غلطه عمري من حبيت

البدايه

مرحبا اني ورد اذا احجيلكم قصتي مراح تفهمون حياتي ابد لان لازم نرجع بلوقت لورى لسنه ١٩٧٤ قصتنه اشوي احداثه معقده ومشابكه امي اسمها امل من اهل بغداد اهل ماما من ارقى واغنى عوائل بغداد كانم اصحاب املاك وعقارات بلاضافه انهم واصلين بلدوله بذاك الحين ابو ماما اسمه الحاج عبد الحق رجال اله وزنه وهيبته لاكن رغم كولشي انسان متواضع وبسيط الى ابعد الحدود امي عدها ٤اخوات وخمس اخوان يعني عائله جبيره بلاضافه لعمامه وكانو تقريبا بنفس المنطقه وكان الهم سلطه ونفوذ كان جدو اكثر تجارته عن طريق البصره من والى الخليج فتعرف على تاجر بصراوي فمره من المرات زارم بغداد بعرس واحد من اعمومت امي وشافم امي وعجبتهم وخطبوها لابنهم علي علي كان ضابط واله هيبته ماما خلفت من عمو علي اخواني الجبير جعفر مواليد ٧٥ وكرار ٧٧ ونرجس ٨٠وسما ٨٣ عاشت وي عمو علي احلى عيشه اتكول ماما جان شخصيه وطيب واخو خيته شهم عاشت بهاي الفتره ملكه لاكن شاءت الاقدار ان عمو علي يستشهد بحرب ايران بسنه ٨٤ماما تحجي اتكول اتدمرت وراه عافلي مسؤليه ٤ اطفال صح اهل علي مخلوها تحتاج شي وجدو كذالك لاكن الاب مكانه جبير بلعائله اتكول خلصت عده وبلش الحجي انو ليش ارمله علي كاعده وياهم ابنفس البيت وهي حلوه وصغيره اتحل على احموينها لان عمو علي كان عنده اخوان اثنين اكبر منه واخ اصغر من امي بهواي امي مواليد ثمانيه وخمسين بوقتها من ازوجت كان عمرها ١٦ سنه من اترملت عمرها بحدود ال٢٥سنه فبدن نسوان حموينها ايحوكن المؤامرات على امي وطشن حجي بلمنطقه انهى اتريد تزوج احموينها ماما اتكول اصيح واستريح واحلف ماكو هيج حجي بس الموضوع مبقه هيج اتعدن اكثر ان ماما كانت على علاقه بحموينها من جان علي بلحياه ماما ماسكتت راحت لبغداد وحجت لجدو كلشي عاد جدو حلفت بعد مترجع للبصره