حب وسط الدماء

البارت 15

سهام: أسماااااااء؟
ضرت لقيت مدام سهام وكرزة من مورانا ومصدومين من هضرتي..خنزرت فأسد ومشيت عندهم
أنا: اهئ هئ سمحيلي بززاف راه كذبت عليك غير حيت كنت خايفة
سهام: حرام عليك انا دايراك بحال بنتي ومستاعدة نعاونك فاشما بغيتي ونتي حتى من السمية كاذبة عليا فيها
أنا: عفاك سمحي ليا بزاف مانويتش نكذب عليك ولكن راه مابقيتش كانقدر نتيق فحتى واحد
سهام: قوليلي علاش؟ علاش خايفة هاكا؟ قوليلي ابنتي
أنا: خالتي سهام راه مابغيتش نهضر فداك الموضوع عفاك ماتحرجينيش
أسد: (كايصفق) ههه ماتحرجيهااااااش اماما السيدة راه ماتقدرس تشارك معاك حياتها الحميمية..مرمية فغابة و...
أنا: سكككككت صافي سكت نتوما ماعارفينش شنو وصلني تما أنا كنت تما بين يدين منظمة كاتاجر فالأعضاء البشرية
سهام وكرزة: (سدو فمهم وشهقوا من هول الصدمة)
أنا: اهئ اهئ كنت عايشة فالمغرب وكانو عندي شي مشاكل صعيبة الشي اللي خلاني نهرب من الدار وماكان عندي فين نمشي حيت أنا ماعنديش واليديا وكنت عايشة مع مرا غير مربياني ديك لمرا حاولات تزوجي براجل شارف عليها هربت..وفديك الليلة اهئ اهئ كنت بوحدي فالليل وتلاقيت واحد الدري عاوني..داني لدارو اللي كان ساكن فيها مع ختو عشت معاهم 3 أيام ومن بعد طلب مني الزواج وانا وافقت حيت ماكنتش نقدر نقول لا.. نهار لعقد سنيت على ورقة مكتوبة بالانجليزية..وحيت انا مكانفهمهاش ماعرفتش شنو فيها ودوخوني بالهدرة حتى سنيت ومن بعد اهئ اهئ ضربوني بإبرة خلاتني نفقد الوعي (جلست فالأرض) مللي فقت لقيت راسي معلقة وضايرين بيا (غمضت عيني) ضايرين بيا جثت بشرية خاويين من لداخل حيت ديك المنظمة حيدات أعضائهم
كرزة: ياربي السلااااااااامة😨
سهام: اهئ اهئ اهئ
انا: ولمفاجأة أن دوك لخوت خدامين فيها وهوما اللي كايقتلو الناس الأبرياء وداك العقد كان عقد تنازلي على أعضائي .. كانو غايقتلوني ديك الليلة لكن سمعت أنهم ناقصينهم شي معدات عليها قررو يقتلوني تال الصباح
كرزة: اوااااااه وبقيتي ديك الليلة مع الجثت؟
أنا: اه 😢 كانت أسوأ ليلة فحياتي.. ومللي صبح صباح جاو باش يقتلوني ويدفنو الجثت لكن ختو تعطلات عليهم وانا ستغليت لفرصة وطلبت من داك المجرم يجيبلي الماكلة ومللي جابها فكني وخرج يهضر فالتيلفون وانا قررت انني نحاول نهرب وجاتني فكرة وحدة للي هي نتخشا وسط الجثت ويهزوني معاهم باش يدفنوهم وتما نشوف كيندير نهرب وداكشي اللي درت..
كرزة: يااااااااااع واااااع ناااااااااااااااااري
تخشيت وسط دوك الجثت المعفنة وفعلا هزوني معاهم وداوني بلاما يعيقو بيا وخليت مورايا دوك المجرمين جاهلين بالتقلاب عليا..مللي وصلو لمكان الدفن تسلت من دوك الرجال وهربت وبقيت نجري وسط ديك لغابة حتى دخلات ليا حديدة فرجلي ختارقاتها..(سهام غمضات عينيها) بقيت كانزف بزاف ولكن ماستسلمتش حتى وصلت للشانطي ومن تما غبت على لوعي .. ولكمالة راكم عارفينها😢😢😢😢
سهام: (عنقاتني وكاتبكي) سمحي ليا ابنتي سمحي لينا بزززاف .. كيفاش قدرتي تواجهي هادشي بالفعل نتي بنت قوية من لداخل
كرزة: (معنقاني من رجلي) اهئ اهئ سمحيلي عايرتك وعضيتك 😢😢😢
أسد: (سمع هضرة أسماء كاملة.... ومن بعد خلاهم ومشا بلاما يقول حتى كلمة ومابين حتى تأثر من داكشي اللي عاودات)
أنا: (فنفسي) متكبر تفو على انسان كيداير ماقدر حتى يطلب مني السماحة..من الصباح وهو كايسب فيا ومللي عرف الحقيقة ماكلفش راسو يعتاذر..
