غلطه عمري من حبيت

الجزء الرابع

ولادتي كانت بسنه ١٩٩٦عشت مدللة ماناقصني شي لاكن بسبب كثره اولاد ماما بابا وفارق لعمر بيناتنه وماما من ولدتني جنت الاكثريه ابيت جدو عبد الحق الي اهتم بيه اكثر شي خالو سالم خالو سالم اصغر من امي بسنتين وعلاقته بماما حيل قويه وكان يدير شغل جدو وهو الايد اليمين لجدو  خالو سالم حب وحده وياه بلجامعه بعد معاناه تزوجه واربع سنوات عاشم بسعاده لاكن زوجته حملت وقبل متجيب ارتفع ضغطها وصابتها جلطه وراحت هي والبطنها خالو مر بحاله نفسيه ترك العراق فتره طويله رجع بعد السقوط بسنه ٢٠٠٦ كان عمري بوقتها ١٠سنوات رجع مده ٣ اشهر وبهاي الفتره حيل اتعلقت بيه وتعلق بيه طلب من ماما وبابا ياخذني وياه لتركيا بلعطله وفعلا رحت وتونست كلش مده ٤ اشهر ورجعت لاكن من رجعت بنفس الفتره رجعم اهل علي من ايران وبدم اخواني يروحولهم للبصره واشوي اشوي انسحبم اخواني وعاشم بلبصره يم اهلهم واختي نرجس خطبها ابن عمها وسما خطبها ابن خالتي ابغداد ورادها ابن عمها الاخ لاكن رفضت متزوجت بلبصره لان هي اتحب ابن خالتي اخلاص المهم ماما اتدمرت نفسيتها وره جعفر وكرار لان حسب كلامها كبرتها واول فرحتها يبعدون عنها ووره فتره اتزوجم اثنينهم بيوم واحد اخذم بنات عمهم بلبصره فتحم شغل بحصتهم من مال ابوهم واستقرم اهناك ليوم عرسهم رحنه كولنه احنه وبابا للعرس رحنه طيران ووصلنه اني جنت على ما اذكر لابسه كيمونه اسود وهافرول لون ليموني وفاله شعري نازل جوه خصري من نزلنه من السياره اخواني استقبلوني بلاحضان لان حيل احبهم ويحبوني لاكن شفت نضرات اولاد عمامهم الي واليزا اكلونه اكل صح جان عمري ١١ سنه لاكن اليشوفني عبالك عمري اكبر جنت طويله وسمينه مربربه فتنه واسقبلونه فشفت ابو علي سلمت عليه احنه بينه طبيعه اذا رجال من عمر ابويه واكبر راسا اندنك انبوس ايده فمن دنكت ابوس ايد جدو ابو علي الجد جرني حضني وكلي بصوت يادوب مسموع بويه المفروض تخلين شي على راسج ترى ولدنه مو حمل هلحسن بويه شوفيهم اتسودنم اني ضحكت كتله جدو ولو مافهمت بعض الكلمات بس جدو بعد وكت على الحجاب اصلا اني عمري بعده صغير راسا حجه  واحد من يمه كله جدي لاتحجيه تراني واكف على شعره واكع وانوب اتدلع بنت بغداد اتكول مانعرف حجيكم اشو هو والجد ضحكم واني مثل الاطرش بلزفه بهاي الاثناء اجت ماما وفتنه جوه وانوب استلمني النسوان هاي لتكول هاي شيشانيه بجمالها وهاي التكول خايبه شمالج ماتخلين شي على راسج وهاي تردها اتكولها خايبه متسكتين اذا هاي معجنه بغداديه وكرديه شتطلع زين منها ماجت علينه مصلخه عاد ماما سمعتهن وماسكتت الهن كلتلهن لهناه وبس اذا تهمتني الي بشرفي وتهمتني اني على علاقات قبل لا اترمل وسكتت الجن لان جنت ضعيفه ومكسوره بس لهناه وهذا حدجن بناتي خط احمر كاللها عاد هاي بنتج وهاي المصعصعه بنت رجلج يقصدن ليزا كلتلهن والله اثنينهن بناتي ما افرق بين وحده منهن وام علي صاحت بيهن وسكتن بنت عباس اخو علي ابنيه بعمر ليزا تطلع فد ابنيه حبابه اسمها هبه كتلها حبابه اعتذرت من عدنه نيابه عن الكل خطيه ابوها متوفي ابوها اخو علي الكتلوه بلانتفاضه كلتلنه خيه اشايفه تا تشوفين مو ذني لو نجمعن ايلوعنه بس اني وامي منسكتلهن كنالهن زين تسون بيهن بقينه نسولف لحد ماصبولنه غده كان غداهم فد شي كوله سمج بس انواع سمج شوي وسمج مرك مثل التبسي وسمج على تمن وسمج كلي اكل يجنن ماما اتكول هم اهل البصره يعشقون السمج اني كعدت بس اباوع مالي نفس اكل مو اكره السمج لاكن اني من اطير  بطياره يلزمني صداع جان راسي يوجعني كولش بس اريد انام والحجيه ام علي عافت الامه كولها وجطلت علي ليش ماتاكلين شمالج حبيبه ماتحبينه واني وماما احلف الها احبه بس مالي نفس اخر شي صاحتني اكعد يمها كامت تفلس وتخلي كدامي اكلت اشوي اني اكلت السمج بعد اريد ارفع ايدي ما اكدر فلشني اتفلش كلت لهبه هباوي فدوه اريد انام كلتلي اصعدي فوك احبيبه البت بيتج اي غرفه تعجبج نامي بيها اهناه هوسه اني ماجذبت خبر صعدت واباوع على البيت روعه لان بيتهم القديم حاركيه بزمن صدام ومن راجعين معوضيهم وبانيه بناء حديث يخبل الغرف كولها اسويتات والتصميم يجنن والاثاث حدث ولاحرج قصر بمعنى الكلمه اول غرفه صارت كبالي فتتها كانت غرفه اسود وفضي غرفه ملكي البردات ابيض واسود ومبخره اني ماجذبت خبر طفيت الضو ونمت على الجربايه بدون غطه نمت نومه عميقه 😍😍😍😍😍
فديتكم كليباتي صوتو على قصتي وادعموني بتصويتكم☄😙😙😙😙😙
او بتعليقاتكم اريد منكم تنطوني ارائكم بلقصه بكل صراحه