء اللون يسلم والد ورد ابنته إليه مع توصية بحسن المعاشرة ويستلم محمد ورد يرفع الطرحة وقبلها علي جبينها قبلة أشعلت وجنتي و فجعلتهما مثل الورد الاحمر في عز رونقه
محمد:اهه الوردتين اللي علي خدودك دول هموت واقطفهم بشفايفي
ورد:بخجل شديد اتلم يامحمد بدل مااسيب الفرح وتروح مع بابا
محمد يضحك عاليا :طيب اعملها كدة وانا اصورلك قتيل دانا مصدقت
يدخلوا الي قاعة الاحتفال والفرحة علي وجه محمد يقابلها قلق علي وجه ورد إلي أن يأتي حاتم وعلي
علي:دودو مبروك يا حياتي
ورد:الله يبارك فيك يا لولو
علي:مابلاش لولو دي انا كبرت وربنا
ورد:هفضل علي طول شايفاك لولو
علي:الله هو مش وقت نقار انتي عروسة خلينا نفرح فيكي 😝😝😝
ورد:كدة ياعلي ماشي
ويدخل حاتم ليسلم عليها
محمد:ورد ده عمي حاتم عايش فدبي انا كلمتك عنه
ورد وعي تسلم عليه :ازيك حضرتك بس انت صغير مش كبير
علي:ماهو محمد محترمه مش عارف ليه مع أنه أكبر مننا بخمس سنين بس
ورد :اتشرفت بحضرتك
حاتم لايري لا يسمع لا يتكلم فقط ينظر إلي ورد بعينيه العسليتين يذوب بداخل عيونها البندقيه التي بالفعل سحرته
ورد وقد انتبهت بنظراته فخجلت ونظرت للأرض
وسحبت يدها من يده
علي:ايه يا حاتم ورد قمر صح وقد لكزه في كتفه فافاق حاتم
حاتم:احم احم ربنا يهنيك يامحمد يارب امشي انا بقي لان والله سايب ورايا شغل مهم اووي فدبي
محمد:بس هتيجي تاني انا ملحقتش اقعد معاك
حاتم:باذن الله ياحبيبي اشوف وشكم بخير
ورحل حاتم وانتهي الفرح وصعد محمد وورد الي جناح العرائس
محمد وهو يحمل ورد
ويدخل من باب الجناح ويغلق الباب بقدمه
محمد:نورتي الجناح ياوردتي
ورد:بخجل ربنا يخليك
محمد:يالا روحي غيري هدومك جوة وانا هغير هنا ونصلي
وتكمل بكرة باذن الله بس عاوزة اشوف تفاعل بقي