سهام: أسماء ..بنتي يالاه لبيتك ترتاحي وكانعاود نعتاذر منك..
أنا: لا اخالتي ماتقوليش هاكا بالعكس نتي ثقتي فيا بلاما تعرفي عليا والو نتي مرا طيبة
سهام: ونتي أكثر....دخلت أنا ومدام سهام وكرزة للدار ووصلوني لبيتي ومشاو
أنا: ياربي كيفاش عاودت ليهم كلشي بااينة غاينوضو مشاكل وهوما غايحاولو يدخلو لبوليس وأنا غانمشي فيها بفففف...حيدت حوايجي ولبست بيجامة مطلوقة وفكيت شعري طلقتو وتخشيت ففراشي وانا راكباني لخلعة من داكشي اللي يقدر يكون جاي..
#في_الصباح:
نضت كانتكسل من فراشي دخلت دوشت تدويشة خفيفة وخرجت لبست كيطمة سامبل فلبلو مارين وبانطوفة..نشفت شعري وجمعتو كعكة مهملة وخرجت من لبيت متوجهة لتحت..هبطت فالدروج وانا نشوف فاطمة..
أنا: فاطمة فين كرزة؟
فاطمة: غاتكون مزال ناعسة طلعي عندها
أنا: اجي معايا وريني بيتها..... طلعات معايا فاطمة ووصلاتني لبيت كرزة..كان فيه بزاف ديال الألوان ومشقلب..دخلت كانتسلت ولقيتها ناعسة بدوبياس منظرها ضحكني..تخشيت حدايا فلفراش وعنقتها من لور
انا: حياتي كرزة حبي
كرزة: (مغمضة عينيها وكاتهضر) ممممم واش جيتي احبيبي ..عييت وأنا نتسناك تجي
انا: (حابسة ضحكة) حبيبة نوضي نزيدو شي ماتش مزال ماشبعت منك
كرزة: علاه حنا لعبنا شي ماتش؟ مالي ماحاسا بوالو
انا: (قربت حدا ودنيها) قحبببببببببة
ناضت كرزة تلاحت من فوق الناموسية وشادة فقلبها
كرزة: لينعلطبنمك ابنت لحرام هادي نتي تفووووووووووو يسحابلي...يخخخخ تفو
انا: ههههههههههههههههههههه يسحاب ليك اللي حواك وااااا هههههههه😂
كرزة: شفتك تقزدرتي هادي هي ن...هاء أسماء الضريفة الدريويشة
انا: غا معاك احبي أصلا نتي اللي علمتيني😂
كرزة: حشومة عليك .. مرحبا بيك بعدا فبيتي ههه تسناي نغسل وجهي ونلبس ونهبطو نقصيو
أنا: واخا واخا سربي.........دخلات كرزة غسلات وجهها وخرجات لبسات تاهي كيطمة حمرة وخلات شعرها مطلوق يالالة وضرباتها بتكحيلة وتعكيرة عاد هبطنا
سهام: لبناااات زيدو تفطرو
مشينا جلسنا فالطابلة اللي كانت مجموعة فيها لعائلة كاملة وحتى أسد...بدينا ناكلو فصمت حتى نطق أسد بهضرة صدماتني صدمة عاااالمية
أسد: أسماء..مللي تسالي لفطور لبسي حوايجك غانخرجو
أنا: 😲😲😲😲😲😲😲
لينا: (خوات عليها كاس دلقهوة سخووون بكثرة الصدمة) اااي اي اي اووووف
فوزية: غابالشوية عليك مالكي
لينا: أسد! كيفاش تخرجو؟ علاش فين كاتعرفها باش تخرج معاها؟
أسد: لينا لتازمي حدودك ماهضرتش معاك وماطلبتش رأيك
كرزة: خخخخخخخخخ😂 (شافتهم كايشوفو فيها وهي دير 5 على فمها)
لينا: لبارح طلبتك توصلني للشركة قلتيلي مشغول هذا هو الشغل
