الشيطان العشق

البارت الرابعة

طائف؛مازن؟؟؟؟؟؟؟؟؟

كل واحد شاف للتاني بصدمة وتطلع آيات وتشوفهم ... الشيت مازن شن ح يفكر بيها !!! ... داسة راجل غريب في حوشها وهي بنت مش متزوجة وسمعتها كويسة ، لكن توا انتهى كل شي .

آيات بتوتر؛آستاذ مازن ارجوك متفهمش غلط .. هدا هدا ...

مازن؛طائف ؟!! انت شن ادير اهني ؟

قعدت تشوفله بعدين حولت عيونها لي طائف وتلقاه مبتسم .. لكن علااش؟😕.

طائف؛ظروف صارتلي واضطريت نقعد في ضيافة ... آيات .

مازن؛تي ظروف شني هادي ؟ وبعدين مش المفروض انت ترجع الاسبوع الجاي ... جيت بكري علاش ؟ شن صار ! ووعلاش ماقتليش انك وصلت ؟.

طائف؛قلت ظروف يامازن معناها خلاص ظروف ... مش وقتها الدوة متاعك توا ... الباهي انك جيت لان من البارح مش قادر نوصل لي حد ، هي نمشو .

تحرك مازن بدون تفكير اما آيات تحركت من مكانها طول .

آيات بدون ماتندري ع روحها؛ممكن نعرف انتو كيف تعرفو بعض ؟

فنصلها مازن من طريقة كلامها ف انتبهت ع روحها ..

آيات؛احم احم مش قصدي .. بس يعني قصدي تفاجئت انكم تعرفو بعض.

مازن؛هدا طائف العمري وهو يكون صاحب ال..

طائف قص عليه؛صاحبه ... واني مازن صحاب من زمان 🙂.

شبحله مازن بصدمة ورد عليه طائف بشبحة متاع اسكت وسايرني في الكلام.

مازن؛اه اي صحاب من زمان هلباا.

آيات وقاعدة مش مقتنعة؛هذا الورق لي حضرتك طلبته لكن نعاود كلامي لحضرتك تاني اني سبق وسلمته الورق هذا البارح لي مستر هادي.

مازن؛عارف ياآيات عارف لكن هادي ريح لورق البارح .

آيات وطائف؛ريحهم؟؟؟؟؟؟؟

شبحتله شبحه متاع شن دخلك انت ، اما هو قعد.يشوف لي مازن..

مازن؛ماهو ديما هكي ياآيات علاش مستغربة.

آيات؛ديما هكي اي لكن اني مش ح نقدر نستحمل اكتر من هكي ... لو ورق خاص بي اي صفقة ولا شوؤن حساسة خاصة بالشركة وراح من من مستر هادي اني ح نطيح في مصيبه وح ينتهي مستقبلي ع خاطر هكي اني فكرت ان ح نقدم استقالتي واللي بيصير خل يصير.

مازن بسرعة؛استقالة شني ياآيات صلي ع النبي ... احني مستحيل نخلو الشركة تخسر موظفة زيك ، اكيد ح نلقى حل غير موضوع الاستقالة هذا .

طائف؛اكيد ح نلقو حل وبعدين استقالة شني وهو اللغب بدي يحلو 🌚.

آيات؛نعممم؟؟؟

طائف؛هيا مازن ..

طلعو الزوز وركبو السيارة ..✨

طائف؛ارفعني للمستشفى متاعي .