غلطه عمري من حبيت

الامل الجديد

اجم اهل علي لبغداد يفتهمون شنو السالفه عاد جدو واخوته حجم كل الكلام اهل علي اعتذرم وطلبم من امي ترجع لاكن جدو اصر وسواها كعده كال الهم كلشي ولا الشرف اتفقم ان امي تكعد ابغداد لاكن في حال ازوجت الاطفال يرجعون لاهلهم جدو راسأ اخذ بيت لامي قريب عليه وهدمه وبناه بيت حديث وسكنت امي واطفاله ابغداد ورجعت كملت من وين ماتوقفت بلدراسه كملت معهد المعلمات ومرت اربع سنوات ماما مرتاحه وتعينت معلمه مو لحاجه ماده لاكن لتوصل لطموحها اتعينت وجعفر وكرار يداومون جعفر عمره ١٤ سنه وكرار ١٢سنه هذا الحجي بل ٨٨
ونرجس وسما بعدهم اصغار اتبقيهم يم خالاتي لحد هسه ماكو شي جديد جدو كان عنده تجاره كذالك عن طريق الشمال وتركيا بس اليدير التجاره رجال كردي اسمه مسعود هو وجدو اكثر من اخوان جانم ا يزورون بعضهم لاكن امي اعتكفت لاتطلع ولاتطب من الدوام للبيت حتى بيت جدو نادرا فد يوم اجم اهل علي اخذم اخواني بلعطله للبصره مثل ماتعودم كل عطله يرحون شهر هيج وامي قاطعه الروحه من ذيج السالفه اجه خبر لجدو ان حاجي مسعود عرس ابنه وعزم صديقه الي هو جدو وعائلته فجدو حلف على ا مي اله تروح وياهم هم تغير جو احسنلها من الخنكه ماما راحت وتونست بعد العرس بشي شهرين انتلت جنته حاجي مسعود زوجه ابنه الثالث كوران كان عنده ولد وبنت ليزا وديار راح جدو وبيبي وخوالي لاربيل اخذم من خاطرهم ورجعم ومرت الايام عادي وبيوم اجه حاج مسعود وخطب ماما امل لابنه كوران عاد ماما لعبت طوبه كلت انوب ازوجوني مصدكت خلصت من سالفه احمويني يوميه مطلعيلي ضيم جديد يوم الاكشر لومن رحت للعرس وشافوني جدو كلعاده اصدر اوامره بموافقه ماما على انو بعدج صغيره والاطفال مردهم لاهلهم وانتي واهلهم مو على اصلاح منو يفيدج بعدين بعدها امي اتحججت انها اتريد تبقى ابغداد عاد حاجي مسعود كللهم اصلا ابني كوران دوامه ابغداد ابوقتها طيار كان نقيب امي اتكول منين ما اطلعلهم يطلعولي لحد مارضخت بعد معركه وياهم لمده ٣ اشهر سمعم اهل علي بلموضوع رادم اطفالهم بين ماهم تيتحضرون تايجون لبغداد انطلقت الانتفاضه الشعبانيه واخو علي الجبير مهدي كان من ضمنالمنتفضين ابو علي اخذ عائلته وانهزم لايران خاف من القمع و ازوجت
كوران وسكنم ابيته لبغداد كان لماما واخواني نعم الاب والسند حتى من بيبي اتكوللها خلي اطفالج يمي يتخبل ايكول ذولي هم اطفالي عاد امي من شافته هيج طلبت منه ايجيب اطفاله ليزا وديار وياه لبغداد فكانت الهم ام عاشم كوران وامل واطفال امل الاربعه واطفال بابا ال٢ احسن عيشه 😘😘😘😘😘😘
حبايبي لهناه تنتهي بدايه قصتي غلطه عمري من حبيت هاي بس كانت البدايه وبعد احداث قصتي اني بطلت القصه ورد😢😢😢😢 فديتكم وردات اريد تفاعل وتشجيع