أسد: (ضرب طابلة بيدو وكايهضر تحت سنانو) لينااا !!! اش هاد لبسالة
سفيان: لينا سدي فمك ولا غانوض نهرسو ليك
هادشي كامل واقع وانا مزال حالة فمي غا فأسد وكانحاول نستوعب اش قال ليا
أسد: أسماء الى ساليتي سربي عفاك
لينا: اووووف (ناضت خرجات وردخات الباب)
سهام: ولدي فين بغيتي تدي أسماء؟
أسد: لواحد لغرض على حساب لوراق
سهام: ااااه مزيان اولدي الله يرضي عليك...أسماء بنتي نوضي بدلي عليك وسيري معاه
أنا: آ...😨 و..واخا
نضت وأنا مزال حالة فمي وتبعاتني كرزة كاتفركل طلعنا ودخلنا لبيتي
كرزة: سدي فمك الخرى ونتي دايرة كي الضبعة.. واهي من حقك تصدمي مانعرف مال سي أسد ياكما ضرباتو السخانة
أنا: ش..شنو نلبس
كرزة: هاااانتي ليك على لقحيبة😲 اجي اجي نشوفو
حلينا لماريو وجبدناه كامل ومضاربين مع لحوايج حتى قررنا أنني نلبس تريكو فضفاض فالرمادي غامق كتف مغطي وكتف عريان ..فايت لمأخرة ..مع ليبوط طالعين حد الركبة بالطالون فنفس لون التريكو
انا: كرزة راه طالون غايعذبني ورجلي مزال مابرات باغا ديريلي شي شوهة
كرزة: سيري تقودي يسحابلك غاتمشاي راه غا الطوموبيل..
أنا: ناااري ميمتي اوكي اللي ليها ليها...لبست و مشيت جيهت لمرايا سشورت شعري وخليتو مطلوق ..درت ماكياج خفيف كلوس وماسكارا ورشيت بارفان
كرزة: جيتي غزالة الحمارة
انا: جمعتي فيا 2 حيوانات البقرة..
كرزة: وايالاه يالاه راه تعطلتي عليه...
هبطنا أنا وكرزة فالدروج وأنا كانحاول نتكايس على رجلي اللي مضروبة وزايداها بالطالون حتى بان ليا أسد واقف مربع يديه وساهي فالفراغ لابس سروال جينز أسود وتريكو ديال الصوف لاصق على عضلاتو فلباج وصباط كاط فالباج وكاشكول ملويه على عنقو فالأسود...مطلع شعرو ومرجعو لور واللحية وريحتو وغوباشتو..هادشي كلو شفتو فيه مللي كنت هابطة حتى وصلت للتحت ونتابه ليا
أسد: يالاه ..
شفت فكرزة اللي طمناتني بعينيها وتبعتو بلا حتى شي كلمة..خرجنا للجردة وسبقني ركب فالطوموبيل وأنا كانتسناه زعمة يحل ليا لباب (هههه ولفتها) ركبت حداه وأنا كانشوف فيه بنص عين وهو كايتصرف بحالا راني مكايناش فهاد العالم ديمارا وبدا سايق للمجهول..
بقينا مدة ساعة وحنا غاديين وأنا فيا لخلعة ماعارفاه فين غادي بيا وهو كايسوق بلاما يقول حتى كلمة حتى وقف الطوموبيل فجأة..
أسد: هبطي!
هبطت وشفت فالمكان اللي حنا فيه كان جنة ولا أروع..كان ضاير بلبحر والمطاعم ديال لحوت وداكشي نقي وهااادئ
أنا: فين حنا؟
أسد: اجي معايا.......مشيت فجنبو وهو غادي حتى بدينا ندخلو فالرملة ديال الشاطئ وقربنا للما..
