😟
بعد بيمن تامن خربت الناس
الضحك وياك يدعي اعليك بالشين
كبل جانت مرؤة وصدك وحساس
هسة الناس صارت عدهه وحهين
الصحبة مصالح
هذا الامر واضح
كلشي انشوفة بالعين
اي ولله
اكو شامخ جبل وافعاله ويه الكاع
واكو بالكاع وافعاله جبيــرة
اكو صايم يصلي بس حقد مليان
واكو يشرب خمر مليان غيرة
اكو زنكًين لكن ميّت احساس
واكو مفلس ولكن حيّ ضميرة
اكو صاحب قصر لكن ولا مرتاح
واكو مرتاح كلّش عالحصيرة
اكو ديوان لكن ماوسع ضيف
واكو خيمه ولكن تحوي ديرة
-----
ذبل كلبي بغيابك ورقه ورقه
يسبي جمالك ورد ورقه
ردت منك حبيبي فرد ورقه
برساله شوك تبعثها اليه
----
جروح البلگلب تصرخ ولمنة
واجمع شملنة ياربي ولمنة
لاجيش الوطن حامانة ولاامنة
وحت باب الامل سدو عليه
-----
يفر بيه الوكت سواني سبحه
سابح بالدموع الجسد سبحه
ونخيت الي بطن الحوت سبحه
سبحانك و ا برحمتك من عليه
---
عطسنه وبحسره كتلك عوف الفراك
كلت لا نفترك .. هاي ابشهاده
----
كالو ضاع منك واضحك على الكال
لان لو ردت اضيعك روحي اضيعها
و اميزك لو صرت دمعه بجفن غركان
و إذا تسكت شفافك أذني تسمعها
صديقي الماخذ ابشورة وراية
يطعن بالضهر ثاري وراية
علك لافتة بضيجي وراية
وشوفة ابلاخجل يضحك علية
الثاني جاوبه؟؟
صديقك عل الغدر لايك وراهم
وزين انت شفت غدرك وراهم
اني كبال عيني اسمع وراهم
ياكل من زادي ويطعن بيه
