( #مــاذنـب_خـرسا)1✔
ام رفيف:ولج وينج اسمعي ولج اني رايحه البيت عمج اليوم بتهم تنخطب الكه كلشي جهاز
رفيف هزت براسها معنى يي
سلام اعرفكم على نفسي اكيد تسئلون ليش ماحجيت امي اني خرسه يعني اسمع بس مااحجي بسبب حادث من جان عمري 13سنه ابوي ضربني طلقه ولهذه صرت هيج امي تعاملني بقسوه لان اخوي توفه بسببي طلع بره وندعم وتوفه وصرت اني سبب وفاته جان عمره 6 سنوات الهذه ابوي ضربني البيت الكل مايحبني ولكل يعاملني بقسوه حقهم اني عمري 17 سنه تركت الدراسه من صف الاول متوسط موصفاتي طولي وسط ملامحي نعمه عيوني كبار وعسليات شعري اسود بشرتي حنطاويه بس الصراحه اني خبله بس الحزن خيم عليه عندي 3 اخوه كرار وحيدر ومصطفى كلهم مزوجين عندي اخت وحده هم مزوجه
زوجت اخوي كرار اسمه ذكرى:ولج رفيف 😠
رفيف:رحت اركض
ذكرى:لج اني مو كتلج هل فستان اريده اروح بي الخطبه
رفيف:هزيت راسي معنى اي
ذكرى:وجعي اي والله والي من جهرتي
رفيف:اخذيت فستانه وبديت اخيط بي لان جان سحابه طاك حقها لاهيه ماتطلع من الباب
ذكرى:شنو خاتون اشو اضحكين
رفيف:انطيتها الفستان ورحت من يمها لان مالي خلكها
الام :رفيف 😡
رفيف:رحت الامي
الام:وجع وين جنيتي
رفيف اشارت الها معنى:جنت اخيط
الام :يالله ولي مني
رفيف:كملت كل شغلي كعدت بالحديقه لان ضوجه محد يفهمني رحت بخيالي الوردي اتمنه ازوج شخص عيونه عسليات وشخصيه هيبه ههههه وضابط ههههه رفيف كافي من هل احلام انتي ماتزوجين اششش يالله روحي للبيت /احجي بيني وبين نفسي /كمت رجعت للبيت
الام :رفيف ولج ل.....
رفيف رحت اركض
الام لزمته من شعرها :لج اني شنو كتلج مو كتلج كلشي جاهز
رفيف دموعي ماوكفت مليت من هل وضع شوكت ارتاح اووف /لزمتني امي موتتني ضرب نكسرت رجلي مبينت الحد اني نكسرت رجلي بقيت اعرج منه كملت كل شغلي رجعت ابجي بعدين كمت اضحك اووف يارفيف تاليتج مخبله تضحكين بحدج صار العصر جهزت العشاء زقنبو وبدو يحضرون يرحون الخطوبة بت عمي 😟ماعاده اني بقيت كاعده
ذكرى:ولج هاي شطالعه
زوجت اخوي مصطفى اسمه ريام:حبيبتي فديتج وانتي رفيف ماترحين
رفيف اشارت الها معنى:لا مايقبلون
ريام :هاي ليش روحي تنونسي
رفيف اشارت الها معنى:لا امي وابوي مايقبلون
ريام :معليج اني اقنعهم
رفيف اشارت الها معنى:ايي
ريام :رحت العمتي :ماماتي
الام :كولي حبيبتي
ريام :خل رفيف تروح ويانه
الام :لا رفيف تفشلني
ريام :ليش شبيه قابل جربه
الام :خلاص متروح
ريام :اووف زعليت 😢
الام :يوومه منو يزعل يرومتنه
ريام :لا لا زعليت
الام :ماشي بس بشرط بدون مكياج وتلبس عباية
ريام:يمه فدوه العمتي حبيبتي
الام:هههههه مخبله يالله خلصتو خن اروح
ريام :يالله رفيف بسرعه
رفيف:فرحت كلش من كالت هيج هههه يعني بعد 3 اسنين مطالعه هسه راح اطلع اووف ماشلتني الكاع لبست مخليت مكياج ولا شي بس لبست ونزلت هم اصلن حتى ملابس مايشرولي واختي زينب يحملونها تحمل بالهدوم 😟المهم اطلع معليه
أنت تقرأ
ماذنب خرسا
General Fictionالقصه حقيقيه تحجي عن معانااة بنت خرسا ضلموها كل الناس بسبب عجزها. و ع فكرة هاي القصه منقوله بَـßÊـسّ كلش حلـِۈۋوھّ وحساسه ماطول وياكم اتركم انتوا اتحكموون ❤