أسد: (تقابل معايا) أسماء جبتك هنا باش نعتاذر منك على كاع الهضرة الخايبة اللي قلت ليك..سمحيلي بزاف ماكنتش عارف ظروفك
أنا: (حالة فمي كي الضبعة خلاتها كرزة) لا..فالحقيقة..لا بلاما تعتاذر ماشي مشكل نسيت كلشي
أسد: (بابتسامة) شكرا بززاف ولكن بغيت نزيد نعتاذر بطريقة أخرى
أنا: (ساهية فسنيناتو اللي كايهبلو) اشمن طريقة !
أسد: المهم غدا مع ل5 ديال الصباح غاندوز عندك ونمشيو بزوج لواحد لبلاصة غاتعجبك..ولكن يبقى سر بيناتنا هادشي!
أنا: (بشك) ولكن علاش هادشي كامل؟ هانتا جبتيني هنا وعتاذرتي؟ علاش نعاودو نخرجو وبسرية؟ نتا مكاتعرفنيش بعدا وباغي تخرج معايا
أسد: (سد فمي بصبعو) شششششش عفاك (قرب حدا وجهي) غدا ماعندي والو وبما أنك أول مرة تجي لأمريكا ودوزتي فيها أيام صعيبة..قررت نخليك دوزي نهار زوين حيت من هنا سيمانة غاترجعي للمغرب..اش قلتي؟
أنا: (ناااري أسماء قلتي مغاتبقايش تيقي ولكن هانا مشيت وطرات شي حاجة أكيد مغاتكونش أسوأ من داكشي اللي داروه فيا مجد وسكينة وأصلا أسد ولد عائلة ومدام سهام أحسن أم مايمكنش يكون ولدها مامزيانش)
أسد: هيهو فين ساهية
أنا:لا لا هانا معاك صافي موافقة
أسد: صافي شكرا بزاف..أجي نتمشاو؟
أنا: ههه اهاه واخا.......بقينا غاديين فجنب بعضياتنا ولبرد كايطير شعري حتى كايوصل عند أسد وهو كايبتاسم بمعنى مكاين مشكيل..كان جو راااائع بزاف وخصوصا مع هاد التيتيز اللي حدايا
أنا: اااااااه (تلوات ليا رجلي وكنت غانطيح حتى شدني أسد)
رجلي تلوااات ااااااه😢
أسد: أواه نتي رجلك مريضة اش داك تلبسي شي طالون
أنا: 😢😢😢😢😢😢😢
أسد: حيديه وحاولي توقفي........حيدت ليبوط ولكن ماقديتش نوقف فمرة
أنا: اهئ اهئ ماقادراش والله (سيري ياكرزة بغيت ليك لحكة وقلة الضفار)
أسد: ممممممم هوووووووب (هزني بلاما يعلمني دار يد تحت ظهري ويد تحت فخادي وانا مع الخلعة حاوطت رقبتو بيدي ومغمضة عيني)
أنا:لا لا لا لاااااا غير حطني عفاك
أسد: ياكما عندك الجناوح وأنا مافخباريش صافي شدي فيا وسكتي
أنا: واخا😨...
بقا أسد هازني وغادي بيا يمكن راجعين للطوموبيل ولكن كان شارد كايفكر فشي حاجة ... رجعنا فين كنا نزلنا فالأول وهو يهبط راسو شاف فيا..
أسد: فيك الجوع؟
أنا: شوية😄
أسد: يالاه ناكلو حتى أنا جاني الجوع......بقا غادي هازني حتى دخلنا لواحد المطعم وكلشي كايشوف فينا ..حشمت بزااف من منظرنا حتى جلسني على كرسي فطابلة كاطل على لبحر..وجلس تقابل معايا بقينا 2 دقائق وجا النادل عطانا لmenu
أسد: شنو تاخدي؟
أنا: بحالك
أسد: هه واخا......ختار أسد لماكلة وعيط على النادل ...بقينا جالسين حتى بان ليا مجد داخل للمطعم بوحدو وكيقلب بعينيه على مكان يجلس فيه.......أنا صافي مشيت عند الله بالخلعة ماعرفت واش نوض نهرب ولا نتلاح من الشرجم ولا نشهد على حياتي ياربي لحبيب فينما نخرج نتلاقاهم ديك لمرة سكينة ودابا مجد..لاحظ أسد توثري وفمي اللي ولا بيض بالخوف
أسد: أسماء مالكي؟........... شافني مجاوبتوش ومركزة عيني جيهة مجد وهو يضور يشوف فاش كانشوف..
أنا: ياربي ياربي اش ندير ياربي عاوني ياربي ......
و فجأة...وقع اللي كنت خايفاه يوقع...جات عيني فعينين مجد وشافني..حسيت من خلال ملامحو أنه تصدم وبقا كايشوف فيا شوية حول نظراتو للشخص للي جالس معايا وشاف فأسد....صافي بديت نتسناه يجي عندي لكن لا...مللي شاف أسد بقا راجع باللور حتى خرج ومشا بسرعة كأنه مكانش هنا
أنا: (بصدمة) أسسسس..سسد واش واش شفتي..هاداك اللي 😢 اللي كان..
أسد: (قاطعني ببرودة ) هاهي جاية لماكلة
أنا: أسد راه الولد اللي كان واقف هنا راه هو اللي...
أسد: (تيليفونو صونا وقاطعني مرة أخرى) بلاتي نجاوب ونجي
أنا: لا لا عفاك ديني معاك ماتخلينيش هنا عافاك اهئ اهئ راه راه داك الولد ....
أسد: أسماء قلت ليك بقاي هنا😠 هانا غير قدام الباب مغانخرجش..
مشا أسد وقف فباب لمطعم وبانلي كايهضر فالتيليفون كان كايدير بزاف ديال التعابير بوجهو.... مرة كايضرب يدو مع الحيط ومرة كايبتاسم مابقيت فاهمة والو فهاد السيد.. ولكن أنا همي دبا ماشي هو أسد همي فمجد اللي شافني باينة مشا يعلم المنظمة يجيو يذبحوني هنا .. بااااينة غانموت قبل ماتسالي هاد السيمانة ونرجع للمغرب..ولكن علاش مجاش ليا مالو مللي شاف أسد تراجع ولا ياكما أسد بوليسي.. اه أنا معارفاش أسد فاش خدام..ولكن مجد منين كايعرفو ...ياربي راسي غايطرطق ياااربي تعاوني...بقيت هكاك كانقفقف ونتلفت فجنابي حتى جاب النادل الماكلة وأسد مزال غير كايهضر فالتيليفون حتى شفتو سالا وراجع لجيهتي جلس وباين مخلطة فيه الفرحة والغضب ومعصب وساهي
أسد: كليتي
أنا: لا مابقاش فيا الجوع
أسد: تا أنا يالاه نمشيو
أنا: (بدهشة) اه واخا.... ناض أسد سبقني وأنا بقيت جالسة حيت ماقدرتش نوض حتى حسيتو نتابه ليا وتفكر أنني معطوبة
أسد: (راجع جيهتي) نسيت!... هزني بحال الأول وأنا شادة فيه وكانشوف فملامحو اللي مامفسرينش حطني فالطوموبيل ،ركب حدايا وكسيرا...
وصلنا قدام الفيلا ونزلني وهزني عاود حتى قربنا حدا الباب
أسد: مابقيناش غانمشيو غدا فين قلت ليك..غانمشيو تال بعد غدا..عندي بزاف ديال الخدمة غدا..
أنا: اللي بغيتي .....دخلني حطني فالصالون ورجع خرج
كرزة: (جاية كاتجري) فين ليبوط مالكي حفيانة؟ مالو كان هازك؟ ياكما فركعك؟ خليتيه يتقبك صافي؟
انا: (بعصبية) كرزة عطيني التيساع الله يرحم جدك .. هزني حيت نتي عاطياني نلبس داك ليبوط فيه جوج ميترو وطحت بيه..وبزاف عليك قالا يتقبني يصحاب ليك أنا بحالك
كرزة: (ضرها كلام أسماء وتصدمات من الطريقة باش جاوباتها) سمحيليا كنت غير كانضحك....مشات كرزة من حدايا بكل هدوء عاد حسيت براسي كيفاش تصرفت معاها
أنا: 😢 نتي ا كرزة معارفاش باش كانحس.. راه لموت قريبة مني راني كانعيش فرعب اهئ اهئ..
عيطت على فاطمة باش تعاوني نطلع لبيتي وفعلا جات طلعاتني وعيطات ليا على الطبيب..تكيت فبلاصتي وبقاو كايدوزو قدامي أحدات هاد الخرجة اعتذار أسد ومجد اللي جات عيني فعينو.. بقيت خاشية وجهي فمخدة وكانبكي حتى دخل عندي الطبيب شاف رجلي وعاود دار ليا فاصمة وعطاني شي دوا.. طلب مني مانعطيهاش الجهد وخرج..بقيت فديك الوضعية حتى غفيت وداتني عيني..
#عند_أسد:
(واقف على حافة جبل عالي وخاشي يديه فجيابو..كايتأمل فالسما ومغوبش بحال ديما..
أسد: أنا أسد ..أسد الفارسي مغربي من والدين مغاربة..عمري 29 سنة وكانتعتابر من أغنى رجال أعمال أمريكا لكن عندي فقر كبير فالأحاسيس.. فالفرحة والسعادة والحب والرحمة والهنا...خدمتي فمجال التجارة العالمية..الاستيراد والتصدير..ماشي هي خدمتي الوحيدة حيت أنا رئيس أكبر منظمة للتجارة فالأعضاء البشرية كاينة فأمريكا... وكانشارك فاجتماعات اللي موضوعها قتل الناس وفصل أعضائهم على جثتهم..عائلتي اللي هي ماما معارفاش هادشي حيت كون عرفات كانت تبرأ مني وأكيد أي أم ماتقدرش تشوف ولدها قتال ولكن هادي هي حقيقتي والواقع اللي كانعيش أما الأب ديالي اللي حاشا واش يكون أب مات هادي 4 سنين...عمري حبيت شي بنت حيت أصلا ماحاسبش راسي عندي القلب اللي غايبغي شي وحدة...كاندوز علاقات رخيصة مع بنات رخيصات كايساليو فليلتهم..على ذكر الليلة..فواحد الليلة كنت راجع من خدمتي حتى جات فطريقي بنت باينة حاولو يتعداو عليها شي وحدين..شعرها طويل بزاف وملامحها زوينة ..لكن كانت كاتخلع بالدم اللي كارم على وجهها..ماعرفتش شنو اللي خلاني نعتقها ونداويها.. اش هاد التناقض واحد قتال وكاينقد الناس..جبتها لداري ومللي فاقت تصرفاتها كانو مبرهشين قدها قداش وكاتزعلل وتفركل وتغوت غابوحدها..ولكن الصدمة الكبرى اللي زعزعاتني هي نهار تلاقيت دوك 3 دالأغبياء وكتاشفت أن البنت اللي هربات من المنضمة هي هاديك اللي عندي فالدار وكاذبة علينا فسميتها..رجعت وانا مصمم انني نخليها تقول الحقيقة فجاتني فكرة أنني نستفزها ونطعنها فشرفها حتى عتارفات بكلشي....قررت أنني نرجعا للمنظمة لكن قبل نحاول نعتاذر منها قبل ماتموت حيت ضروري مانقتلوها..الى بقات حرة غاتخرج علينا كاملين..ديتها لبلاصة كاتعجبني وعتاذرت وخا مموالفاش ليا ندير هاد الحركات ..عينيها الرماديين فيهم براءة عمري ماشفتها فشي قحبة..ولكن طرات حاجة ماكنتش متوقعها واللي هي أن ليو شافنا بزوج..... كانت خايفة بزاف ولكن أنا ماهماتنيش هي همني ليو وشنو غايكون فكر فديك اللحظة...من بعد ماخرج والصدمة على وجهو صونا عليا وخرجت نهضر معاه..قالي هضرة فرحاتني وصدماتني بزاف وفاقت توقعاتي الشي اللي خلاني نقرر قرار حاسم و اللي غانطبقو بعد غدا....)
من بعد ماسالا أسد الهضرة اللي كانت كاضور بينو وبين نفسو ركب فطوموبيلتو وتوجه للدار طلع نيشان لبيتو وسد عليه بلاما يشوف ولا يهضر مع حتى واحد....
أسماء فاقت بدلات حوايجها لبسات بيجامة وعاودات رجعات للفراش مابغات لا تاكل لا والو.. كان الهدوء مستعمر الفيلا ديك الليلة كل واحد فبيتو ساد عليه شي مقلق شي خايف شي كايبكي فصمت..فانتظار غد جديد وأحداث جديدة....